仁川機場總整理
韓國仁川機場100%實用秘笈！仁川機場設施、預辦登機等一切喺哂度！
Hello，大家好，我哋係由韓國人每日提供最新韓國旅行資訊嘅Creatrip。
韓國仁川機場係全韓國規模最大嘅機場，好多人都會喺呢度出入境，或者會轉去其他城市，今日小編整理好一篇仁川機場秘笈，希望可以幫到之後嚟嘅大家啦！
1. 進駐航空公司
相信大家都知仁川機場有分T1同T2， 當中主要往返港韓航班有：韓亞航空（OZ）、國泰航空（CX）、濟州航空（7C）、真航空（LJ）、首爾航空（RS）、德威航空（TW）等都係喺T1辦理登機手續。
而進駐仁川機場T2航空公司有9間，當中包括大韓航空（KE）、達美航空（DL）、法國航空（AF）、荷蘭皇家航空（KL）、墨西哥國際航空（AM）、中華航空（CI）、嘉魯達印尼航空（GA）、廈門航空（MF）、俄羅斯航空（SU）。
大家可以先確認好自己搭邊間航空公司，之後再去所屬客運大樓辦理登機手續。
2. 機場出境人數確認
如果想知而家機場現場逼唔逼，可以預先喺網上查詢，藍色係流暢，綠色係普通、黃色係少少擁擠、橙色係擁擠、紅色就係好擁擠。
3. 仁川機場交通
機場鐵道（AREX）
由首爾去仁川機場最快方法就係「機場鐵道AREX」，機場鐵道大致分為兩種，一種係站站停普通列車（坐13個站），另一種係直達列車（只停T1、T2），T1機場快線喺B1、T2係喺B3。
仁川機場快線直達列車 | |
票價 | 成人₩9,500 |
小童₩7,500 | |
乘搭時間 | |
首班車 | |
| 仁川T2出發 | 05:15 |
首爾站出發 | 06:10 |
尾班車 | |
| 仁川T2出發 | 22:40 |
首爾站出發 | 22:50 |
仁川機場快線一般列車 | ||||
票價 | 仁川T2 ↔ 首爾站 | 成人₩4,750 | ||
小童₩2,200 | ||||
仁川T1↔ 首爾站 | 成人₩4,150 | |||
小童₩1,900 | ||||
金浦機場 ↔ 首爾站 | 成人₩1,450 | |||
小童₩550 | ||||
乘搭時間 | ||||
首班車 | ||||
| 仁川T2出發 | 05:18 | |||
首爾站出發 | 05:20 | |||
尾班車（仁川機場出發至首爾） | ||||
| 仁川T2 出發 | 仁川T1 | 金浦機場 | 尾站 | |
23:32 | 23:39 | 00:16 | 00:31 | 00:38 |
備註：23:50有班車由仁川T2出發，但尾站係數碼科技城，唔會去弘大、首爾。 | ||||
尾班車（首爾市至仁川機場） | ||||
首爾站 出發 | 金浦機場 | 仁川T1 | 仁川T2 尾站 | |
23:40 | 23:48 | 00:02 | 00:40 | 00:46 |
00:00 | 00:08 | 00:22 | - | - |
備註：00:00有班車由首爾站出發，但尾站係金浦機場，唔會去仁川機場。 | ||||
機場高速巴士
機場高速巴士T1搭車位：1F
機場高速巴士T2搭車位：B1
往首爾 | ||
6009 (往良材、江南、新沙方向) |  | 票價：₩15,000 |
首班車：T1出發09:20 T2出發09:00 | ||
尾班車：T1出發19:10 T2出發18:50 | ||
6705 （往蠶室樂天世界酒店） |  | 票價：₩18,000 |
首班車：T1出發09:10 T2出發08:50 | ||
尾班車：T1出發19:00 T2出發18:40 | ||
6002 （往清涼里） |  | 票價：₩16,000 |
首班車：T1出發07:00 T2出發06:40 | ||
尾班車：T1出發18:35 T2出發18:15 | ||
6003 （往首爾大學） |  | 票價：₩10,000 |
首班車：T1出發07:05 T2出發06:45 | ||
尾班車：T1出發18:40 T2出發18:20 | ||
