最受歡迎嘅男性香水
韓國美妝平台評測最受韓國男性歡迎嘅幾款香水！呢幾款連韓星都入手！
Hello，大家好，我哋係由韓國人每提供日最新韓國旅行資訊嘅Creatrip。
韓國有一個好出名嘅美妝實測App叫「화해」，唔少韓國網民喺呢個app以排名嘅形式介紹咗各種韓國男性適用嘅人氣香水！今次上榜嘅好多款都係韓國演員、偶像常用到嘅香水，大家一齊嚟睇下啦！
韓國熱門男性香水
Top 5 - Forment Signature Perfume Cotton Hug
INSTAGRAM：forment_korea
演員成勛擔任代言人嘅Forment香水雖然係受女性歡迎較多嘅品牌，不過呢個牌子嘅男性香水一樣俘虜咗唔少男仔嘅心。呢款香水以「想擁抱嘅男人」為主題，標榜住柔和、乾淨嘅香氣，所以唔少女仔都會送呢支香水俾男朋友。呢隻香水人氣超高，大家都可以去藥妝店（Oliveyoung、Lalavla等）聞吓香唔香！
Top 4 - Jo Malone - English Pear & Freesia
來源：Jo Malone
英國小蒼蘭喺唔同國家都好受歡迎，呢隻係Jo Malone最具人氣嘅香味。味道唔單止清新，仲非常之沈穩，所以唔單止係女仔，男仔都好鍾意呢隻味。佢嘅特點就係就算喺Office、學校用都唔會太過濃味，俾人有一個非常之舒服嘅感覺。
Top 3 - John Varvatos - Artisan
來源：新世界百貨
John Varvatos呢款香水散發住清爽嘅柑桔同埋木調，無論係邊個季節用都非常之適合。呢隻香水個樽嘅適合都好特別，以竹藤做外殼，係韓國網民票選男性香水嘅第三名。
Top 2 - Jo Malone Blackberry & Bay Cologne
來源：Jo Malone
黑莓嘅清新同埋葉嘅香味結合埋一齊就變成一種成熟同埋高雅嘅香味，第二名依然都係由Jomalone奪得，呢款香水雖然受到唔少韓國男仔歡迎，依家連韓國嘅女仔都會開始用！大家下次經過Jomalone都入去聞吓啦！
Top1 - Ferrari LIGHT ESSENCE
來源：MUSINSA
講到最具男性香水嘅經典代表又點少得呢款「LIGHT ESSENCE」。據說呢隻香味係偏甜，仲帶有一啲透明同埋清新感，係一款令人難以忘懷嘅味道！呢隻香味作為No.1 大家都真係要入手啦！
以上呢五款就係美妝App 「화해」嘅韓國男性香水排名，唔知道有冇大家鍾意嘅牌子呢？如果對送禮或者自用都有選擇障礙，唔知揀邊款嘅話，都不妨可以參考一下呢篇文章，為你帶嚟一啲靈感啊！
如果有更多想知嘅內容，都可以隨時留言或者dm話俾我哋知：）
Instagram：creatrip.hk