Hello，大家好，我哋係由韓國人話你知每日最新資訊嘅Creatrip。
韓國藝人好多時都係會著造型師精心設計嘅服裝，但偶爾都會著一啲名牌時裝。佢哋著同Model著嘅感覺有咩分別？大家係唔係都好想知呢？今日小編就整理咗啲藝人同Model都有著過嘅時裝俾大家！一齊睇落去啦！
同一件衫唔同感覺
1. IU
- 品牌：GUCCI
- 價錢：大概 1,300萬韓幣
2020年IU就去咗新世界百貨江南店嘅GUCCI做開幕紀念。當日IU就著住可愛嘅薄荷色連身裙，搭配華麗圖案嘅橙色外套登場，仲翻開咗外套嘅底領，可以睇到連身裙嘅蝴蝶結領。相反Model就係扣住咗大衣嘅鈕，有種著住連身裙嘅感覺，再用薄荷色頸巾做點綴，同IU可愛嘅感覺好唔同。
2. Blackpink - Jennie
- 品牌：CHANEL
- 價錢：未定
天藍色蝴蝶結裝飾上衣配上紫色短外套，攞住同外套相同顏色嘅迷你手袋，著住淺藍色嘅高腰闊腿牛仔褲更顯女人味。 乾燥玫瑰色為主嘅彩妝同 JENNIE好襯，而Model就喺蝴蝶結上衣上面加咗胸針做裝飾。加上藍色寬腳褲加華麗嘅皮帶做裝飾，搭配顏色鮮豔顏色嘅手袋，同JENNIE演繹咗唔同嘅風格。
3. EXO - KAI
- 品牌：GUCCI
- 價錢：150萬韓幣左右
KAI影GQ畫報嘅時候著嘅GUCCI系列，用粉色嘅格仔襯衫搭配藍色冷衫。作爲韓國男子偶像入面最先以 GUCCI 大使活動，可以感受到 KAI特有嘅舒適又高級嘅感覺。GUCCI Model雖然同KAI嘅幾乎係一樣，𣎴過就有一種端莊又休閒嘅魅力。
4. SHINee - Key
- 品牌：BALENCIAGA
- 價錢：160만원대
有時尚達人之稱嘅SHINee Key，呢件恤衫係2018年Balenciaga系列之一，短袖恤衫加上掛頸嘅長袖衫設計，好多韓國人都講笑話：「呢件衫到底邊個會著」。估唔到Key著得一啲都唔奇怪，而且令好多人都大吃一驚。雖然呢件衫係女裝，但Key都可以咁完美消化，真係好勁！
5. 丁海寅
- 品牌：DIOR
- 價錢：未定
參與雜誌社W Korea活動嘅丁海寅，令人印象深刻嘅幾何圖案襯衫配長身外套，一時成爲熱話。雖然同DIOR Model幾乎一模一樣，但佢襯咗Converse鞋配斜孭袋，展現出休閒又淘氣嘅一面，而Model就係襯皮鞋搭配天鵝絨手套，展現咗簡潔嘅正裝風格。
6. 孫藝真
- 品牌： DOLCE&GABBANA
- 價錢：380萬韓幣
演員孫藝真以大而華麗嘅玫瑰印花同貼身版型做特徵嘅連身裙，大膽嘅領口同獨特嘅底端展現咗優雅感覺。不愧係孫藝真同專業Model一樣，好襯得起呢條華麗而貼身嘅連身裙！
7. 文佳煐
- 品牌： Tod's
- 價錢：800萬韓幣
文佳煐喺《女神降臨》入面著嘅毛皮外套就係Tod's嘅產品，喺佢身上可以睇到簡約得嚟又顯得可愛。相反Model就將呢款大衣搭配迷你禮服，演繹復古風格。
8. 孔曉振
- 品牌：Vetements
- 價錢：150萬韓幣
孔曉振喺《山茶花開時》入面著嘅就係Vetements嘅印花連身裙。著上身之後更顯得佢嘅魅力，同成套電視劇嘅氣氛好夾。
9. 徐睿知
- 品牌： CELINE
- 價錢：未定
徐睿知喺電視劇《雖然是精神病但沒關係》嘅製作發表會上面著嘅黑白色連體褲造型，係CELINE 2020 S/S系列嘅產品。白色褶皺裝飾同袖口做亮點嘅連身褲，就好似著咗雪紡衫同寬腳褲嘅效果。Model同徐睿知都散發住領袖風範同優雅嘅感覺，但係徐睿知就卻搭配咗金色耳環，增加幹練又奢華嘅感覺！
10. 金高銀
- 品牌：CHANEL
- 價錢：未定
喺電視劇《The King:永恆的君主》入面展現舒適風格嘅金高恩，最後一集著過嘅迷人女神禮服亦都成爲咗話題。一眼就可以睇得出係高級材質，包住身體線條嘅白色襯衫連身裙係Chanel 2020 Pre-Fall產品。奶油色連身裙搭配金色腰帶同皮鞋點綴，展現咗又迷人又清純嘅魅力！相反Model就搭配長珍珠頸鏈、珠寶同華麗珍珠妝容，增加華麗感。
今日小編就介紹咗藝人同Model都有著過嘅時裝！真係各有各嘅魅力，好難分出高低。如果覺得有趣嘅話，大家可以留言話俾小編知最鐘意邊一套！
如果有更多想知嘅內容，都可以隨時留言或者dm話俾我哋知：）
Instagram：creatrip.hk
