韓國包飯文化
點解韓國人咁鍾意用菜包肉同飯一齊食？呢個食法究竟有咩咁特別？
마타티카
4 months ago
Hello，大家好，我哋係由韓國人每日提供最新韓國旅行資訊嘅Creatrip。
韓國嘅飲食文化相當特別，而其中一個應該得韓國人先會咁樣做嘅就係用菜包肉同飯食！大家又知唔知道點解韓國人會鍾意咁食、咁樣食係咪真係好食啲呢？一齊睇吓點解啦！
韓國必食燒肉
韓國包飯文化
唔少韓國人都好鍾意包飯咁嚟食，韓國人通常會用生菜、紫蘇葉、泡菜、豬肉、飯、大蒜、洋蔥同埋包飯醬等等去包成一嚿食。韓國人認為將所有醬汁配料同埋飯一齊食會好有滿足感，大啖大啖咁樣食嘅話口感都會豐富啲，其實呢一個食法都唔係近代先出現，而係喺好早以前嘅高麗時代已經出現㗎啦。
喺好耐以前嘅韓國，普通人一般唔會係咁樣食，呢一個食法都只會係一啲有錢或者係高官貴族先會食到。不過過咗冇耐呢一個食法就慢慢興起，而去到今日絕對係可以代表韓國嘅飲食文化之一。
好耐之前因為當時嘅韓國人唔太有錢，佢哋只會將菜包住洋蔥同埋醬汁一齊食，而隨住時代嘅變化佢哋先開始將肉同埋飯一齊食。雖然有好多人都慣咗用生菜去包飯，但其實韓國人都會用到紫蘇葉包嚟食，唔知大家最鍾意用邊款菜呢？
包飯其實都係好取決於自己嘅個人喜好，有啲人會覺得呢一個食法好唔方便，因為會整到隻手好污糟，不過亦有人會覺得咁樣食會更加滋味。
包飯嘅特點就係可以一啖食晒，有時候好多韓國人都趕住返工返學冇時間坐低食飯，佢哋就可以將包飯放落去食物盒裡面，食幾啖就可以解決一餐。不過其實有好多外國人都覺得呢個食法有啲麻煩，佢哋可能就會用筷子夾一塊肉，再食一啖飯，然後塞埋菜落口咁樣食。
以上就係菜包肉嘅由來同埋故事，唔知大家又鍾唔鍾意呢一個食法呢？
韓國必食燒肉
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com