韓國疫情進展
韓國防疫級別再延長！Cafe、K房、健身房終於解封！睇睇韓國最新疫情新進展！
Hello，大家好，我哋係由韓國人話你知每日最新韓國資訊嘅Creatrip。
＃韓國新聞 ＃新冠肺炎
＃韓國疫情 ＃COVID-19
截止至1月17號為止，韓國嘅新增病例數為520宗，總病例多達72,340宗（其中58,253宗已經好返）。
近呢幾日，韓國每日新增病例數多達500人左右，對比起上個月每日千幾單嚟講已經算係減少咗好多，但都唔可以掉以輕心。
✨馬上Follow我哋IG
instagram.com/creatrip.hk
韓國疫情進展
來源：일요신문
防疫當局表示，原定喺尋日（ 1月17號）結束嘅首都圈社交距離2.5階段、非首都圈2階段，以及五人限聚令將會延遲兩個星期，二月嚟緊嘅農曆新年都一樣會有特別嘅防疫對策管理。
除咗大致上冇變動防疫等級之外，部份設施將喺1月18號稍微解禁。
根據最新資訊顯示，無論任何時段一律禁止堂食嘅Cafe由今日（ 18號）開始都可以堂食，但夜晚9點之後都係只可以外賣。
就算喺Cafe只要冇飲緊或食緊嘢嘅時候都要戴口罩，違反嘅話要罰款100,000韓幣。
防疫當局亦都呼籲，建議大家去Cafe都唔好去太耐，最多停留時間係一個鐘或以下。
來源：한국경제
另外教會或者係宗教設施之中，首都圈同埋非首都圈嘅地區分別係開放10%同埋20%嘅座位俾人進行正規嘅禮拜，其他面對面嘅聚會、活動、食宿等等都係全面禁止。
首都圈嘅體育設施，除咗高強度嘅團體運動禁止營業之外，一般健身房都可以喺夜晚9點前開放。
而停業咗好耐嘅卡拉OK房，亦都要係消毒並靜止30分鐘之後先可以重新使用，而投幣式卡拉OK房亦都要遵守一間房只能一個人使用嘅原則。
雖然多數行業嘅限制都有開始慢慢解封，但係bar或club等等仍然都係停止營運。
雖然係解放咗好多，但係入場嘅時候都要符合政府防疫措施，全程戴口罩同時進行人員出入管理，以免可以容易啲控制疫情，唔好俾佢嚴重落去。
✨馬上Follow我哋IG
instagram.com/creatrip.hk
| 其他延伸閱讀 | |
 大韓收購韓亞 |  冬季感染案急升兩倍 |