韓國人最鍾意玩嘅Online Game
韓國人會打啲咩online game?有game係韓國明星做遊戲角色？
Hello，大家好，我哋係由韓國人每日提供最新韓國旅行資訊嘅Creatrip。
韓國網速有幾快，相信大家嚟旅行應該都有體驗過，佢哋要求快嘅速度真係敢認第二，都冇人敢認第一。所以喺韓國網吧（PC방）都好普及，周圍仲會有一間喺附近，今日就想同大家介給，韓國人最鍾意玩嘅Online Game，唔知當中大家又有冇玩過呢？
熱門Online Game
如果大家有睇開綜藝或韓劇，有時都會見到佢哋好鍾意去網吧。因為網吧上網速度快，而且價錢亦都好平，係唔少中學同大學生去hea嘅好地方。
今日小編就想同大家介紹2021年第1個星期（2020.12.28～2021.01.03），韓國網吧綜合使用時間同遊戲排名。
第6位. 新楓之谷（메이플스토리）
2009年就巳經喺香港登埸嘅新楓之谷，唔知當時有幾多人玩過呢？雖然呢隻game已經喺18年前，但直到而家都係有唔少韓國人仲玩緊。新楓之谷世界主要係由唔同角色進行冒險，透過技能攻擊怪物、解決任務提升等級。玩家之間可以進行互動，傾偈、交易、組隊狩獵、分享戰利品或者組建公會，呢隻game任何年齡階層男女都鍾意玩。
第5位. Overwatch (오버워치)
呢個game每次小編去網吧都一定見到好多韓國人玩。玩家可以喺幾個預訂英雄人物入面揀要嘅角色，每個英雄都有自己獨特屬性同技能；英雄主要分為三類：攻擊型、肉盾型同輔助型。隊員要合力保護同捍衛地圖上嘅控制點，或者喺有限時間入面護送載具到達指定地點。雖然聽落去好似係打打殺殺多男仔玩，但佢其實好受女仔歡迎㗎。
第4位. 絕地求生 （배틀그라운드)
相信大家對呢隻game一啲都唔陌生，每局遊戲會安排玩家喺荒島度，大家要互相追殺，死淨嘅就係贏家。只要一贏就可以「食雞」，佢唔單些可以用電腦玩，手機都玩得㗎！
第3位. 突擊風暴 （서든어택)
同樣都係第一人稱射擊類遊戲，但主要遊戲只係純粹地戰鬥，比較簡單，所以亦都有好多女性玩家參戰。 另外有唔少韓國著名藝人都會做呢款遊戲裡面嘅嘅角色。
而家Twice嘅角色就可以喺遊戲入面使用喇！
第2位. FIFA Online 4 (피파 온라인4)
《FIFA Online 4》係EA嘅經典遊戲，擁有FIFA國際足聯組織嘅官方授權，仲覆蓋咗全球37個主要聯賽，47支國家隊，同1.5萬名以上嘅職業球員。韓國人本身都好鐘意足球，所以呢個online game仲係咁受歡迎。
第1位. 英雄聯盟 (리그 오브 레전드)
呢個遊戲一喺韓國上線就一直大受歡迎，好多人都會簡稱佢係「 LoL（롤）」。唔少韓國男仔都會好自豪咁話：「玩得呢隻game韓國人真係最勁。」
世界著名聯賽韓國職業選手「Faker」就係韓國人嘅驕傲。韓國人甚至稱Faker做「前輩」，可見佢幾受到好多韓國人嘅仰慕，仲稱佢爲「國寶」！
上面介紹嘅online game大家又有冇玩過呢？歡迎大家留言話俾小編聽！
如果有更多想知嘅內容，都可以隨時留言或者dm話俾我哋知：）
Instagram：creatrip.hk