韓國發現首例變異病毒

速報 | 韓國淪陷！英國變種新冠病毒感染力增70%...韓國今確認3宗變異病例

정영여영이

4 years ago

Hello，大家好，我哋係由韓國人話你知每日最新韓國資訊嘅Creatrip。

＃韓國疫情＃變種病毒
＃英國變種病毒株
＃韓國現首例＃速報

🤞🏻 Creatrip Youtube上線囉

韓國發現首例變異病毒

根據今日（28號）最新報導指出，22號由英國入境仁川機場嘅3名入境者，經檢驗後確認為新冠肺炎變種病毒株感染者。

英國變種新冠肺炎持續擴散，義大利、德國、荷蘭等歐陸國家接連淪陷，甚至連亞洲香港、馬來西亞、新加坡、日本亦都宣布境內發生變種新冠肺炎感染案例，至今韓國亦正式淪陷。

另外喺8號、13號由英國入境韓國嘅一家四口，其中一名80歲老翁因為喺隔離期間停止心跳，緊急送往醫院急救，同時宜佈不治。

事後，同老翁一齊同行3名家屬亦確診感染新冠肺炎，但唔肯定係唔係變異病毒，當局亦都進行檢驗當中。

令世界各國都會感到恐慌嘅原因，係因為新冠肺炎變種病毒株感染力增強70%，如果變異病毒擴散，疫情恐將呈現更大規模增長。

雖然好多人質疑變種病毒係唔係會令已經研發好嘅疫苗失效，或者增加死亡率，但英國針對變種新冠肺炎感染者調查，並冇特別出現重症增加趨勢，而病毒株嘅蛋白質序列亦有99%同原有病毒一樣，疫苗應該仍然有效。

韓國防疫當局針對呢啲感染變種新冠肺炎案例進行隔離治療，由23號起中斷英國航班，所有由英國入境人士，喺14日自我隔離結束前都要再做多次篩檢，以避免變異病毒喺韓國國擴散。

其他延伸閱讀
實施5人限聚令	冇戴口罩將會被罰