Hello，大家好，我哋係由韓國人每日提供最新韓國旅行資訊嘅Creatrip。
世界上面有咁多美食，相信大家都會抗拒唔到！唔少人嘅願望都係做一個無憂無慮嘅「吃貨」，但係喺食嘅時候成日都會擔心健康同埋身形。不過，喺韓國嘅男藝人入面有好多位嘅理想型都係「吃貨」！等小編話俾大家知有邊幾位啦！
理想型係「吃貨」嘅男明星
1. 呂珍九
「母胎單身」24年嘅呂珍九，雖然從來都未拍過拖，但係佢有好明確嘅理想型，之前呂珍九出演SBS《正式演藝之夜》嘅時候公開咗自己嘅理想型。佢表示自己比較鍾意鍾意笑同埋鍾意食嘢嘅女仔。
2. 玄彬
玄彬都覺得鍾意食嘢嘅女仔好有魅力！佢喺之前嘅一個製作報告會上面畀人問到理想型嘅時候，佢答自己鍾意會理解佢嘅職業嘅女仔。跟住佢更加補充左話，特別係喺食飯嘅時候食到好美味同幸福嘅女仔，佢話咁真係好可愛。唔少Fans知道咗之後都覺得非常之心動！
3. 李棟旭
喺3年前，李棟旭舉辦fans meeting嘅時候公開咗自己嘅理想型。鍾意食嘢嘅女性、聰明嘅女性、可以溝通得好好嘅女性就係佢嘅理想型。
4. 張基龍
喺2017年，張基龍結束咗KBS2《告白夫婦》節目之後，接受咗韓國媒體嘅採訪。佢表示鍾意食嘢、有少少肉地、福氣十足嘅女孩就係佢嘅理想型。
5. DinDin
DinDin喺KBS COOL FM《朴明秀的廣播秀》入面回答聽眾嘅問題嗰時好自然咁樣表明咗自己嘅理想型。DinDin表示自己嘅理想型係鍾意食嘢嘅女仔。因為佢鍾意唔虛偽同埋坦率嘅女性，佢覺得喺美食面前唔會就住就住咁食，就係一個唔做作嘅人。
大家睇完之後又有冇想取消減肥嘅念頭呢？比起唔食嘢同埋身形好瘦嘅女性，原來有唔少男藝人都鍾意「吃貨」嘅女性！不過點都好，有健康嘅身體先係最重要！
如果有更多想知嘅內容，都可以隨時留言或者dm話俾我哋知：）
Instagram：creatrip.hk
