擁有「動物相」嘅藝人
韓國人形容人嘅時候，鍾意比喻為動物相，狗仔相？貓相？大家又鐘意邊種相呢？
Hello，大家好，我哋係由韓國人每日提供最新韓國旅行資訊嘅Creatrip。
韓國人好鐘意用「動物相」嚟形容一個人嘅樣，望住佢哋嘅表情同外貌特徵就會諗到可愛嘅動物，而有好多明星都擁有動物相，今日小編就想一一介紹俾大家！
擁有「動物相」嘅藝人
1. 貓相
貓相主要係對眼夠大，眼尾要微微向上升起，俾人一種有少少高傲嘅感覺。
𣎴過當佢哋笑嘅時候，就有種迷人嘅反轉魅力！一齊睇下有邊個明星係貓相啦！
BLACKPINK - Jennie
EXO - Xiumin
f(x) - Krystal
ITZY - 禮志
2. 狐狸相/沙漠狐狸相
狐狸相就係比起貓相對眼更加細長，而且眼尾向上翹起，睇下有邊個偶像係屬於狐狸相啦！
ZICO
NU'EST - 旼炫
Lovelyz - 智秀
Stray Kids - I.N（精寅）
3. 蛇相
蛇相比起之前介紹嘅貓相、狐狸相，眼神更加強烈，顴骨亦都更加突出。
雖然俾到人有強勢嘅感覺，但係佢哋嘅眼神同面型都令人覺得充滿魅力！
請夏
aespa - Karina
權玄彬
4. 狗仔相
狗仔相主要嘅特徵係下垂嘅眼尾同面型比較圓，俾人有一種善良可愛嘅感覺。
代表韓星嘅有IU、伯賢、Jimin、姜丹尼爾等，佢哋四個人都擁有令人一望就諗起小狗嘅眼眸。
IU
EXO - 伯賢
BTS - Jimin
姜丹尼爾
5. 狼相
狼相主要係眼尾上翹，面型棱角分明，俾人覺得有種男人味。
擁有狼相嘅偶像喺舞台上面散發佢哋嘅男人魅力，吸引咗好多女粉絲支持！
SEVENTEEN - 珉奎
2PM - 澤演
EXO - 世勳
6. 兔仔相
兔仔相係指擁有圓碌碌嘅眼加上兔仔牙，比人嘅感覺又開朗又可愛。好似兔仔咁可愛嘅偶像會有邊個呢？
BTS - 柾國
TWICE - 娜璉
NCT - 道英
TXT - 秀彬
7. 恐龍相
恐龍相係指雙眼同眉間比較寬或者係顴骨發達，擁有高挺大鼻嘅人。
恐龍相嘅偶像代表有JR、文彬、元弼、Jeno等，望住佢哋都會諗起可愛嘅小恐龍。
NU'EST - JR
ASTRO - 文彬
DAY6 - 元弼
NCT - Jeno
8. 倉鼠相
倉鼠相係啲咩呢？係指眼尾有啲上揚，再加上笑嗰陣面珠圓碌碌，稍微露出門牙嘅樣。
SEVENTEEN - Hoshi
MONSTA X - 基賢
MAMAMOO - 玟星
BAE173 - 到賢
特別嘅動物相
BTS Jin - 短尾矮袋鼠相
世界上最幸福嘅動物短尾矮袋鼠！ 特有嘅可愛嘴型同炯炯有神嘅眼睛同JIN真係一模一樣！
EXO D.O. - 企鵝相
D.O.係出咗名似企鵝嘅偶像，臉型同雙眼都係圓碌碌真係好得意。
唔單止係五官，D.O.白雪雪嘅皮膚同純黑髮，真係好似黑白色嘅企鵝。
SEVENTEEN Woozi - 魔鬼魚相
今日介紹咁多種動物相入面，最特別嘅魔鬼魚相！
Woozi笑嘅時候對眼會變成半月眼同特有嘅嘴型，同魔鬼魚好似，就連Seventeen成員都認證！
IZ*ONE 叡娜 - 鴨仔相
最後介紹嘅係擁有鴨仔相嘅叡娜。
佢擁有豐盈可愛嘅「鴨嘴」， 粉絲仲幫佢起咗「鴨仔隊長」嘅花名添！
以上介紹咗咁多種動物相，大家係唔係覺得好似呢？ 如果大家仲知道其他動物相嘅話，歡迎留言同小編講！
如果有更多想知嘅內容，都可以隨時留言或者dm話俾我哋知：）
Instagram：creatrip.hk