年輕人最鍾意買嘅時尚服飾店
想知韓國年輕人最鐘意去邊度買衫?就一定要認住呢6間時尚服飾店!
Hello,大家好,我哋係由韓國人話你知每日最新韓國資訊嘅Creatrip。
韓國一直都係潮流天堂,每次嚟到旅行大家係唔係都會買到一抽二掕呢?不過大家又想唔知想韓國人到底平時最鍾意喺邊度買衫呢?今日小編會同大家介紹6間喺韓國好受歡迎嘅時尚品牌,唔單止平得嚟又易襯,呢啲品牌嘅鋪頭幾乎遍布韓國每條購物街!甚至有啲喺香港都有分店㗎!
年輕人最鍾意買嘅時尚服飾店
1. SPAO
網址: https://spao.elandmall.com
由於價錢又平款式又時尚,所以係好多年輕人都好鐘意嘅品牌。 聽講只要睇SPAO出啲咩衫,你就會知而家韓國年輕人嘅流行趨勢。
SPAO除咗平之外,仲會經常同唔同品牌推出聯名產品,每一款都係大受歡迎,例如之前嘅哈利波特系列、蠟筆小新系列等。相信大家嗰排有去韓國嘅話都一定有去搶過。
SPAO男女都啱,適合年輕人同30歲以下嘅人群,SPAO最出名嘅包括運動衫、連帽衫、T恤同基本OL服。
2. MIXXO
網址: https://mixxo.elandmall.com
呢個係專為女性而設嘅時尚品牌,佢嘅風格係比較女性化、溫柔、簡單路線。 雖然MIXXO嘅價格比SPAO略為高一啲,不過都代表佢哋嘅品質都更加優質。
如果大家只係啱啱開始Office生活,想要搵到啲自己負擔得起嘅衫的話,咁大家一定要嚟呢間!
3. ROEM
網址: https://roem.elandmall.com
對於鍾意行淑水同OL風格嘅女性,ROEM都係幾唔錯嘅選擇,大家可以喺入面搵到好多好靚嘅連身裙,恤衫同裙,風格係比MIXXO更加成熟。
呢間鋪頭嘅衫顏色唔會太鮮色,係比較柔和色。 除咗衫之外,佢哋仲擁有一系列嘅手袋,鞋同銀包㗎!
4. WHO.A.U
網址: https://whoau.elandmall.com
WHO.A.U嘅衫大多數係啱啲鐘意著得舒服同方便嘅年輕人,男女都適合!
佢哋通常有好多特殊嘅圖案或者係設計細節去打造亮點,不過要注意嘅係WHO.A.U尺寸相對比較大,買嘅時候記住要check清楚先!
5. 8SECONDS
網址: https://www.ssfshop.com/8seconds
呢個小編私底下好鐘意嘅品牌之一,優良品質,好多獨特嘅設計。 任何人都可以喺8SECONDS搵到啱自己嘅衫,佢哋嘅衫通常係單色,而且風格好簡單好易襯。
6. TOPTEN
網扯: https://topten.topten10mall.com
如果UNIQLO係代表日本,咁TOPTEN就係代表韓國。 TOPTEN提供任何人嘅基本需要,優質嘅材料同超實惠嘅價格,令TOPTEN喺韓國迅速發展。
TOPTEN有各種男女基本款,例如牛仔褲、背心、恤衫,OL服……但係如果大家就要搵一啲設計特殊嘅衫的話,TOPTEN可能就唔太啱你啦!
以上就係韓國好受歡迎嘅6個時尚品牌,小編自己都成日買呢6個品牌嘅產品,因為價錢平、設計時尚、質量更加係唔話得。大家下次嚟韓國遊行就一定唔好錯過啦!
如果有更多想知嘅內容,都可以隨時留言或者dm話俾我哋知:)
Instagram:creatrip.hk