大邱咖啡廳｜對話之場
充滿文藝氣息嘅大邱Cafe，可以邊嘆住咖啡邊睇電影？絕對值得到此一遊！
Hello，大家好，我哋係由韓國人每日提供最新韓國旅行資訊嘅Creatrip。
韓國Cafe多相信大家都知，不過咁多間之中想搵間有特色啲嘅，小編想推薦大家可以去大邱東城路嘅「對話之場」，佢係一間結合藝術氣息嘅展覽空間、工坊以及工作室，大家可以嚟呢度飲杯咖啡食個小食。
大邱咖啡廳「對話之場」資訊
- 地址：대구 중구 북성로 104-15
- 營業時間：星期二至星期日11:00 - 22:00、逢星期一休息
大邱咖啡廳「對話之場」推薦理由
- 呢度有別於其他Cafe，呢度會成日舉辦展覽、小型工藝會、市集等等，值得到此一遊。
- 結合多種空間，創新舒適環境，除咗甜品之外，呢度仲有供應熟食，可以滿足到所有人嘅胃口。
大邱咖啡廳「對話之場」優惠
- 埋單嘅時候向職員出示優惠券，即可享有9折優惠。
- 優惠只適用於飲品及甜品（麵包）。
- 唔需要預約。
- 如果用coupon嘅時候，有任何疑問都可以send email到help@creatrip.com。
大邱咖啡廳「對話之場」菜單
菜單 | 價格 |
|---|---|
飲品 | |
美式咖啡 아메리카노 | ₩4,500 |
鮮奶咖啡 라떼 | ₩5,000 |
忌廉芝士鮮奶咖啡 크림치즈라떼 | ₩6,000 |
抺茶鮮奶 말차라떼 朱古力鮮奶 초코라떼 | ₩5,500 |
檸檬梳打/茶 레몬에이드/티 西柚梳打/茶 자몽에이드/티 | ₩5,500 |
| 麵包 | |
| 莓果帕芙洛娃 베리베리 파블로바 漿果維多利亞蛋糕 베리베리 빅토리아케이크 | ₩9,500 |
Real芝士蛋糕 레어치즈케이크 | ₩5,500 |
| 主菜 | |
| 墨西哥辣湯&鷹嘴豆沙律 치폴레스프&후무스 샌드 | ₩11,500 |
| 水果&布拉塔沙律 과일&부라타치즈샐러드 | |
| 羅勒大蝦意粉 새우 바질 파스타 | ₩12,500 |
| 煙肉蕃茄意粉 아마트리치아나 | |
| 西班牙大蒜蝦麵包 새우 감바스 | ₩13,500 |
| 西型牙海鮮燉飯 해물 빠에야 | |
啤酒&汽水 | |
| REDROCK生啤 레드락(생맥주) | ₩5,000 |
| 西班牙水果酒 샹그리아 | |
| Hoegaarden生啤（枝） 호가든(병맥주) | ₩6,000 |
| STELLA生啤 스텔라(생맥주) | ₩8,000 |
| BLANC生啤（枝） 블랑(병맥주) | |
| 西班牙水果酒（瓶） 샹그리아 바틀 | ₩19,000 |
| 雪碧 사이다 可樂 콜라 | ₩2,000 |
大邱咖啡廳「對話之場」介紹
相信大家都知韓國多Cafe，每間都有自己唔同特色同風格，今日小編想同大家介紹一間除咗係一間Cafe之外，仲係一工坊同工作室。
韓文鋪頭名叫做「대화의장」，其實係解希望有一個舒服地方等大家可以互相溝通。
同大邱中央路站距離5分鐘，如果大家行到攰又想搵間Cafe坐下，都可以嚟呢度放鬆一下。
雖然Cafe隱藏喺一條小巷入面，不過經過嘅人都會一眼認得出，入到去會見到有好多獨特嘅裝飾品，每個空間都有唔同特色。
Cafe內部空間好大，每個區域都有唔同主題，大家只要揀啱再隨便坐就可以，氣氛俾人感覺好舒服，入到去好似去咗一個展覽會咁。
外面亦都有一個小木檯同櫈，呢種只有喺老舊韓屋都可以搵到，Cafe將佢保存落嚟絕對係一個明智選擇，大家可以舒舒服服咁坐喺度同朋友傾偈。
另外呢度有一個空間好似裝修到一個小戲院咁，邊睇戲邊同朋友傾偈都幾唔錯。
呢度有一個書櫃擺滿好多書，有興趣嘅朋友都可以拎嚟睇吓。
正如一開始講到，呢度係希望俾人一個舒服地方傾偈，大家可以喺檯或者牆上搵到一啲問題卡。
當中問題卡可能會問到「講出鍾意睇嘅一本書嘅其中一句句子」、「最深刻嘅離別」等等，有啲可能係平時冇諗到，但只要睇完就會想花少少時間去思考答案。同平時普通單純傾偈，呢度有另一種唔同嘅感覺，好神奇。
大家仲可以發現呢度會將唔同作品加上各種色彩。
一樓有好多唔同嘅空間，而家就等小編帶大家睇吓2樓有咩唔同啦！
上到2樓就好似去咗一個童話世界咁，呢度氣氛好特別，而且仲有種植好多唔同盆栽，俾人一種好神秘嘅感覺。
小編喺度叫咗2杯西班牙水果酒，同一份西班牙大蒜蝦麵包。西班牙大蒜蝦麵包用咗新鮮食材去煮，非常好味，而西班牙水果酒亦都好甜，配任何菜式都一定夾！
將蝦同大蒜放喺包上夾住一齊食，會唔會都想飲番杯啤酒或者紅酒呢？
呢度有好多款唔同嘅美食，不過比起晏晝，夜晚去嘅話呢度氣氛會特別好。
莓果帕芙洛娃（베리베리 파블로바）₩9,500
不過去Cafe又點可以少咗一個甜品呢？小編今次食咗佢哋嘅招牌甜品莓果帕芙洛娃。
只要一食，蛋白霜同漿果果醬好似即刻喺口入面溶化，一開始仲擔心會唔會太甜，不過甜度同新鮮度適中，令人一試愛上。
雖然小編冇落單，不過呢度會俾一支筆同一張卡大家，上面有一個問題寫住「點解要生存？」，可能一次都冇認真去諗過呢個問題，不過當見到就會令人冷靜去思考。
由夜晚6點開始，呢度仲有賣酒精飲品同其他食物（主要係賣紅酒），如果唔想飲咖啡，但又想體驗喺Cafe嘅感覺，可以嚟對話之場飲返杯酒。
Cafe有一個個角落有賣佢哋自製嘅商品，當中有明信片、T-Shirt、帽、對話卡、對話日記、徽章等，小編認為買佢哋做紀念品都唔錯。
大邱咖啡廳「對話之場」前往方法
大邱地鐵1號線中央路站（중앙로역）站4號出口行大約5分鐘，就可以去到對話之場。
點先可以享有「對話之場」嘅9折優惠？
現場消費Click下面網址下載Creatrip專屬優惠券，出示畀店員睇即可享有獨家優惠。
以上係大邱咖啡廳「對話之場」嘅介紹，有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com