韓國煙將加價

政府宣佈為咗可以令全國民可以更加健康，韓國煙價格將加至2倍價錢！

황요산

4 years ago

연합뉴스

Hello，大家好，我哋係由韓國人話你知每日最新資訊嘅Creatrip。

#韓國新聞 #COVID-19
#韓國煙加價

政府喺尋日（27號）宣佈，為咗可以市民更加健康，煙同酒將會加價，為求10年之後人均壽命可以提升。

目前韓國煙價格為4500韓幣，預計將會加價至8000韓幣，酒類飲品亦將會稍後再加價。

韓國煙將加價

연합뉴스

根據新聞報導表示，衛生福利部喺尋日（27號）宣佈咗《第五次全面國民健康促進計劃》（2021年～2030年）將會有新目標。

截至2018年韓國人健康預期壽命平均係70.4歲，為咗可以2030年壽命可以延長到73.3歲，政府宣佈韓國嘅煙將會加價到8000韓幣一包，目前價格為4500韓幣左右。

연합뉴스

2018年韓國男性及女性吸煙率為36.7同7.5%，喺2030年希望可以降低到25%同4%。

除咗煙會加價之外，原本每盒煙上標注嘅煙草、尼古丁等成份包裝，亦唔會再落廣告。

아시아경제

另外，為咗可以令市民減少買酒嘅費用，政府亦都計劃緊加價，不過暫時就未宣佈要加幾多。

預計之後喺所有公共場所都會加強相關禁酒廣告，同時亦都會考慮包裝上唔再印有廣告代言人嘅樣。

雖然目前未有講明幾時會加價，但小編都覺得呢個方案唔錯，希望呢次嘅加價，大家可以食少啲煙啦！

其他延伸閱讀
韓國疫情進展	疫情對飲食文化影響