logo

Netflix《魷魚遊戲》意義

《魷魚遊戲》到底想表達啲咩?劇情可以睇得出韓國真實現象!劇中穿煲鏡頭你搵到幾多個?

Yeong
3 years ago

Hello,大家好,我哋係由韓國人每日提供最新韓國旅行資訊嘅Creatrip


唔知大家有冇追最近Netflix大熱韓劇《魷魚遊戲》呢?呢套戲係講述456名因為各種困難而走投無路,某日被邀請參加一場神秘死亡生存遊戲,只要通過六個關卡,就可以獨得456億韓幣獎金,但輸咗就要付出自己性命……


華麗佈景、令人緊張同刺激節奏,令《魷魚遊戲》登上多國Netflix榜單前10名寶座,寫下韓國作品最佳記錄。今日小編想帶大家一齊了解《魷魚遊戲》場面同細節,仲有至今爆出嘅諸多爭議,有興趣嘅朋友就繼續睇落去啦!



提醒:本文有大量劇透
提醒:本文有大量劇透
提醒:本文有大量劇透
提醒:本文有大量劇透


《魷魚遊戲》意義

1. 每個遊戲嘅意義

《魷魚遊戲》總共有六個關卡,都係韓國人由細到大一定玩過嘅遊戲,多多少少都代表住《魷魚遊戲》本身要帶俾大家嘅意義。

魷魚遊戲 劇情Netflix《魷魚遊戲》

作為第一關嘅「一二三木頭人」,如果被大型公仔見到有人郁,就會直接開槍殺,當公仔(掌權者)見到時,唔可以亂郁,要按照規矩嚟,但喺公仔見唔到嘅時候,要作弊亦都得──前提只要唔俾公仔睇到就得。


第二關「椪糖」雖然望落好似好公平,一切都係個人選擇,證明作弊可行性;第三關「拔河」係考驗智慧,即使全部都係男性又大隻,好似處於優勢,但弱者可以靠智慧翻身,繼續生存落去。


魷魚遊戲解析Netflix《魷魚遊戲》

第四關「彈珠」遊戲,當大家以為揀另一半可以一齊過關時,主辦單位就有「只可以一人生存」規則,無疑就係講述現實生活中嘅我哋,即使同隊友一齊奮鬥、前進,但喺真正緊要關頭時,每個人都只會顧住自己。


「玻璃橋」雖然望落都係公平,以前後順序出發,個人選擇揭示未來命運:先出發嘅人可能會成功,前提要有極大運氣,而後面出發嘅人如果冇記住前一個人行嘅路,到頭來都係死路一條。


至於《魷魚遊戲》最後一關回歸到整部戲嘅核心「魷魚遊戲」,以兒時遊戲嘅單純,襯托長大後嘅殺戮世界,冇特別規則,只要喺允許範圍內都可以任意攻擊、只求勝利,如同六個遊戲到頭嚟令所有參賽者都有「我要繼續生存落去」嘅念頭,過程係點,用咗咩手段都唔再係咁重要。

  韓國人兒時玩意


2. 人性體驗

遊戲情節 魷魚遊戲

Netflix《魷魚遊戲》

《魷魚遊戲》之所以咁多人睇同討論,最大原因都係因為戲中對於人性嘅刻劃,令到好多人都有共鳴。

為咗生存落去會而無所不用其極,明知道大家一齊努力,有機會令犧牲者更少,可以一齊過下一關,但有啲人會偷偷地耍手段,踩住其他人屍體向上爬;甚至係同隊友一齊奮鬥緊,喺生死關頭出賣對方,以求繼續生存落去嘅人性醜惡,都喺《魷魚遊戲》劇入面一覽無遺。


魷魚遊戲 遊戲

Netflix《魷魚遊戲》

對於人性體驗,《魷魚遊戲》想帶出嘅其實就係個「欲」字。為咗親人而極需用錢嘅「欲」,為咗金錢而不惜鋌而走險嘅「欲」,為咗生存落去而不惜出賣隊友嘅「欲」,另外仲有第四關入面,智英突然意識到自己冇離開理由嘅「欲」,放棄贏嘅機會,交由姜曉繼續向前行。


魷魚遊戲 抄襲

Netflix《魷魚遊戲》

以及就算係最後贏到456億韓幣嘅奇勳,喺回歸正常生活之後,一直都惦記住姜曉嘅細佬以及尚佑嘅媽媽,呢啲都係「欲」嘅展現,到最後佢見到似曾相識嘅打畫片男子出現,想試圖阻止一切,喺登機前最一刻選擇離開,希望改變啲咩都係「欲」。



3. 點先至係真正嘅平等?

韓國 魷魚遊戲

Netflix《魷魚遊戲》

雖然喺《魷魚遊戲》中,主辦單位一直話遊戲係平等,但其實根本冇呢回事。即使遊戲選擇各有50%機率,但都唔係真正平等。你嘅出身、你嘅背景、你嘅知識喺《魷魚遊戲》中,就令你有不一樣嘅立足點,其實就同現實生活中所講嘅「平等」係一樣偽善。


如果真係平等,主辦單位就唔會允許玩一二三木頭人嘅時候,可以匿喺其他人身後面;如果真係平等,玩「椪糖」嘅時候,就唔應該可以用打火機;如果真係平等,喺玻璃師父發現強化玻璃差異時,就唔會閂燈,阻住隊伍前進等。


梨泰院 魷魚遊戲

Netflix《魷魚遊戲》

遊戲嘅唔公平,只係將外面世界真實樣貌放大嚟睇。



4. 脫北者現實


魷魚遊戲 推薦

Netflix《魷魚遊戲》

《魷魚遊戲》戲中作為脫北者嘅姜曉,現實生活中成日俾人欺負,雖然望落似由封閉、專制北韓去到南韓,但其實諗深一層,只係去咗另一個地獄?


