Hello，大家好，我哋係由韓國人話你知每日最新韓國旅行資訊嘅Creatrip。
追求健康生活嘅韓國life style品牌！JAJU係源於韓文字「자주」，係經常同成日咁解。佢主要係銷售一啲常用嘅日常用品，令每個人都可以過健康又有型嘅生活！喺呢個品牌入面可以睇到好多簡單又溫暖嘅產品，以合理嘅價格吸引咗一衆裝修迷。
今日我哋親自訪問位於韓國嘅JAJU賣場，爲大家精選咗推薦單品！實際上呢啲產品喺韓國都好受歡迎，大家可以放心購買。
呢啲單品大家之後可以嚟韓國買，當然大家亦都可以用我哋Creatrip嘅代購服務，價錢合理而且好快就收到，大家都可以參考一下。
韓國生活用品JAJU介紹
1. 有香氣嘅花灑過濾器
- 產品名稱: 維他命花灑過濾器（香味: 桃、西柚桃、百里香、薰衣草）
- 價錢: 9900韓幣
呢個產品係可以插喺浴室水龍頭或者係任何類型嘅花灑，真係好方便！
呢個產品含有大量維生素C，可以去除混咗入去自來水嘅氯，再加上含有天然嘅保濕劑，沖涼嗰時同時可以做到保濕效果，但比起其他原因，更多人買呢款產品係因爲沖涼嗰時水會有香味，沖涼都沖得開心啲。睇韓國人嘅評論，西柚香有少少似人造香，推薦買薰衣草或者係桃香！
2. 硅藻土牙刷架
- 產品名稱:乾爽硅藻土牙刷架（粉色、金色、藍色）
- 價錢:3900韓幣
用硅藻土、麥飯石等天然礦物製成嘅牙刷架，吸收同乾燥能力都好好，牙刷刷頭唔會濕透，可以一直保持乾爽，唔單止具有自身抗菌效果，而且係黴菌或者細菌難以棲息嘅材料，所以可以更加安心咁使用，呢款產品唔洗另外清洗，20日晾乾一次就足夠！
淡淡嘅顏色同簡約嘅設計，令浴室嘅氣氛更加高檔。
3. JAJU 煮食用具
- 產品名稱：各種廚具
- 價錢：每個5,000至7,000韓幣
JAJU嘅煮食用具以性價比高出名，特別想推薦一啲好用嘅煮食用具俾大家，呢個係用棗木削制而成，再用韓國傳統工藝入面用嘅材料漆成薄膜做外層，黑紅色嘅光澤係佢嘅特徵。
由於唔會傳熱，所以喺煮嘢食嗰時用得安心，同埋用木頭製成，易清洗又衛生，唔單止係咁，表面光滑嘅平底鍋，湯煲都用得！
4. 餐具set+筷子托
- 產品名稱:天然漆餐具套裝(4P)，筷子托(4P)
- 價錢: 19,900韓元，6,900韓幣
![韓國 JAJU 天然漆餐具套裝，包含筷子託，展示在木材桌面背景。]()
繼煮食用具之後，同大家介紹嘅產品係漆器餐具套裝同筷子托，呢啲產品無論係自用定係送禮都好大方得體。
如果大家想要買價格平、可以用好耐、甚至係好靚嘅餐具set，呢款相信好啱你。
5. 洋槐碗
- 產品名稱:洋槐沙律碗、方形盤、長方形盤等
- 價錢:按大細4,900~17,900韓幣
JAJU 嘅洋槐碗以靚質量平價格而受到消費者嘅喜愛，雖然唔係只有喺JAJU先會見到嘅特色產品，但係最大嘅優點係可以買到四角、圓形、平板、球形等多個唔同設計嘅洋槐碗。
6. 睡衣
- 產品名稱: 睡衣set
- 價錢:40,000韓幣~50,000韓幣
最近喺屋企度過嘅時間多咗好多，韓國人鐘意嘅JAJU產品入面其中一個就係睡衣！JAJU嘅睡衣以柔軟材質同唔會厭倦嘅簡約設計為特點，小編都買過好多次。 材質柔軟品質好，著幾耐都得。
綢緞材質、法蘭絨、天鵝絨等睡衣，多種材質同格子、條紋、圓點等簡單設計嘅JAJU睡衣，藉住呢個機會喺JAJU買一件提高生活質量嘅優質睡衣啦！
7. 可摺疊式暖爐
- 產品名稱: 可摺疊式暖爐（Foldable Fabric Heater）
- 價錢:79000韓幣
可以摺成3段嘅暖爐，唔單止方便保管，而且同電爐唔同，體積唔大，火災危險性低，大家都可以放心用。
實際睇嗰時都唔易跌，拎住都覺得唔會重，無論係喺屋企定office用都好方便。
8. 可拉筋室內鞋
- 產品名稱：[JAJU X KLASSY]室內伸展拖鞋_初學者
- 價格：45,900韓幣
呢啲拖鞋前面同後面都有唔同嘅高度，所以你只要著住佢，就可以伸展小腿嘅肌肉，加上kpop偶像嘅健身教練都講過唔少偶像都有用佢拉小腿，所以呢款室內鞋成為咗熱門話題。
即使冇小腿肌肉，但佢都適合有腳部腫脹，或者曬大量時間坐低工作同缺乏伸展力嘅人！
9. 超薄gas爐
- 產品名稱：常用嘅薄型燃氣爐
- 價格：49,000韓幣
精美設計嘅gas爐，薄身同灰白色睇起嚟好舒服乾淨。
因為爐本身比較輕，方便隨身攜帶，去露營啱哂！
10. 面膜吸收護理裝置機
- 產品名稱：離子吸收裝置面膜吸收機
- 價錢：49,900韓幣
當你敷完面膜嘅時候，有冇試過仲剩底好多精華，覺得好似浪費咗？呢個設備適用於經歷過以上情況嘅人！
聽講微電流可以幫助面部吸收面膜中殘留嘅精華液，佢係戴頭式嘅設計，所以大家可以喺護理過程中唔會用到雙手，設置咗20分鐘自動計時器確保可以安全使用！設計時尚，對皮膚護理好有幫助，所以佢係一個好幫手。
今日小編介紹咗一定要喺韓國生活品牌JAJU度買嘅10樣推薦物品，可以好好咁感受到JAJU嘅簡單同時尚。
韓國品牌JAJU唔單止係佢精美嘅外觀設計，而且佢合理嘅價格同質量所以好受歡迎，大家如果想買，都可以搵我哋代購㗎！
如果有更多想知嘅內容，都可以隨時留言或者dm話俾我哋知：）
Instagram：creatrip.hk
