5本韓文自學教科書推介
市面上咁多韓文書，邊本先係最適合自己？邊本適合自學？
Hello，大家好，我哋係由韓國人提供每日最新韓國旅行資訊嘅Creatrip。
鍾意韓國文化嘅大家唔知有冇諗過要自學韓文？市面上有好多教韓文嘅書，但係邊一本先係最適合自學呢？小編今日就想同大家介紹六本最適合自學韓文嘅教科書，肺炎期間都仲可以居家學習！
5本韓文自學教科書推介
1. 首爾大學韓國語
《首爾大韓國語》係最出名嘅韓文教科書系列之一，亦都係首爾大學語學堂用緊嘅韓文書。
呢一套韓文教科書係由韓國最著名嘅大學——首爾國立大學所編寫嘅，課程非常有條理同埋邏輯性強，好容易理解亦都可以幫助運用。
只不過呢本書係以英文韓文雙語編寫，想搵中文教科書嘅朋友可能就唔係太適合。
成個系列總共有12本，分咗三個級別： 初級（1A，1B，2A，2B），中級（3A，3B，4A，4B），高級（5A，5B，6A， 6B）。
2. 延世大學韓國語
作為被挑選係韓國最好嘅語學堂，由延世大學出版嘅韓文教科書亦都係受到高度嘅讚揚。
呢一套教科書入面，編輯團隊融入咗韓國嘅文化同埋社會相關嘅訊息，除咗幫助學生學習韓文，仲可以了解到韓國嘅資訊。
成本書都係分咗三個級別，總共有12本：基礎（1-1、1-2、2-1、2-2），中級（3-1、3-2、4-1、4- 2），高級（5-1、5-2、6-1、6-2）。
3. 慶熙韓國語
韓國三間最著名嘅大學SKY之一嘅慶熙大學都出版咗自己嘅韓文書系列，呢套書嘅內容重點就放咗喺語法上， 2020年嘅慶熙韓文書最新版本分咗四個等級，總共有19本：新手（1卷）、基礎（6卷）、中級（6卷）、高級（ 6卷）。
4. 世宗韓國語
呢一套就係由世宗大學出版嘅韓文教科書。世宗韓國語言學院由韓國政府喺2007年成立，截至目前為止，呢一間學院已經遍佈55個國家/地區。世宗韓國語係世宗學院嘅官方教科書，全書一共8卷，分咗3個等級（初級、中級、高級）。
5. 西江韓國語
呢一套就係由西江大學編寫嘅韓文課程，仲係好多韓文教育中心嘅教科書，尤其係喺外國嘅韓文教育中心，就連HKU SPACE嘅韓文課程都係用呢套教科書，西江韓國語總共24本，分咗六個等級。
以上就係5本自學韓文嘅教科書推介，大家記得要去信譽良好嘅正規書店買書啊！
呢啲韓文書通常都唔止一本，一次過買晒成個系列一定好貴，如果想慳錢亦都可以考慮買二手書。
唔知大家有無自學緊韓文？歡迎喺下面分享自己用緊嘅韓文書心得～
如果有更多想知嘅內容，都可以隨時留言或者dm話俾我哋知：）
Instagram：creatrip.hk