韓劇出現嘅房間同裝修設計

1. Start Up (스타트업)

達美-溫馨嘅客房

韓劇入面嘅秀智雖然細細個就經歷咗好多困難，但係都積極生活落去，達美嘅房間充分咁表達咗佢開朗嘅性格，上擺滿咗書同備忘錄展現出佢想努力學習新事物嘅心。房入面嘅照明，牆壁，窗簾嘅顏色都係用咗暖色系，加埋一啲花嘅裝飾塑造出佢係一個溫暖溫柔嘅女性。

韓治平-成功男人嘅房間

韓治平係一間著名金融公司嘅高層，佢擁有名牌高級私家車同可以睇到漢江美景嘅高尚住宅，佢的確係靚仔，有錢，時尚嘅縮影，房間面積有成90平方米，每晚要650萬韓幣，擁有優雅個性同完美生活韓治平絕對係令人羨慕。

2. Penthouse (펜트하우스)

裴露娜-充滿少女感性嘅粉紅色房

裴露娜係有無限才能嘅藝公高中生！佢原本係同媽媽因為冇錢所以就一齊住喺好舊嘅villa入面，之後就搬到去到商住兩用嘅公寓hera palace，就擁有咗同相入面一樣咁靚嘅房。帶住對夢想嘅熱情前進嘅堅強少女裴露娜嘅房，就像佢嘅性格一樣，裝飾成可愛嘅粉紅色。床、窗簾、牆紙都係用咗粉紅色裝飾，呢度充滿溫暖同舒適嘅氣氛。

千瑞璡同夏尹哲-展現慾望嘅黑色裝飾

雖然佢哋兩公婆喺外人嘅角度睇係相處得好融洽，但實際上佢哋只係做俾人哋睇，係一對充滿住慾望嘅夫妻！佢哋嘅客廳裝飾係用咗黑色同紅色，就好似佢哋對金錢、愛情同名譽嘅過度慾望一樣，睡房都係一樣。佢哋冇共用同一張床，證明佢哋依段關係係好差，整體上透過紅色嘅裝飾，突顯出千瑞鎮強烈慾望嘅性格！

沈秀蓮同朱丹泰 - 有威嚴嘅100樓頂樓房

以下落嚟就要睇下劇中韓國最貴、最好嘅赫拉宮，其中最頂層就係沈秀蓮同朱丹泰住嘅房。整體嚟講，用咗黑色同白色嘅色調帶到乾淨又高檔嘅感覺，由於係復式嘅設計，再加上客廳嘅天花板好高，所以掛咗個好華麗嘅燈，俾人感覺好似去咗美術館一樣整潔同高檔。

喺有錢人聚居嘅赫拉宮，最有錢嘅佢哋就連廚房都係裝飾得好奢華，雖然只有一家四口，但係廚房入面擺咗一張又長又高檔嘅餐枱，從廚房就可以感受到有錢人嘅氣息！同客廳一樣，乾淨利落嘅黑白裝飾再加好靚嘅燈飾點綴。

李奎鎮同高尚雅 - 母親係韓食大師嘅屋企

同樣都係赫拉宮嘅居民李奎鎮同高尚雅夫婦嘅客廳！奉太奎飾演劇入面嘅角色係叫一位律師佢媽媽係經常拍電視嘅韓食大師。因為老婆高尚雅成日受到佢媽媽嘅折磨，但係奎鎮都冇為佢出頭，成頭家媽媽講咩就係咩！可能就係因為咁，佢哋嘅客廳都好似無時刻都被媽媽佔有住，擺滿曬裝滿辣椒醬、大醬嘅罈同韓屋風格嘅傢私，同前面介紹嘅屋企完全有唔同嘅感覺！

3. 驅魔麵館 (경이로운 소문)

充滿網絡漫畫作家熱情嘅房

呢間係同爺爺嫲嫲一齊住嘅房，主角係想成為一位卡通漫畫嘅作家！會睇到喺掛喺牆上面嘅所有畫，就會估到佢係一個好勤力嘅人。呢間房睇落有啲舊但就營造到同老人家一齊生活嘅氣氛。加上露台上面嘅花增添咗韓國鄉村別墅嘅休閒氣氛。

4. 女神降臨 (여신강림)

仼朱靜-開朗，天真無邪嘅性格表露無遺

仼朱靜嘅房間裝修得好非常明朗，天真爛漫，同朱靜可愛嘅性格一樣，朱靜嘅房間入面有好多獨特嘅小物。雖然裝飾同道具都有好多，仔細啲睇就會發現嗰啲小物全部都係朱靜鐘意嘅恐怖電影道具。因為太多小物就顯得朱靜嘅牀非常隱蔽，獨特嘅係天花板上面嘅窗，顯得更加闊落，俾人涼爽嘅感覺。

5. 雖然是精神病但沒關係 (사이코지만 괜찮아)

高文英 - 寂寞城堡

同其他人唔同，住喺城堡入面嘅高文英，所以用咗有啲唔係太現實嘅高雅、舊式嘅室內裝飾。實際上，雖然係精神病患者，但《沒關係》嘅製作組亦都爲咗體現高文英"被詛咒嘅城堡"嘅感覺而做咗好多努力。另外，聽講城堡入面嘅每個道具都好細心，每個角落都擺滿矖道具。雖然都有啲係親自制作嘅道具，但文英嘅城堡仲擺滿咗100年到200年嘅古董，仲有高價嘅名畫同親自向古董收藏家借嘅傢俱等。全部都係通過製作組嘅細心努力而整出嚟嘅房。

6. 天空之城 (SKY 캐슬)

韓瑞珍-炫耀財富、名譽同幸福嘅屋企

韓瑞珍想要一個完美理想嘅人生，就掩飾自己係是賣牛血湯酒鬼個女，再作自己美好嘅家世背景而成為Sky Castle入面被人羨慕嘅對象。爲咗向人地展示財富、名譽同幸福，用咗好多華麗嘅花，優雅嘅傢私同道具裝飾咗間房。

李秀林-和睦溫暖嘅屋企

性格開朗嘅李秀林同老公黃治英教授，仔仔宇宙係一個充滿愛同溫暖嘅家庭，可能因為咁，屋企嘅裝修就好似室內庭院咁樣，有好多充滿生機勃勃嘅植物，符合佢開朗嘅性格，配埋實用嘅傢俱同布藝材質嘅小飾品顯得更加和睦同溫暖。

盧勝惠父權制同強壓性氣氛嘅屋企

同溫柔體貼性格嘅盧勝惠唔同，佢嘅老公車民赫將佢個仔關喺學習房，如果唔可以喺限時入面答曬啲測驗題目，就會進行精神教育，係一個好冷酷無情嘅人。佢認爲自己係一間洗衣舖嘅仔係自己想成為第一嘅絆腳石，係一個好自卑感嘅人。全家都用暗黑色嘅金屬裝飾，搭配金屬同尖銳嘅精緻小物件，展現咗佢陰暗、生硬嘅內心世界。

陳珍熙-有趣又老實嘅屋企

擁有活潑、坦率、有趣性格嘅珍熙。開放又鮮明嘅原色裝飾加上水晶飾物，突顯咗佢華麗嘅存在感。

今日就由start-up介紹到SKY Castle，睇曬最近人氣爆棚嘅韓劇入面主角嘅房間！實際上唔單止可以參考下裝飾好靚嘅室內裝飾，非常華麗同神奇嘅室內裝修，仲可以根據主角嘅背景同性格進行好多唔同嘅觀察。希望大家睇得開心！ 如果仲有其他韓劇嘅室內設計想知可以留言㗎！