防疫措施延長2星期

韓國防疫措施延長2星期到新年連假！預計二月中開打輝瑞疫苗，醫療人員優先

Jeongyeong Yeo

4 years ago

Hello，大家好，我哋係由韓國人話你知每日最新韓國資訊嘅Creatrip。

＃韓國疫情＃20210201
＃春節＃疫苗＃防疫政策

國務總理丁世均尋日（1月31號）喺首爾大樓舉行新冠肺炎本部會議上表示：「目前社會距離維持措施、防疫標準，將再延長兩星期到新年連假結束。」

防疫措施延長2星期

來源：아시아경제

目前社會距離措施、防疫標準，為全韓國禁止5人以上聚會，首都圈2.5階段、非首都圈2階段。

餐廳、Cafe 21:00後禁止內用，部分設施21:00後需停止營業。

國務總理解釋：「政府做出呢次決議並唔容易，希望大家都可以合作，防疫措施將會延長到新年連假為止，以順利銜接疫苗接種同三月新學年開始，大家先可以快啲恢復至日常生活。」

來源：조선일보

另外大家最關心嘅疫苗部分，國務總理表示已經正式完成疫苗通報，將會喺二月中引入輝瑞疫苗11.7萬劑（約供6萬人接種），醫療人員將會優先接種。

雖然舊年韓國與輝瑞簽訂合約為1,000萬人份疫苗（第三季度開始接種），而目前第一波分配到疫苗數量較少，但透過疫苗保障機制，有望提前喺上半年至少引入130萬劑，最多219萬劑疫苗，最快喺二月至三月時供應30萬份。

會議最尾國務總理亦為最近因接觸確診者，而不幸感染新冠肺炎過世嘅醫生祈求冥福。

而家全國醫療現場有好多同新冠肺炎進行緊殊死搏鬥嘅醫療人員，真心感謝佢哋辛勞同奉獻，希望大家喺竭盡全力嘅同時都可以注意自身安全。

其他延伸閱讀
韓國煙將加價	樂天七星將加價