Hello，大家好，我哋係由韓國人話你知每日最新資訊嘅Creatrip。
＃Youtube＃角色扮演
最近喺韓國好hit投入情景劇做題材去吸引人，而效果亦都相當好，受到唔少人嘅歡迎。
今日小編就會同大家介紹點解呢種主題會流行，同點解韓國人會咁鍾意陷入呢種主題入面。
✨馬上Follow我哋IG
instagram.com/creatrip.hk
陷入角色扮演嘅韓國人
最近韓國YouTube出現咗好多各種角色扮演嘅內容。現實生活入面可能有啲情景設定同超現實主義演技，都會令到第一次見面嘅人混淆。
補習班講師嘅網上講座到同財閥三世相睇，軍隊二等兵Vlog等等……新穎嘅概念同充滿笑點嘅角色扮演內容，平均點擊率達到100萬嘅超高人氣。
角色扮演係？
角色扮演係指扮演某種角色，不過最近佢嘅意義被縮細，用嚟表示上面提到嘅YouTube內容。
角色扮演唔單止演技，眼神、手勢等完美投入，有種令人睇到會中毒嘅魅力。咁製作呢啲角色扮演主題嘅人到底係啲咩人呢？
創作角色扮演主題嘅人
製作最近好紅嘅角色扮演主題係韓國嘅喜劇演員。YouTube對於喜劇演員嚟講係好一個有魅力嘅舞台，時間、空間上嘅限制都比較少。
事實上，喜劇演員嘅主要舞台其實係上節目，不過而家KBS、MBC、SBS三大公開喜劇節目都結束咗，喜劇演員只可以搵新方向，開始拍YouTube繼續為大家帶嚟歡樂。
目前有大概60萬名訂閱嘅《Psick Univ》頻道 ，其中一位喜劇演員金民秀，當時佢出演《劉QUIZ ON THE BLOCK》嘅時候表示:「一齊入電視台嘅同屆喜劇演員入面，除咗一個人之外，其他全部都開設咗YouTube頻道，所以而家都係做咗先算。」
以往可能要去現場或者透過電視先可以睇到佢哋，因為節目嘅結束，佢哋都好煩惱之後嘅去向，而家透過YouTube大家可以感受到佢哋對喜劇嘅熱情。
主要YouTube頻道 同Contents
1. 피식대학Psick Univ
非面對面約會
非面對面約會係分別同5位男性透過視像，而進行相睇嘅一個主題。
呢五位分別係二手車經銷商、傳銷公司職員、說唱歌手、咖啡店老闆同財閥三世。
佢哋會專做啲女人會討厭嘅行為，例如講完一句嘢就伸鼻涕、借錢等，令人睇完覺得無語但又好笑。
한사랑 산악회 一個愛登山會？
雖然都係同樣嘅演員，但一個愛登山會嘅風格完全唔一樣，大家會睇到佢咊重演40歲同50歲嘅韓國大叔同大嬸登山嘅場面。
唔單止外形模仿得超似，連佢哋叫嘅口號（熱情！熱情！熱情！）都係同真正韓國嘅登山會一模一樣，一邊睇一邊會笑到喊！
2. 강유미 yumi kang
「知唔知咩係道？」 角色扮演
「知唔知咩係道？」係曾經喺韓國街頭常見嘅宗教傳教方法，佢哋好鍾意以自然方式同路人傾偈之後，再問人拎錢或者係個人信息，之後再帶到去宗教場所。
喺影片入面，實際遇到《知唔知咩係道？》再俾人帶過去宗教地方嘅搞笑女藝人侑美，可以更加睇到佢嘅精湛演技同吸引力。
睇完都覺得好似真係俾人傳緊教咁，佢啲片仲會有提供外語字幕，所以唔少外國人都鍾意睇。
3. BDNS
韓國地理講師 文老師
地理講師文老師佢嘅口吻同行為真係模仿得十足十，喺影片入面成日都會做啲錯漏百出嘅行為，俾學生不斷取消。
唔知係唔係因爲似真正嘅老師一樣咁上地理堂，喺「文老師」出名之前，有好多韓國人都以爲佢係真正嘅網絡授課講師。
今日我哋就了解咗韓國YouTube最新嘅趨勢，如果大家有興趣嘅話，可以喺YouTube度搵佢哋啲片㗎 ！