建議大家關於機場高速巴士同夜間巴士部分，可以參考官網資訊會比較準。
客運大樓免費接駁車
T1往T2接駁車時間表，3F 8號出口搭
T2往T1接駁車時間表，3F 5號出口前搭
| 仁川機場客運大樓接駁車 | |
| T1→T2（約15分鐘） | T2→T1（約20分鐘） |
| 仁川機場T1 3F 7號、8號出口搭 | 仁川機場T2 3F 4號、5號出口搭 |
| 接駁車出車時間 | |
| 04:50（首） 00:30（尾） | 04:28（首） 00:08（尾） |
雖然有接駁車可以來回T1/T2，不過因為兩個客運大樓都有啲距離，建議大家登機前一定要check清楚，如果唔係會浪費咗好多時間。
磁浮鐵道
- 位置：T1交通中心2樓
- 營業時間：07:30 - 09:00 每15分鐘一班、18:00 - 19:00每15分鐘一班
- 費用：免費
等飛機時間唔知做咩好？不如就搭免費磁浮列車暢遊仁川啦！只要12分鐘就可以去到泥灘、西海岸龍游站。
仁川機場T1總整理
- 地址：인천 중구 공항로 271 인천국제공항역
- 營業時間：24小時、營運時間請諮詢各航空公司
3F T1航空公司櫃臺位置
大家可以根據航空公司代碼搵相應櫃檯辦理登機手續，更詳細介紹可以撳我了解更多。
1. 樓層介紹
仁川機場T1分咗4層，B1係地鐵、停車場、美食廣場等；1F係入境大樓；2F係航空公司辦公室；3樓係出境大樓；4F係美食廣場。
2. 自助報到、託運行李
平時去機場太多人，成日要等太耐，不如就試吓用自助機，相對會快好多！
首先揀搭邊個航空公司，之後scan護照後，再跟住步驟去做就可以，機器有中、英、韓三種語言，附近會有機場工作人員，如果有疑問，都可以請佢哋幫手。
3. 主要便利設施
休息區同叉電區
3樓出境大樓同1樓入境層都好多位，可以喺度叉電、休息同pack行李。
影印
京仁文庫
- 位置：三樓中央
- 營業時間：07:00 - 21:00
3樓京仁文庫前面有一部影印機，如果有文件唔見都可以喺度印，好方便。
SPA
SPA ON AIR
- 位置：B1東側
- 營業時間：24小時
| 仁川機場T1 SPA ON AIR | |
| 沐浴3小時 | ₩7,000 |
| 汗蒸幕4小時 | ₩10,000 |
| 12小時 | ₩22,000 |
| 保管行李 | ₩5,000（件） |
B1 SPA ON AIR，除咗可以體驗韓國汗蒸幕之外，仲有提供修理皮鞋、手袋服務，如果等起飛等太耐，不妨嚟呢度休息一吓。
沖涼室
SHOWER
- 位置：T1 4樓中央、免稅區域25、29號登機口；T2四樓231、268
- 營業時間：24小時
- 費用：一般旅客₩3,000、轉機旅客免費
醫療中心/藥局
仁荷醫院
- 位置：B1東邊
- 營業時間：08:30 - 20:00（ Break Time 12:00 - 13:00、17:30 - 18:00）
W-Store Star
- 位置：3樓G櫃檯附近
- 營業時間：05:30 - 21:30
B1、3樓，以及候機室同免稅區3樓有醫療中心同藥局，有需要嘅朋友，都可以喺度買。
寄放行李同郵寄
郵局
- 位置：2樓中央
- 營業時間：09:00 - 18:00
如果擔心行李超重想打包行李、或者寄明信片嘅話，可以嚟到機場郵局寄。
韓進快遞
- 位置：3樓B、N櫃檯後面
- 營業時間：07:00 - 22:00
去到機場想要暫時寄放行李去附近行吓？可以嚟到韓進快遞放，4小時以內，唔限大細均一價₩4,000/件。
不過如果怕麻煩，可以體驗TRIPEASY託運行李，喺機場或酒店先交底，就可以輕輕鬆鬆行啦！只要係我哋會員，仲可以有幾乎6折優惠，相當抵！
仁川機場T2總整理
- 地址：인천 중구 제2터미널대로 446
- 營業時間：24小時、營運時間請諮詢各航空公司
3F T2航空公司櫃臺位置
仁川T2航空公司比較少，大家可以根據航空公司代碼搵相應櫃檯辦理登機手續，更詳細介紹可以撳我了解更多。
