《哲仁王后》歷史同結局

Hello，大家好，我哋係由韓國人每日提供最新韓國旅行資訊嘅Creatrip。

tvN韓劇《哲仁王后》完結！大結局成為有線台收視率榜單嘅前10名。雖然係古裝劇，但男心女身嘅搞笑穿越情節，都令《哲仁王后》獲得唔少好評。不過大家會唔會好奇，《哲仁王后》真實嘅故事背景係啲咩呢？戲中哲宗嘅個性，其實都同真實史實有所關連？喺《哲仁王后》最後結局，故事線嘅收尾係唔係同歷史有關呢？一齊睇落去啦。

照片來源：tvN《哲仁王后》

《哲仁王后》歷史

喺韓劇《哲仁王后》嘅故事背景入面，哲宗係一位滿懷理想，但實際上受限於大王大妃、金左根嘅牽制，只係個魁儡政權。呢點喺真實嘅朝鮮歷史上，都算係相當符合，尤其係哲宗悲慘複雜嘅身世，都令人可以理解哲宗喺《哲仁王后》入面嘅想法。

哲宗上位其實係超荒謬？

• 生卒：1831年7月25號至1864年1月16號
• 在位：1849年7月25號至1864年1月16號

稍微提一下時代背景：哲宗係朝鮮第25任國王，前有憲宗（第24任）同純組（第23任），後有朝鮮王朝最後一任國王「高宗」，而高宗都係大韓帝國嘅開國君主。而哲宗時間嘅上位都係好特別，但準確嚟講，算係身不由己。

故事要由第21代國王英祖開始講起，純祖（23）係英祖（21）嘅曾孫，喺英祖咁多子嗣開枝散葉入面，都有個孫叫「恩彥君」，係哲宗（25）嘅祖父；而憲宗（24）雖繼位純祖（23），但實際上以血緣關係嚟睇，憲宗（24）係純祖（23）嘅孫（父親文組早夭）。

論輩份嚟睇，哲宗（25）雖繼位憲宗（24），但哲宗應該算憲宗嘅叔叔（？）年紀都比憲宗細。

用文字嚟睇比較複雜，小編整理嘅圖表就比較清楚。

哲宗（25）嘅繼位顛沛流離，故事要由祖父「恩彥君」開始，因為貪圖權力，擁戴哲宗嘅叔叔為王，遭到清算而死，恩彥君嘅子女（哲宗嘅父叔）都被流放到江華島，直到1830年先返到漢城（今首爾），而哲宗都由1831年出世。

不過喺哲宗13歲嗰年，哲宗嘅哥哥被人發現有謀逆嘅想法，同樣被處死，全家再度被流放至江華島。

直到1849年（哲宗18歲）時憲宗（24）過世，因為憲宗膝下無子女，就由純祖嘅王后「純元王后」收養哲宗為純祖（23）嘅仔，先成為朝鮮王朝嘅第25任國王，但名義上，純祖算係哲宗嘅叔叔（？）

而哲宗最後喺33歲過世……比哲仁王后、金左根短命。

大王大妃實際上係邊位？

喺《哲仁王后》入面，大王大妃係皇室最高地位嘅人，史實上都係咁，雖然哲宗（25）要叫佢做母親，但其實根本冇任何血緣關係，一切只係為咗令哲宗成為魁儡而做嘅把戲，所以《哲仁王后》入面先會有嗰啲衝突場面。

根據歷史記載，大王大妃就係純祖嘅王后「純元王后」，係金左根嘅家姐，跨過純祖（23）時代同憲宗（24）時代，繼續喺《哲仁王后》入面發揮影響力。

哲仁王后實際上係邊個？

哲仁王后嘅真實同戲劇入描述嘅都幾相似，但其實佢同大王大妃都算有啲血緣關係。哲仁王后嘅父親叫做「金汶根」，大家係唔係覺得同大王大妃嘅弟弟領議政「金左根」個名好似呢？冇錯，佢哋就係同一個家族出身。

大王大妃、領議政「金左根」嘅父親叫做「金祖淳」，而金祖淳嘅母系侄子就係「金汶根」（同大王大妃、金左根同輩）。就係喺血緣上，哲仁王后應該要叫大王大妃一聲「姑媽」。

啱啱提到血緣，哲宗要叫大王大妃「嬸嬸」（但名義上已收養），而哲宗娶咗嬸嬸嘅堂侄女……關係都有啲奇妙。

趙大妃實際係邊個？

睇《哲仁王后》應該都可以感覺到趙大妃係個危險嘅存在？喺真實歷史入面，趙大妃（神貞王后）係憲宗嘅母親（文組嘅後宮），某程度上算係純祖大王大妃嘅孫媳婦？

不過冇咁簡單，趙大妃所屬吚豐壤趙氏喺純祖（23）在位嘅時候，同大王大妃嘅安東金氏可以話係水火不容（兩大外戚）；而喺純祖過世之後，憲宗（24）上位，趙氏一族獲得極大權力。之後憲宗過世，大王大妃先會極力拉攏自己嘅人馬（同屬安東金氏嘅哲仁王后）同哲宗（25）成親。

另外都補充個有趣嘅小知識，《哲仁王后》入面嘅趙大妃就係《雲畫的月光》入面，由蔡秀彬飾演嘅「趙霞妍」呢個角色。

《哲仁王后》哲宗所做嘅嗰啲惡夢，其實就係當初兄長被殺、流放江華島嘅夢魘，而佢喺真實歷史背景入面，都係個魁儡政權，甚至英年早逝，只係活咗短短33歲，在位只有15年，令人感傷。

不過《哲仁王后》最後嘅大結局收尾，大家又滿唔滿意呢？小編個人係有啲介意奉煥最後……唔戲透，大家快啲收睇《哲仁王后》結局，同小編分享下感想啦。

如果大家有想知道嘅歷史故事，都歡迎留言同小編講㗎。

如果有更多想知嘅內容，都可以隨時留言或者dm話俾我哋知：）

Instagram：creatrip.hk

Facebook：Creatrip 帶你認識韓國每一面

韓國代購