Hello，大家好，我哋係由韓國人話你知每日最新韓國資訊嘅Creatrip。
#韓國文化 #韓國學生
#學校 #校規
學校作為社會嘅縮影，點都會有種種嘅校規限制大家嘅行為。
唔知大家好唔好奇韓國有啲咩咩特別嘅校規？同香港嘅校規又有咩唔同？
今日就想同大家分享7條韓國學校最奇怪嘅校規。
✨馬上Follow我哋IG
instagram.com/creatrip.hk
韓國學校7條奇怪嘅校規
呢條係韓國最新嘅校規之一，對於韓國呢一個咁倚賴咖啡嘅國家來講真係非常之嚴格！
2013年開始，學校禁止向學生出售咖啡等等含咖啡因嘅飲料，不過一啲蠱惑嘅學生就會走「法律罅」，喺老師都有份用嘅飲品機買咖啡。
不過自從2018年嘅法律實行開始，小學、初中同高中嘅自動飲品機已經唔會再有咖啡。
其實韓國對於校服嘅政策都幾嚴格。
以前學校仲會規定校裙嘅長度，唔俾化妝或者帶飾物。
雖然而家都仲有呢啲規矩，不過喺執行上唔算好嚴格。
不過對於校服嘅衣着上面仲有另一個嚴格嘅規矩，就係染髮同埋電頭髮。
唔同學校都有自己嘅處理方式，有啲學校可能會畀，不過有啲學校都係嚴格規定唔可以。
3. 一定要著校服
而家已經冇以前嘅規定咁嚴格，有啲學校都畀學生著便服，不過大部份學校仲係有對於校服嘅衣着要求。
每間學校都有自己特定嘅校服，如果轉校就要買一套全新嘅校服，值得留意嘅係韓國校服比香港校服貴好多，價錢大約係10萬至30萬韓元（700至2100港幣）。
韓國嘅校服同香港一樣有分冬季、夏季仲有體育服，買曬3款再買多2套替換，都真係幾肉痛！
4. 一定要著拖鞋
喺香港，校服就一定要配皮鞋，但喺韓國學生返到學校就好似返到屋企一樣要除鞋。
不過唔係代表佢哋淨係可以著住對襪周圍行，而係要換拖鞋著。
5. 唔畀拍拖
韓國有啲學校校規規定禁止學生拍拖，如果學生畀老師發現拍拖，可能會受到懲罰！
雖然唔係所有學校都有明文規定，不過的而且確部份學校有呢一條規矩。
喺韓國一啲男女混合嘅學校入面，甚至會男女分開上堂嚟防止學生拍拖。
6. 唔畀去其它課室
除咗同自己班嘅同學做朋友，識得隔離班嘅學生其實好正常。
小息嘅時候，大家都想過隔離班搵朋友傾偈，但其實喺韓國，有啲學校係唔畀入其他班嘅課室。
如果你想同朋友見面，就要約佢哋喺出面走廊啦。
7. 唔畀用電話
大家上堂嘅時候有冇試過偷偷哋玩電話？喺韓國，有啲學校為咗避免學生上堂嗰陣玩電話，朝早會收走佢哋部電話，直到放學先還返畀學生，目的就係想學生更加專注喺學習上。
大家覺得韓國嘅校規同自己學校似唔似？呢啲校規又合唔合理？可以喺下面同小編分享！
✨馬上Follow我哋IG
instagram.com/creatrip.hk
| 其他延伸閱讀 | |
 韓國大學文化 |  韓國中學獨有文化 |
