Hello，大家好，我哋係由韓國人每日提供最新韓國旅行資訊嘅Creatrip。
喺電視、雜誌、SNS各大平台登場嘅藝人，可能只係喺鏡頭一亮相就會為粉絲或者消費者帶嚟影響，今日小編就同大家分享一下藝人著過而即刻賣到斷曬貨嘅時尚單品。
因為韓星著過而賣到斷貨嘅時尚單品
1. BLACKPINK - Jennie
- 品牌: ALYX
- 價格: 大概 270,000韓幣 （HKD$1930）
呢件one piece係Jennie喺Instagram upload咗1個鐘之後就賣曬，相當短時間之內就巳經斷貨，佢嘅材質好獨特，亦都好似舞台打歌服。網民都紛紛留言話：「呢件係普通人可以駕馭到嘅衫嚟？」、「因爲係Jennie著所以先可以駕馭到。」等，反應好熱烈。
2. BLACKPINK - Jisoo
- 品牌: ZARA
- 價格: 79,000韓幣 （HKD$565）
同樣Jisoo都係喺Instagram up咗呢件紅色花紋外套好快就斷哂貨，唔知係唔係因爲Jisoo著，睇落好似名牌咁，但其實佢係ZARA嘅產品嚟！而家喺韓國都好難買得到，完全可以感受到BLACKPINK嘅影響力！
3. BTS - V
- 品牌: Sefr
- 價格: 大概 219,000韓幣 （HKD$1565）
呢件係V喺V live入面主持泰泰FM嘅時候著嘅針織衫，當日播出之後，呢件針織衫喺SNS即刻成爲咗話題，掀起咗粉絲同普通人都去搶購嘅熱潮，當時V嘅服裝同髮型、氣氛都完美咁融合埋一齊，更加刺激咗人嘅購買慾望。
4. BTS - 柾國
- 品牌: Downy Adorable
- 價格: 6,600韓幣 （HKD$50）
之前介紹嘅明星斷貨單品都係關於衣著，但係柾國就令到有樣獨特嘅產品賣斷貨嘅經歷，好多A.R.M.Y係唔係都應該已經知道係咩呢？就係衣物柔順劑！柾國同粉絲傾計嘅時候就有透露過，佢本人對氣味好敏感，表示成日都會用Downy嘅產品，令到呢款一度喺韓國國內全部斷貨，甚至柾國喺Twitter上講過話自己已經用曬，想重新買嘅時候睇到巳經全部斷貨嘅經歷，仲tag埋「#阿米真係勁」！如果好奇柾國鐘意嘅衣物柔軟劑嘅話，都推薦大家買嚟試下。
5. BIGBANG - G-Dragon
- 品牌: PEACEMINUSONE
- 價格: 大概 100萬韓幣 （HKD$7140）
引領韓國時尚潮流嘅代表藝人GD！佢都係引起好多斷貨嘅明星，最近斷貨嘅產品就係2020年初出席Chanel時裝show，去緊機場嘅時尚look。嗰日GD喺PEACEMINUSONE飛行外套上面，加咗個人收藏嘅徽章同Chanel胸針做亮點，雖然係常見嘅飛行外套，但GD就展現出唔同嘅感覺，令到好多人都瘋狂搶貨。
6. 少女時代 - 太妍
- 品牌: MAJE
- 價格: 285,000韓幣 （HKD$2040）
以獨有嘅可愛時尚而聞名嘅太妍！佢著住呢條充滿住可愛感覺嘅格仔連身裙，令到佢一著就即刻斷曬貨。突顯褶邊同褶皺亮點嘅長連身裙，完全可以展現太妍又可愛又有女人味嘅感覺。
7. IU
- 品牌: OH L
- 價格: 178,000韓幣 （HKD$1270）
呢套係IU去佢好朋友劉仁娜嘅經紀人婚禮時著嘅雪紡衫，紫色花圖案同荷葉邊裝飾嘅雪紡衫係IU嘅私服單品，所以就更加受歡迎，當時刺激咗好多女性嘅購買慾望去買紫色雪紡衫！ 係引發斷貨嘅單品之一。
8. Apink - 娜恩
- 品牌: ADIDAS
- 價格: 30,000원~40,000韓幣左右（HKD$210-$285）
Apink孫娜恩可以話係為韓國帶嚟Adidas緊身運動褲流行嘅始祖！喺舞蹈練習視頻入面，佢著住運動褲一出場，就成為話題，之後Adidas受到孫娜恩嘅影響，唔單止賣斷貨仲請咗孫娜恩做代言人，好多韓國人到而家都係只要一提到緊身運動褲就會諗起孫娜恩，產生咗好大嘅影響。
9. 姜丹尼爾
- 品牌: LAP
- 價格: 199,900韓幣 （HKD$1430）
呢件LAP長身大衣令姜丹尼爾成爲話題，可愛嘅米色大衣好啱姜丹尼爾呢種男仔著，著出嚟好可愛，呢款產品係Unisex，男女款都巳經賣曬。
10. 秀智
- 品牌: MOIA
- 價格: 259,000韓幣 （HKD$1850）
2019年秀智喺Instagram upload咗一張同小狗一齊喺Cafe影嘅相，而佢著嘅外套就成為咗話題，幾日內件外套就斷咗貨！簡約嘅設計同平時秀智乾淨沉穩嘅風格好襯，唔掛之得吸引咗咁多人買。
11. TWICE - 娜璉
- 品牌: ROLA ROLA
- 價格: 89,000韓幣 （HKD$635）
TWICE 娜璉出演綜藝節目《一週的偶像》嘅時候著過嘅寬鬆版針織衫！節目播出幾日之後就賣曬，沉穩嘅灰色麻花針織衫好似顯得佢更加可愛，娜璉嘅風格整體上好適合年輕女仔跟住著，唔會太誇張，比較係休閒風為主。
12. 朴寶劍
- 品牌: TNGT
- 價格: 4萬韓幣左右（HKD$290左右）
呢款TNGT推出嘅頸巾係朴寶劍成日都會戴嘅愛用款，佢戴完之後，令到呢款頸巾斷曬貨，不過而家就有用其他顏色嘅產品重新上市，又長又厚又保暖嘅頸巾顯得面更加細，又可以保護嘅實用單品！
13. Red Velvet - Irene
- 品牌: 프리마돈나
- 價格: 328,000韓幣（HKD$2340左右）
呢款係Irene喺仁川機場回國嘅時侯，作爲機場時尚著嘅格仔外套，適合冬天著嘅羊毛材質格子外套同象牙色高領衫搭配，顯得皮膚更白，感覺都好成熟。因爲係適合日常穿著同返工嘅服裝，所以刺激咗好多20~30多歲女性嘅購買慾望，當時同樣都引發咗一輪搶貨熱潮。
唔知大家睇完有冇見到想買嘅產品呢？小編見到都有啲心郁郁想買！
如果有更多想知嘅內容，都可以隨時留言或者dm話俾我哋知：）
Instagram：creatrip.hk
