Hello，大家好，我哋係由韓國人每日提供最新韓國旅行資訊嘅Creatrip。

除咗大家成日都去首爾之外，呢幾年唔少人都會揀去釜山（佢喺韓國都第二大㗎！）所以今日小編就整理咗2021年最新釜山找換店（南浦洞、西面、釜山機場）嘅資訊俾大家參考，等之後去釜山換錢唔洗諗到咁頭痕。Creatrip網站亦都有每日提供首爾匯率俾大家參考，大家可以撳我睇匯率（明洞一品香、大使館、第一換錢中心）嘅匯率通通都有。

2023釜山換錢/匯率

1. 認識韓幣

韓幣紙鈔分別有 ₩50,000 、 ₩10,000 、 ₩5,000 、 ₩1 ,000 四張面額，硬幣嘅話有₩500、₩100、₩50、₩10、₩1。基本上₩100以下幣值太細，喺韓國都唔會太見到。

  韓國紙幣同硬幣文化

2. 喺韓國定係香港換好？ 

喺釜山換錢匯率的確係冇首爾咁好，但一定會比大家喺香港換仲要好。建議如果大家係自由行嘅話，千祈唔好喺香港換，去到釜山金海機場先再換少少就好（由機場去南浦洞、西面找換店交通都好方便）。如果係團嘅大家，可以喺自由時間再去南浦洞、西面換錢。

港幣換韓元匯率 釜山找換店最好

• 香港銀行 < 釜山機場 < 釜山換錢所
• 百元鈔票 < 五百元鈔票 < 千元鈔票

美金換韓元匯率 釜山找換店最好

• 釜山機場 < 釜山找換店
• 舊版美金 < 新版美金
• 小鈔美金 < 百元美金

冷門幣換韓元匯率

美金、台幣、人民幣、港幣、星幣、日幣喺釜山基本上都可以換韓元，但其他貨幣就品太肯定。建議大家去到釜山找換店再詢問，目前Creatrip可以答到大家嘅貨幣匯率只有明洞找換店（撳我）。

3. 釜山找換店（南浦洞、西面、海雲台、金海機場附近）

釜山南浦洞一帶嘅找換店釜山換錢、映珍換錢、友利換錢係最多人去，除咗港幣之外，亦都接受美金、日幣、台幣、星幣，不過佢哋匯率好多都唔會show出嚟，大家要直接入去問，再考慮換唔換好。

• 釜山南浦洞「釜山換錢」
  地址：부산 중구 광복로85번길 17
  營業時間：09:00 - 20:00（閂門時間唔定）

• 釜山南浦洞「Money Box」
  地址：부산 중구 광복로 38
  營業時間：24小時

24小時自助換錢機

  首爾「Money Box」介紹

• 釜山南浦洞「友利換錢」
  地址：부산 중구 광복로97번길 14
  營業時間：09:00 - 20:00（閂門時間唔定）

• 釜山西面「娜英找換店(老奶奶找換店)」
  地址：부산 부산진구 부전동 256-11
  營業時間：唔定

好多人都會去釜山西面換錢，最多人去嘅一間一定係娜英找換店（나영환전소），亦有人會叫佢做老奶奶找換店，佢其實係一間雜貨店。

• 釜山海雲台「Money Box」
  地址：부산 해운대구 해운대해변로 287 씨클라우드호텔
  營業時間：09:00 - 19:00

• 釜山金海機場「Money Box」
  地址：부산 강서구 공항진입로 165 경전철 김해공항역 1F
  營業時間：06:00 - 21:00

4. 釜山機場銀行

BNK釜山銀行

• 位置：釜山金海國際機場國際線大廳1樓Gate1
• 營業時間：08:00 - 20:00

新韓銀行

• 位置：釜山金海國際機場國際線大廳1樓Gate4
• 營業時間：09:00 - 16:00

去到釜山金海機場，小編都建議大家可以換少少先。大家可以直接喺國際線一樓大廳搵BNK釜山銀行同新韓銀行。

另外再提提大家，南浦洞、西面找換店匯率一定會比釜山機場銀行好，亦一定會比香港銀行換韓元更加好。建議大家喺呢度最多只需要換500港幣/50美金就好，唔需要太多！

以上係2023年最新釜山找換店換錢資訊，希望可以幫到之後去釜山玩嘅朋友少少幫助。如果係由首爾玩到釜山嘅朋友，亦建議喺首爾換完錢先再去釜山！因為首爾明洞找換店匯率真係最好；另外之後會去大邱嘅朋友換錢都可以參考呢篇Blog。

如果有更多想知嘅內容，都可以隨時留言或者dm話俾我哋知：）

 Instagram：creatrip.hk

 Facebook：Creatrip 帶你認識韓國每一面

 韓國代購