1. 樓層介紹
T2總共分咗5層，B1係搭地鐵、巴士等；1樓係入境大樓；2F係航空公司辦公室；3樓係出境大樓；4樓係美食廣場；5樓係宣傳館同展望台。
2. 自助報到、行李託運
3. 便利設施
- 休息區同叉電區
機場3樓、1樓同B1巴士等候區都有叉電位，支援無線同有線兩種方式。
藥局
Balance藥局
- 位置：B1西邊
- 營業時間：08:00 - 18:00
如果身體突然唔舒服，唔夠時間去醫院，可以考慮吓去藥局買藥。
機場旅館
閣樓休
- 位置：T1 交通中心1F中央
- 營業時間：00:00 - 24:00
- 位置：T2 B1交通中心東邊
- 營業時間：18:30 - 08:30
使用時段 | 使用時間 | 單人 | 單人+淋浴間 | 雙人 | 雙人+淋浴間 |
08:00 - 20:00 | 基本3小時 | ₩24,200 | ₩28,600 | ₩33,000 | ₩38,500 |
20:00 - 08:00 | Check in 時間 + 12小時 | ₩58,000 | ₩66,000 | ₩73,000 | ₩79,000 |
增加時間 | 每小時 | ₩5,000 | |||
有時凌晨機未去到酒店Check-in，或者第二日早機怕趕唔到，有冇地方可以短暫休息？小編推薦大家可以去仁川機場閣樓休，價錢唔貴， CP值超高！
展望台
5樓手扶梯上嚟之後左邊係展望台同體驗館，呢凌可以望到飛機起降，相當紓壓。
首爾站預辦登機
- 位置：首爾站B2
- 預辦登機時間：05:20 - 19:00（需要喺航班起飛前3小時報到）
- 出入境審查時間：07:00 - 19:00
有啲航空公司喺首爾站可以提前辦理登機、託運行李服務，位置就係喺B2 AREX隔離。
目前提供預辦登機航空公司包括有：大韓、韓亞、濟州航空、真航空、德威、易斯達，辦理完手續之後，要去到櫃台隔離出國審查地方進行證照檢驗。
- 黃色：登機手續辦理櫃台
- 藍色：出國審查處
- 紅色：AREX
備註：要搭AREX直達車前往仁川機場，先可以喺首爾站預先辦理登機。
 |  |
 |
辦理順序：
- 買AREX直達列車車票
- 預先辦理登機手續
- 辦理出國審查手續
- 搭AREX直達車離開
到仁川機場唔需要去航空公司櫃台再報到，直接去通關就可以，同時唔需要行一般出境通道，可以由專用通道入去。
呢個門係專屬首爾站預辦登機嘅人。
辦理出境只要俾海關吸個印，或者利用自助通關，就可以更快完成出入境手續。
仁川機場相關優惠
- 2022韓際新世界免稅店優惠｜明洞/釜山/仁川機場：優惠唔單止可以無條件升級至銀卡等級，滿額可享免費韓服體驗、N首爾塔觀景台入場券或Starbucks優惠。
- 機場→首爾 12人座豪華包車：可以裝BB、有TV、Wi-Fi等便利設施，價錢好合理！
- 首爾→機場 12人座豪華包車：對團體遊客嚟講最方便，最多可以坐13人Solati私人車！
- 仁川機場/金浦機場的士接送：由韓國官方認證，每位司機都好親切、車內乾淨，唔會超速。
- TRIPEASY行李託運：唔想拎住行李走圍走，不如就用TRIPEASY，可以將行李安全送到酒店同機場。
- 韓國預訂WIFI/SIM卡服務：Wi-Fi蛋一日1GB至3GB高速上網，就算用哂流量都可以用400kbps上網，速度一啲都唔慢。
- WIFI DOSIRAK SIM卡：用韓國Top3通信公司，LG U+同KT都係LTE（4G）高速網路，品質有保障！
- 機場休息室綜合使用券：喺高級舒適環境，用高速穩定Wi-Fi、食零食同飲嘢、唔使擔心會漏任何重要資訊。
以上係關於「仁川機場」嘅所有相關資訊，希望可以幫到大家，如果有任何疑問，歡迎大家留言話俾我哋知，我哋會盡力一一解答！
另外小編仲有整理埋金浦機場嘅介紹，有興趣嘅朋友去睇吓。
如果有更多想知嘅內容，都可以隨時留言或者dm話俾我哋知：）
Instagram：creatrip.hk