韓國即食食品推薦
韓國小編為大家推薦親自試食過嘅即食食品推薦！每款都係韓國近期大熱！
Hello，大家好，呢度係由韓國人每日提供最新韓國旅行資訊嘅Creatrip。
韓國人咩都鐘意快，就連食物佢哋都越嚟越多唔同種類嘅即食食品，最近隨住氣炸鍋嘅人氣急升，可以用氣炸鍋整嘅冷凍食品都變得越嚟越多。今日小編就想同大家介紹幾款韓國最近最多韓國人食嘅即食品。
如果有其他商品想買
請參考以下網址
1. Bibigo 即食湯包
- 保管: 常溫保管
- 價錢: 大概6,000~8,000韓幣
第一個介紹嘅就係韓國Bibigo嘅即食湯包，有時放工唔夠時間去買材料，又想飲啖靚湯？咁佢絕對係大家嘅最好顏擇，每包大概1-2人份（有啲係3-4人份），大家可以直接隔水加熱或者微波叮嚟食。因為佢實咗太方便，唔少韓國人都會擺定幾包喺屋企以備不時之需。
加上呢款湯包味道夠濃郁，而且營養豐富，所以一直都好受大家歡迎，如果之後嚟韓國有機會嘅話都一定要買嚟試呀！
2. 不倒翁「極鮮雞絲拉麵」
- 保管: 常溫保管
- 價錢: 大概 6,000韓幣
不倒翁極鮮雞絲拉麵喺2020年1月上市，呢款同其他拉麵唔同，係有一包鮮雞絲附送喺入面！
唔似以往嘅拉麵淨係得蔬菜包同乾肉包，而係有一包雞絲同蔬菜，湯頭好鮮大家食過一次都讚不絕口！
3. No Brand 蓋飯醬汁
- 保管: 常溫保管
- 價錢: 大概 1,000韓幣一包
第三款想同大家推薦嘅係No Brand蓋飯醬汁，佢分別有餐肉泡菜蓋飯醬、辣火雞蓋飯醬、炸醬蓋飯醬、炸雞蓋飯醬同麻婆豆腐蓋飯醬。
小編特別想同大家推薦嘅係餐肉泡菜蓋飯醬汁，因為冇諗過泡菜同餐肉可以咁夾，而且好快令人忍唔住食完一碗飯。
4. SEMPIO 媽媽小菜
- 保管: 常溫保管
- 價錢: 大概 3,000韓幣
媽媽小菜出嘅都係好似真係食緊韓國家常菜一樣，最具代表性嘅有鵪鶉蛋、醬紫蘇葉、燉明太魚乾小菜等。
呢啲小菜就咁配白飯就已經好好食，而且夠方便同簡單。
5. 三養 辣雞醬料
- 保管: 常溫保管
- 價錢: 10條大概 5,000韓幣
唔單止韓國，喺好多地方都好受歡迎嘅火雞麵！因為受到大眾歡迎，佢哋而家仲出咗呢款辣雞醬料，每次想食嘅時候就只需開一包！
體積細，就算帶出街都好方便，而且聽講1枝嘅量係按照1人份嘅飯量而製成，啱啱好！
6. DONGWON芝士年糕
- 保管: 常溫保管
- 價錢: 大概 5,000韓幣
韓國即食食品一定唔少得嘅就一定係炒年糕！只需常溫保管，唔使放落雪櫃，8分鐘之內一定可以煮好，超級方便！
7. Pulmuone 豆腐麵
- 保管: 冷藏保管
- 價錢: 大概 7,000韓幣 (3個)
最近韓國想搵健康又好食嘅人越嚟越多，所以呢款豆腐麵人氣都好高。
唔單止有香噴噴嘅豆腐味，仲有好柔軟嘅口感，食完唔會覺得有罪惡感。
8. 下酒夜 炸八爪魚
- 保管: 冷凍保管
- 價錢: 大概 8,000韓幣
呢款炸八爪魚最近喺韓國成為大熱，好多人為咗買佢而買到斷貨。
金希澈代言嘅呢款八爪魚好啱做啤酒下酒菜，好多韓國人宵夜都食佢。
9. Pulmuone 芝士波
- 保管: 冷藏保管
- 價錢: 大概 8,000韓幣
同炸雞係天作之合嘅芝士波！ 喺炸雞店叫嘅話一般5個係5000韓幣左右，相對嚟講唔太平。如果突然想食芝士波，但唔捨得去炸雞店度買嘅話，買呢款就最啱。
放入氣炸鍋9分鐘就可以食得，熱辣辣嘅芝士波真係令人忍唔住想食完一粒又一粒。因爲係冷凍食品，想幾時食就幾時食，好方便。
10. 冷凍鯛魚燒
- 保管: 冷凍保管
- 價錢: 大概 7,000韓幣
韓國人喺冬天要帶現金嘅理由淨係得一個... 就係為咗食鯛魚燒。不過自從有呢款冷藏鯛燒之後，出街唔需要再帶現金，因為大家喺屋企就可以自己用氣炸鍋、微波爐、焗爐等整嚟食。
再加上之前喺街上買嘅鯛魚燒可能淨係得奶油同紅豆兩種口味。不過呢款冷凍鯛魚燒就有奶油、紅豆、蕃薯、朱古力等多種味道，每包有成1KG咁多，大家可以隨時隨地整嚟食！
今日介紹嘅產品入面，常溫保管嘅產品可以通過我哋Creatrip嘅代購服務購買㗎！
如果有更多想知嘅內容，都可以隨時留言或者dm話俾我哋知：）
Instagram：creatrip.hk