韓國實施5人限聚令
由聽日（22號）起，首爾將實施「5人限聚令」，其他地區亦將會喺稍後再公布
황요산
4 years ago
Hello，大家好，我哋係由韓國人話你知每日最新韓國旅行資訊嘅Creatrip。
今日韓國有報導指出，為咗可以控制疫情，首爾將會最快喺聽日（22號）實施「5人限聚令」。
最新消息：尋日（20號）確診人數為926名。
15:05更新！「5人限聚令」將更改為23號24點開始，首爾市、京畿道、仁川市都會實施！
韓國5人限聚令
조선비즈
今日新聞報導指出，由聽日起首爾將會直至年尾會實施「5人限聚令」。
鄰近首爾圈附近嘅京畿道亦都有可能會喺22號至24號跟住實施，最後結果亦都會喺今日晏就再發表。
서울신문
原本3階段係10人限聚令，但為咗可以更有效控制疫情，將會禁止5人以上集合。
如果方案一旦實施，將會成為「5人限聚令」，無論係室內定室外都要遵守。
연합뉴스
目前京畿道討論緊會喺今個月23號24:00開始到出年1月3號24:00。
另外，雖然首爾市同京畿市已經有達成一致意見，不過仁川市仲未決定會唔會參與呢次方案。
小編希望呢次行動升級可以有效啦！大家喺呢段時間真係盡量留守喺屋企，唔好走圍走啊！
如果有更多想知嘅內容，都可以隨時留言或者dm話俾我哋知：）
Instagram：creatrip.hk