來源：연합뉴스
Hello，大家好，我哋係由韓國人話你知每日最新資訊嘅Creatrip。
＃韓國新聞＃快遞罷工
＃韓國新資訊 ＃韓國快遞
為咗響應就嚟嚟緊嘅二月春節假期，唔少快遞企業都紛紛趕工，務求增加業務量，但其實都印發咗好多快遞公司嘅司機不滿。
喺1月21號快遞勞資雙方針對工作內容達成咗協議後嘅六日之後，即係尋日（ 27號）民主勞總全國快遞工會譴責快遞公司單方面違反、撕毁協議書，決定咗將會舉行罷工！
呢個《過勞死對策第一次協議文（과로사 대책 1차 합의문）》議文，係為咗防止快遞人員工作量過多過度辛苦而由快遞工會同埋快遞公司，仲有政府執政當局擬定嘅。
✨馬上Follow我哋IG
instagram.com/creatrip.hk
韓國快遞工會即將罷工
來源：kbs
喺韓國快遞營運模式之中，快遞司機一日要配送大概300個嚟自唔同地方嘅包裹，一日大概需要用到14個鐘先可以勉強送得晒。
喺疫情嚴峻嘅時候，好多人都少咗去實體店買嘢，改為喺屋企網購，所以亦都增加咗好多好大體積或者好重嘅物品，快遞司機嘅勞動量幾倍上升！
加上快遞公司嘅司機其實係被歸類成「特別僱用」，佢哋通常都唔係同啲大型購物商場簽約，多數都係同旗下嘅代理店（超市或者物流）簽約，亦都唔係韓國嘅勞動基準法嘅保障範圍之內，所以喺一啲法定嘅公眾假期都係冇特別休假嘅福利，佢哋一個星期只係得星期日可以休假。
來源：뉴스1
如果快遞司機想臨時休假嘅話，其實係要比兩倍以上嘅錢去搵日代班，姐係等於冇假放。
快遞工會就住撕毀條約嘅部分聲明，資方需要制定分類作業設備自動化嘅推進計畫，而喺呢個計畫完成之前，需要額外投入多啲人進行包裹分類，或者想負責分類嘅快遞員支付額外嘅手續費，更加重要嘅係有聲明唔可以轉嫁比快遞公司。
據了解，CJ速遞上年已經投入咗四千個職員進行包裹分類等，不過，快遞人員都會繼續抗議，認為咁樣嘅分配依然冇辦法100% 覆蓋所有快遞人力。
按照數量所講，樂天同埋韓進其實仍然有70%以上、CJ約有15%嘅快遞人員都係仲做緊呢啲高壓辛勞嘅分類工作，同時都違背咗協議文書第2條第3項「分類工作費用同責任唔會轉嫁俾快遞公司」，所以快遞員都需要繼續頂落去。
希望有關當局可以儘快擬定一啲新嘅方案去保障快遞人員啦！
✨馬上Follow我哋IG
instagram.com/creatrip.hk
| 其他延伸閱讀 | |
 首爾親環境巴士 |  韓國特別地名 |
