韓國人喺冬天需要嘅單品
韓國冬天真係凍到不得了！究竟韓國人會預備咩單品禦寒呢？
Hello，大家好，我哋係由韓國人每日提供最新韓國旅行資訊嘅Creatrip。
韓國一到冬天....真係凍到傻...嚟緊呢個星期最凍仲會去到-14度！而家就等小編話比大家聽韓國人喺冬天會預備啲咩禦寒啦！
韓國人冬天會預備咩單品禦寒
1.長羽絨
Adidas
作為韓國人，十個有九個都會有一件長羽絨喺屋企！韓國嘅冬天真係好大風，如果冇長羽絨由頭包到落腳嘅話真係會好容易凍親！韓國買到嘅長羽絨一般都係可以包到腳眼對上少少，好保暖，普通一件大約係5萬韓幣（約HKD350）到50萬韓幣（約HKD3,500）。
2. 暖包
暖包或者暖貼都係韓國人出門嘅時候必須單品，因為手通常都會露出嚟，所以冇佢嘅話一定會凍僵！雖然韓國有好多好靚嘅暖包，但如果經常用呢啲即棄嘅都好唔環保，所以佢哋除咗會用即棄，唔多唔少都會預備可以充電嘅暖蛋。
3.手套、耳罩
gasengi
因為手往往係經常會突出嘅部分，所以冬天非常需要手套。除咗手會冰凍之外，都會好乾燥，所以都要帶埋handcream！另外，唔單止係手，好多時韓國冬天好大風嘅時候真係會吹到對耳痛，所以韓國人都會預備定耳罩，每一款毛茸茸咁，真係好可愛！
4. 加濕器
ohou
喺韓國嘅冬天除咗氣溫好低之外，其實呢度嘅濕度都好低，所以非常乾燥。唔少韓國人喺冬天之前都會先預備定加濕器，一到冬天就會拎出嚟用。
5. 雪靴
kpopstar
每年12月開始都係韓國落雪嘅季節，雖然落雪係好靚，但其實地下都會好濕滑，加上路上可能仲會有好多積雪，所以有對雪靴就可以又保暖又唔怕跣親啦！
6. Bubble紙
bobvila
外國人可能唔知bubble紙有咩作用，但其實每個韓國人冬天嘅時候都會用bubble紙貼喺窗上面擋風。特別係住樓層比較高嘅朋友可能會更加大風，所以bubble紙都係必備啊！
以上呢六樣嘢就係韓國人冬天嘅時候必需要準備嘅單品，大家如果第日有機會嚟韓國住嘅話都要記得喺冬天預備呢幾樣嘢啦！
如果有更多想知嘅內容，都可以隨時留言或者dm話俾我哋知：）
Instagram：creatrip.hk