2020年韓國藝人好感度排名
韓國人精選2020年韓國藝人好感度排名，比起BTS第一竟然係？
Hello，大家好，我哋係由韓國人每日提供最新旅遊資訊嘅Creatrip。
#好感度 #排名
#韓國排名 #藝人
早前韓國新聞報導咗今年韓國藝人好感度TOP10！
大家心目中嘅藝人又有冇上榜呢？
✨馬上Follow我哋IG
instagram.com/creatrip.hk
好感度藝人TOP 10
共同第10位 0.9％
崔佛岩、金喜善、姜鎬童、安聖基、全智賢
 |  |
 |  |  |
第9位 1.2％ 秀智
韓國「國民初戀」雖然而家好少聽到佢唱歌，但係佢精湛嘅演技完全會忘記佢係歌手出身。
呢幾年佢多數集中喺拍電視劇同做時裝品牌代言人多。
共同第9位 李孝利
元祖女IDOL又點可以唔提李孝利？
雖然呢幾年佢好少出嚟活動，但間唔中都會有拍少少綜藝，佢每次同劉在錫嘅互動，小編每次睇都笑得好開心。
唔少人都好善慕佢而家同老公喺濟州島嘅生活。
共同第9位 1.2％ 任英雄
今年Trot音樂喺韓國好盛行，佢出演《Mr.Trot》成功拎到第一位寶座，吸引到唔少男女老少。
之前惠利仲講過話想作首歌畀佢添！
第8位 1.3％ 玄彬
玄彬一直係唔少人嘅男神，佢今年同孫藝珍拍嘅《愛的迫降》，討論度極高，唔少網民都大讚好睇之如，仲好想佢哋變成真情侶。
如果佢哋真係一齊，大家又會唔會讚成呢？
第7位 1.4％ 金惠秀
只要有金秀惠出演，收視都一定有保證。
佢出演過唔少劇集，小編都追過唔少套，佢演嘅戲真係超好睇！
第6位 1.8％ 朴寶劍
朴寶劍一直畀人印象係正直同善良，同時又有禮貌，每次望到佢都忍唔住笑。
同佢相處過嘅人都係有讚無彈，佢曾經仲被選為「國民女婿」最佳候選人添！
第5位 2.2％ 孔劉
各大孔太有冇尖叫到呢？
喺韓國同國外一直都好受歡迎，呢幾年佢越嚟越成熟，超有男人味，男女老少都係佢嘅fans！
第4位 2.5％ 羅勳兒
可能大家未必對佢有好多熟悉，不過羅勳兒喺韓國係一位好著名嘅歌手。
佢曾經試過10分鐘就賣哂16場演唱會飛，原本佢今年都會有演唱會，可惜因為疫情開係，佢都要取消。
第3位 3.5％ IU
IU係唔少人心目中嘅女神（小編就算係女仔都會望到佢心心眼哈哈哈）
佢憑住可愛嘅面貌加上才華，無講喺唱歌定演技方面都冇嘢難到佢。
韓國人唔少人都會稱IU做「天使」，因為佢成日都會損錢畀慈善機構。
第2位 3.9％ BTS
世界Top 1 韓國組合又點可以唔講BTS？無論係國內定國外佢哋一直都係超高人氣。
佢哋由舊年第6位，今次一升4級登上第2位寶座！
喺韓國街道上仲會成日聽到佢哋嘅歌添！
第1位 8.6％ 劉在錫
連續3年拎第一嘅韓國國民MC劉在錫。
佢一直以嚟表現都好出色，有佢吧節目，小編基本上都會睇，因為佢帶畀好多人歡樂，就算佢做善事，好多事亦都唔會公開名。
佢唔單止有才華，而且又有風度，小編覺得佢拎第一都係實至名歸！
最喜愛韓國選手
第1位 27.2％ 孫興慜
第2位7.1％ 金妍兒
 |  |
孫興慜係一位足球運動員，佢每一次嘅比賽都好精彩，唔少韓國人每次都必追！
前花式溜冰女神雖然而家已經退伇，但仲係咁受歡迎。
第3位 3.4% 金軟景
第4位 3.0% 朴智星
 |  |
金軟景係韓國國家代表排球隊之中嘅皇牌，小編曾經睇過佢上《認識的哥哥》嗰集，佢直率同可愛嘅一面真係超有魅力。
朴智星雖然已經退出咗足球隊6年，但佢仲係第一位獲得歐洲冠軍聯賽獎杯嘅亞洲球員，仍然好受大眾歡迎。
第5位 2.4% 柳賢振
第6位 2.0% 李承燁
 |  |
柳賢振目前係屬於MLB多倫多藍鳥隊嘅職業棒球運動員，擔任投手，作為MLB第一個韓國冠軍，當然係超受歡迎！
李承燁雖然已經退咗伇，但係佢一直都係SBS Sports嘅棒球評論員，係唔少人崇拜嘅大前輩。
唔知大家對以上結果又滿唔滿意呢？歡迎大家留言話畀小編聽！
✨馬上Follow我哋IG
instagram.com/creatrip.hk
| 其他延伸閱讀 | |
 10年不變女韓星 |  韓星香港打卡點 |