BR雪糕30年嚟銷量最好嘅口味Top5-首爾/韓國（Creatrip）

Hello，大家好，我哋係由韓國人話你知每日最新資訊嘅Creatrip。

#韓國 #BaskinRobbins
#雪糕 #甜品 #排名

相信有留意開韓國美食嘅大家，都對呢一個韓國最出名嘅雪糕牌子「Baskin Robbins」唔會陌生。

佢哋出名嘅就係有好多種唔同嘅雪糕口味，而且每一隻都好特別！

最近，Baskin Robbins就公開咗佢哋咁多種口味入面，喺呢30年一直以嚟都最暢銷嘅雪糕口味。

一齊嚟睇吓排頭五名嘅係邊幾隻味啦！

✨馬上Follow我哋IG
instagram.com/creatrip.hk

BR雪糕銷量最好嘅口味TOP5

香港 BR雪糕蛋糕，韓國 Baskin Robbins 出品，配以粉紅色背景，展示一個附加朱古力裝飾的蛋糕和兩款聖誕主題的雪糕產品，非常吸引眼球。

BR雪糕（31冰淇淋）呢個牌子，韓國嘅男女老少都非常之鍾意食！

佢哋每個月都會出一個新嘅口味，有時仲會同一啲卡通或者藝人合作推出新產品或者新口味。

最近佢哋就分別同咗BTS、KakaoFriends嘅Ryan同埋李光洙合作。

相信大家每次嚟韓國旅行幫襯呢一間雪糕嘅時候，都會企喺佢哋個雪糕櫃面前好耐，十五十六咁樣唔知食邊一隻口味好。

今日小編就話俾大家知，佢哋係呢30年入面賣得最好嘅五隻口味係邊啲啦！

第5名 - Shooting Star

Baskin Robbins 韓國出品，Shooting Star 雪糕，色彩鮮艷，融合了藍莓與紅莓風味，以經典甜筒形式呈現，帶有生動的糖果點綴。

清新嘅車厘子果醬加埋爆炸糖，絕對可以刺激到你嘅味蕾！

唔少人一開始試嘅時候，都覺得呢隻味冇乜特別，甚至覺得唔好食。

不過好多人都覺得，呢一隻味係越食越有佢特別嘅感覺，如果大家未試過，下次嚟都可以試下。

第4名 - Cherries Jubilee

Baskin Robbins 韓國出品，Cherries Jubilee 雪糕，玫瑰粉色各有著肉眼可見車釐子果肉，並置於可愛的甜筒中。

香濃嘅車厘子味，加上車厘子果肉，令到口感好豐富！

鍾意甜甜酸酸嘅話，定要試吓呢個味道。

第3名 - Twinberry Cheesecake

Baskin Robbins 韓國出品，Twinberry Cheesecake 雪糕，融合士多啤梨與藍莓的果醬調配，奶油色雪糕球插在甜筒中，給人濃鬱的芝士蛋糕感受。

由士多啤梨同藍莓呢兩種果醬加埋芝士粒，呢三樣嘢組合埋一齊完全係變咗「雙莓芝士蛋糕」咁。

裏面嘅芝士粒都非常之大粒，而且芝士味好香濃。

所以每食一啖都覺得好似食緊芝士蛋糕咁樣！

第2名 - Almond Bonbonbon

Baskin Robbins 韓國出品，Almond Bonbonbon 雪糕，以香草味為基底，加入甜巧克力醬和大量杏仁碎，雪糕整體口感豐富，多層次味覺。

男女老少都好鍾意食嘅口味！

用雲呢拿雪糕做底層，再加上甜甜嘅朱古力醬同埋杏仁粒。

食落唔單止口感豐富，仲好有層次感添！

第1名 - Puss In Boots

Baskin Robbins 韓國出品，Puss In Boots 雪糕，結合白朱古力、黑朱古力和牛奶朱古力，並有巧克力脆脆點綴，為喜愛朱古力的朋友所設計。

用白朱古力、黑朱古力同埋牛奶朱古力，呢三種朱古力雪糕組成嘅一個口味。

入面仲有唔少好似麥提沙咁樣嘅朱古力脆脆，所有嘢融合埋一齊真係好好食！

鍾意食朱古力嘅朋友真係唔可以錯過啊！

Baskin Robbins 韓國最受歡迎雪糕口味排名，顯示包含Puss In Boots、Almond Bonbonbon等前五名的雪糕選擇，每款雪糕置於甜筒中，非常吸睛。

31雪糕有咁多種口味，而且每個月都會有一款係當月新出嘅限定口味。

唔知大家最鍾意嘅又係邊一隻味呢？

下次去韓國嘅時候都可以試一試上面呢5隻味啊！

✨馬上Follow我哋IG
instagram.com/creatrip.hk