Hello，大家好，我哋係由韓國人每日提供最新韓國旅行資訊嘅Creatrip。
大家會唔會覺得啲韓星咁靚仔靚女，佢哋好難先會愛上一個人，又或者會覺得佢哋眼角可能好高好難鍾意人呢？其實並唔係個個都係咁㗎，喺韓國有一個詞叫做「금사빠」，意思係指好容易陷入感情，人哋做少少嘢就好容易被感動嘅意思。我哋集合咗幾位瞬間就會陷入愛情嘅幾位「금사빠」，一齊睇睇啦！
容易墮入愛河嘅6位韓星
1. BLACKPINK - Jennie
지비코리아
世界人氣超高BLACKPINK嘅Jennie都曾經表示過佢係好容易墜入愛河。2017年出演JTBC《認識的哥哥》嘅時候，Jennie就話唔想同閔庚勳做拍檔，因為佢話好易鍾意人，怕一齊坐會愛上咗佢。
2. IU
擁有出眾美貌嘅IU就係其中一位「금사빠」 啦？佢之前睇仲係節目上面都講過：「如果有人鍾意我，對我做一啲好無微不至嘅舉動嘅時候，其實我有八成機會都會好快對佢有好感。」佢亦都話，雖然容易鍾意人係一件幾危險嘅事，但係呢個係佢比較難改到嘅習慣，所以唔少fans都好擔心佢。
3. Davichi - 姜珉炅
매일신문
跟住落嚟就係呢一位人人都叫佢做女神嘅姜珉炅。姜珉炅喺2019年出演MBC《Radio Star》嘅時候曾經表示自己係好容易墮入愛河。佢坦言對住異性嗰一瞬間佢好容易會產生咗一個鍾意人哋嘅想法。不過，如果佢嘅好朋友李海莉反對嘅話，佢就絕對唔會見面。
4. 全昭旻
네이버
喺節目SBS《Running Man》之中，全昭旻都承認咗自己係好容易陷入戀愛嘅人。佢有講過如果自己要同一啲靚仔男明星拍劇嘅時候都會面紅。
5. SHINee - 珉豪
KBS NEWS
跟住落嚟就係要介紹最近結束咗海軍陸戰隊生活，啱啱退役冇耐嘅SHINee珉豪。 珉豪喺2017年KBS2嘅《演藝家中介》中公開咗自己都成爲咗「금사빠」嘅事。2016年喺SBS《花郎》飾演金守護當日講：「本來我都唔係금사빠，但飾演完呢個角色之後就好似變得好感性，好似好容易陷入戀愛咁。」
6. 旗安84
YouTube
旗安84係一名漫畫家，之前佢出演《Happy together 3》嘅時候，一星期前對嚴賢璟約一齊食飯，點知食完之後覺得女方對佢冇感覺就結束咗。一星期後佢再上節目表示：「有次去便利店買包煙，職員實咗太可愛，忍唔住要請佢飲杯咖啡」，透露自己係「금사빠」一事。
以上呢六位就係演藝界嘅「금사빠」，大家係咪估佢哋唔到呢？
如果有更多想知嘅內容，都可以隨時留言或者dm話俾我哋知：）
Instagram：creatrip.hk
