韓國便利店之迷
韓國便利店大家應該去得多，大家又知唔知原來韓國便利店係隱藏住呢幾樣嘢？
Hello，大家好，我哋係由韓國人每日提供最新韓國旅行資訊嘅Creatrip。
大家以前嚟韓國旅行嘅時候一定會去便利店買零食或飲品，不過唔講唔知原來韓國便利店隱藏住一啲作為本地人都唔知嘅嘢！等小編帶大家一齊睇吓有邊幾點啦！
韓國便利店之迷
1. 唔可以隨便對客人講半語
koreadrama
如果大家有學過韓文嘅話都會知道韓國人因為好注重禮儀，所以講嘢都分咗半語、平語或者敬語。喺便利店做嘢嘅潛規則就係你一定要對著可客人講敬語，以表示尊重。不過有好多喺便利店打工嘅都係學生，佢哋有時都有遇過冇講敬語而比人投訴，所以喺韓國便利店做嘢真係要謹慎講野啊！
2. 買煙嘅時候講：「呢個！嗰個」
amino
賣煙嘅櫃檯就係喺收銀檯後面，所以唔少客人都會喺櫃檯前面睇下自己想要咩煙。佢哋揀好之後就會同收銀員講：「我要呢個同埋嗰個」或者講啲煙嘅暗號。唔講唔知，便利店啲職員真係好犀利，佢啲聽到少少暗號就知道客人想要咩㗎啦！
3. 用籃裝嘢
香港人如果喺香港便利店買嘢嘅話應該都係快快手咁買完就走，不過有唔少韓國人係鍾意攞住個籃慢慢揀。因為有啲韓國嘅便利店都比較大，所以佢哋都會覺得自己好似喺supermarket買嘢咁，唔知大家有冇見過呢類人呢？
4. 買膠袋要額外俾錢
Dramabeans
韓國係一個收好重膠袋税嘅地方，如果你買嘢想要個膠袋嘅話係要俾20韓幣先得㗎！正正因為咁，韓國人好多時都會自備購物袋出街。
5. 貨架上面冇就姐係等於冇埋相關嘅折扣
kdramadaily
大家去便利店買嘢嘅時候有時應該都會見到2+1優惠，如果貨架上冇齊3件貨品係唔可以揀其他去搭單，而剩低嘅兩包都只可以正價買。
6. 打爛玻璃樽要自己清理
喺香港如果喺買嘢嘅過程之中唔少心打爛嘅話，唔少舖頭都要你賠錢。不過韓國嘅風氣有少少唔同，相比起賠錢，韓國人更注重衛生，佢哋係會要求你自己清理返好。
7. 唔可以俾錢前食嘢
amino
如果去韓國嘅檔仔食魚糕嘅話，可以隨便行過去自己拎就可以。不過如果你喺韓國便利店就唔可以咁樣啦，一定要俾咗錢先可以開同食！
8. 用完便利店嘅凳要自己清理返好
aminokoreandramaland
唔少便利店都會有位俾大家坐低食飯，不過大家記住用完之後記得要自己清理返好啊！
以上呢八樣就係韓國便利店潛規則，唔知大家又有冇聽過呢？
如果有更多想知嘅內容，都可以隨時留言或者dm話俾我哋知：）
Instagram：creatrip.hk