雖然喺韓國,政府會俾脫北者適應喺南韓社會嘅援助,但之後脫北者要點生活又有邊個可以幫到佢哋?如果俾人發現係脫北者,旁人會點睇?冇學歷同良好適應能力,令脫北者總係感覺自己係被害者,唔敢向其他人請求同幫手。



5. 貧富差距

netflix 魷魚遊戲

Netflix《魷魚遊戲》

韓國真實社會中嘅貧富差距,都好難以令人想像。韓國2020年平均年薪為3,791萬韓幣(約HKD252,733),但佔據金字塔頂端0.1%高收入族群,平均年薪高達7億6,760萬韓幣(約HKD5,059,635),只有1.9萬人達到呢個數字;擴大至前1%,平均收入高達2億704萬韓幣(約HKD1,364,704),數字相當驚人。


雖然望住平均數字,會感覺韓國人工都唔算低,但都係由高薪者所擴大數據資料,而韓國低薪工作前50名,年收入可能唔到全體平均年薪一半,要被稱為「地獄朝鮮」嘅韓國點樣生活呢?好難怪佢哋會選擇參加《魷魚遊戲》。

  韓國人平均年薪



《魷魚遊戲》穿煲鏡頭

1. 061到底係邊個?

戲劇 魷魚遊戲

魷魚遊戲 真實面

Netflix《魷魚遊戲》

《魷魚遊戲》第二關玩椪糖遊戲嘅時候,編號061女性因為整碎椪糖被槍殺,但後嚟螢幕上061畫面竟然係男性?咁到底邊個先係061號呢?



2. 遮嘅圖案變咗?

魷魚遊戲 意義

魷魚遊戲 探討

Netflix《魷魚遊戲》

同樣都係椪糖關卡,眾人喺開始前要喺四個圖案入面揀一個,第四個遮嘅形狀喺一開始下面係冇鋸齒,但畫面一轉,就變成有鋸齒……唔知大家睇當時有冇發現到呢?



3. 食空氣嘅奇勳?

韓劇 魷魚遊戲

穿幫鏡頭魷魚遊戲

Netflix《魷魚遊戲》

喺大家一齊食緊飯嘅時候,奇勳雖然抱怨飯凍哂,但仲係食得好開心,不過下一個鏡頭,奇勳只係食緊空氣?呢個穿煲鏡頭出喺第三集,眼利嘅朋友可以再睇一次!



4. 工作咗123年嘅玻璃師父

魷魚遊戲 小細節

魷魚遊戲 遊戲意義

Netflix《魷魚遊戲》

唔知大家喺睇玩玻璃橋嘅時候,有冇留意到編號017玻璃師父,出現佢嘅資料,畫面上寫住「玻璃製造行業長期出勤」年份竟然係1897年?數數手指佢應該工作咗123年?!



5. TOP SCRERT

韓劇 魷魚遊戲

netflix推薦 魷魚遊戲

Netflix《魷魚遊戲》

警察偷偷地入主辦單位Office嘅時候,拎到嘅雖然係寫住機密文件,但英文就串錯咗!TOP SECRET變咗「TOP SCRERT」。



《魷魚遊戲》爭議

1. 戲中號碼係有人用緊

戲劇 魷魚遊戲

Netflix《魷魚遊戲》

《魷魚遊戲》中,孔劉飾演不知名男子,俾咗一張卡片奇勳,而上面寫到號電話號碼係真係有人用緊,每日都有成數百、數千幾個電話打去,令電話號碼主人苦不堪言。而Netflix亦表示歉意,將提供約100萬至500萬韓幣(約HKD 7千至3萬5)賠償。


另外,戲中用到嘅戶口號碼亦都係真人所有,但Netflix表示,係同帳戶主人協商好再用,冇任何問題。



2. 抄襲爭議?

魷魚遊戲

《要聽神明的話》

喺《魷魚遊戲》播出後,好多人都表示第一個關卡「一二三木頭人」呈現方式,同2014年上映嘅日本電影《要聽神明的話》第一關好似,另外同其他生存遊戲類型電影有部分相似之處,有抄襲爭議。


導演針對此事回應,《魷魚遊戲》劇本早喺2009年就寫完,否認有抄襲之說。但其實呢類生存遊戲本身喺呈現方式上,自然會有類同,但《魷魚遊戲》所展現嘅美學,成為韓國呢類型電影、戲劇前無古人標竿。



3. 梨泰院大型裝置引群聚

netflix 推薦 魷魚遊戲

중앙일보

韓劇 netflix 魷魚遊戲

중앙일보

喺9月5號開始,預計到26號梨泰院站有《魷魚遊戲》大型裝置,因為劇播出後引發熱潮,令到唔少人都去梨泰院站打卡,引發交通混亂、群聚,加上韓國近幾日疫情新增人數再創新高,引發社會批評。Netflix最後提前喺24號關閉梨泰院站展區。


以上係Netflix新劇《魷魚遊戲》嘅介紹,唔知大家又冇一次過追哂呢?歡迎大家同小編分享一下你嘅諗法。




如果有更多想知嘅內容,都可以隨時留言或者dm話俾我哋知:)

   Instagram:creatrip.hk

  Facebook:Creatrip 帶你認識韓國每一面

   韓國代購

熱門文章

熱門文章