Hello，大家好，我哋係由韓國人每日提供最新韓國旅行資訊嘅Creatrip。
雖然韓國嘅農曆新年係比中秋節冇咁重要，不過都都算係一個大假期。 韓國人通常都會放3日假，同屋企人團聚。新年佢哋都會互相交換禮物，到底韓國人喺新年會送啲咩俾對方呢？ 今日小篇就會同大家介紹俾知6個韓國嘅賀年禮盒套裝！
韓國賀年禮盒套裝
1. 健康食品
健康係韓國所有年齡層都好重視，尤其係老人家，所以喺新年嘅時候，年輕人都成日會為父母買紅蔘或者維他命套裝。 韓國係人蔘國，所以要搵禮品套裝一啲都唔難。 正官庄就係出名嘅人蔘品牌之一。
2. 水果
同香港一樣，新年嘅時候韓國人都鐘意送水果。 呢啲套裝適合送俾所有年齡層。 喺韓國，用嚟做禮物嘅水果通常係又大又靚，一套大概係4萬至5萬韓幣。 主要會係送蘋果、梨、提子。
3. 韓牛
韓國人好鐘意食肉，尤其係牛肉，所以牛肉算係最高級嘅禮物。如果要揀高檔禮品送俾韓國人嘅話，就一定要揀韓牛喇！
4. 罐頭乾糧
如果你想送一份價錢相對比較大眾化嘅禮物嘅話，就可以參考一啲乾糧套裝 。最有代表性嘅就係午餐肉罐頭、食用油或者紫菜套裝。 呢啲都係韓國屋企需要嘅食品，所以真係好實用嘅禮物套裝之一。
5. 洗頭水、淋浴露
呢個都係新年期間韓國最暢銷嘅禮品套裝之一。 呢啲洗髮水同沐浴露套裝係相當平，但係可能就有一個缺點，就係如果收禮物嘅人唔係用慣你送嘅牌子的話，可能就會變得唔實用。
6. 咖啡
韓國人鍾意飲咖啡， 如果大家唔知送啲咩比較好嘅話，送咖啡就一定唔會有錯。 Maxim或者KANU都係出名嘅牌子之一。
以上就係韓國人經常喺新年嘅時候6種典型禮品套裝，唔知大家又有冇收過呢？
如果有更多想知嘅內容，都可以隨時留言或者dm話俾我哋知：）
Instagram：creatrip.hk
