韓國人氣最高嘅Top 10時裝店
韓國人最鍾意網購衫褲鞋襪！一次公開韓國人氣Top10 嘅網拍服裝店！
Hello，大家好，我哋係由韓國人每日提供最新韓國旅行資訊嘅Creatrip。
韓國人超級鍾意網購，無論係生活用品定係衫褲鞋襪佢哋都會選擇網購。韓國有一個好出名嘅時裝網購平台「zigzag」，呢個平台就犀利啦，一個app裏面竟然集合咗2680間韓國嘅網店，所以唔少韓國人想買衫嘅時候都會喺呢一個app裏面一次買好多間舖頭嘅款式，然後一齊集運。
喺呢2000幾間舖頭入面，究竟邊10間係韓國人最鍾意嘅呢？等小編一齊同大家睇吓啦！
韓國人氣最高嘅時裝網店Top 10
第十位: 98°C
呢間舖頭主打賣簡約風嘅衫，有高達55萬人關注，係10零20歲嘅女仔都鍾意嘅款式！如果你平時係着開一啲簡單基本款嘅就啱晒啦！呢間舖頭嘅衫平均20,000韓幣，都算係一個親民嘅價錢！
第九位：RIRINCO
大家都知韓國人好多時都係又高又瘦，有時喺韓國真係好難買到衫㗎！不過如果你係有啲肉地，而你又想買到韓味十足嘅韓裝就一定唔可以錯過呢間，佢呢度有提供唔同嘅size，S碼至到3XL嘅朋友都啱着㗎！
第八位：09women
09 women 同第九位嘅리리앤코嘅性質都好相似，都係有好多個size可以提供，啱晒有肉地嘅女仔！不過呢一間就有多一個優勝之處，就係可以海外配送，所以喺香港嘅大家都可以去佢哋網頁度買衫啦！
第七位：ATTRANGS
排喺第七位嘅아뜨랑스擁有高達47萬人追蹤，主打比較粉嫩嘅色系，如果你本身係行甜美可愛風嘅話，相信一定會好鍾意買呢間！
第六位：chaakan
如果追開韓國時裝嘅大家都一定會認識呢一間又平又抵着嘅鞋店，呢間舖頭喺弘大都有分店㗎 ！不論係夏季定係冬季嘅鞋款都好抵着，最平港幣$60就有交易㗎啦！而家係冬天，唔香港人都會買一啲毛毛靴，最平$80港幣就可以買到真係好抵！
第五位：andar
唔少韓國人都好鍾意做瑜伽或者做普拉提，但如果下下都要買到大牌子嘅運動衫都真係幾貴 。呢一間舖頭主打嘅就係親民價錢嘅運動裝，最平都係百幾蚊就可以買到一套，真係相當唔錯！
第四位：XEXYMIX
第四位同第五位一樣都係賣瑜珈同埋運動衫為主，呢間網站嘅衫經常都做優惠，一條瑜珈leggings大約都係港幣100幾-200蚊，佢哋嘅衫都好有設計感，鍾意運動嘅朋友就一定要留意下啦。
第三位： GOGOSING
講到第三位呢間就勁啦，佢哋嘅網站有高達140萬人追蹤。主打簡約時尚風格，唔少下身嘅牛仔褲或者裙都有賣埋XL，2XL嘅size，鍾意簡約風嘅微胖女仔就啱曬啦！
第二位：HOTPING
呢間服裝店都都係長期排喺第二位，啲衫主要喺圍繞運動休閒風為主，所以都有唔少好靚嘅衛衣！喺唔少嘅樂天百貨公司裡面都有分店添！
第一位： 66girls
長期喺榜首嘅就係呢間66girls啦，呢間舖頭有多達200萬人追蹤，相信唔少鍾意韓國嘅香港女仔都應該知道呢間！
呢間除咗做網店之外，佢都有好幾間門市，而且仲可以海外配送添！想緊貼韓國時尚潮流嘅大家一定要經常留意呢間啊！
以上就係10間韓國人最鍾意幫襯嘅網店，唔知有冇邊間係你心水呢？
如果有更多想知嘅內容，都可以隨時留言或者dm話俾我哋知：）
Instagram：creatrip.hk