Hello，大家好，我哋係由韓國每日提供最新韓國旅行資訊嘅Creatrip。
每次嚟韓過都只係食五花肉？雖然五花肉係好食，但其實仲有好多唔同部位等住大家去試食，小編今日就會介紹一啲遊客少食嘅菜單俾大家參考！話唔定下次大家嚟食可以食出近滋味！
韓國人推薦韓燒菜單
1. 梅花肉（목살）
豬肩肉比五花肉嘅脂肪少，但係味道就更加濃，所以好多韓妹為咗控制體重，都係食豬肩肉多。食落冇豬肉嘅腥味，口感柔軟，越食越感受到嗰種獨特嘅香味。
2. 豬頸肉（항정살）
豬頸肉係由豬頸到膊頭嘅部位，肉質夠彈性，仲有豐富嘅香味，可以話係最強燒肉，佢嘅特徵係長時間燒嘅話，會變得越嚟越酥脆，比五花肉肥啲，價錢顏都會費啲啲高。
3. 牛胸肉/肥牛？ (차돌박이)
將牛肉切食薄片，加熱嘅時候會收縮，口感同肥牛差唔多，脂肪含量高但就超嫩，只要食過好多人都會陷入佢嘅魅力，一試就會愛上。
4. 豬皮 (돼지껍데기)
香港同韓國嘅豬皮有啲唔同，香港嘅會比較爽口，韓國會比較有彈性，因為入面充滿膠原蛋白，對皮膚亦都好好，所以唔少韓妹都鍾意食佢。
韓國食豬皮一啲都唔貴，邊食佢邊飲酒可以話係一大享受。
5. 烤鴨胸 (오리구이)
鴨胸肉質細嫩，脂肪層濃郁，令人忍唔住會不斷食，再加杯酒完全係爽！
6. 大腸 (대창)
豬： 脂肪同營養含量高
牛：通常會同唔同嘅調味料一齊食
香脆嘅口感，加上入面嘅油脂，雖然熱量高，但深受韓國人歡迎。
7. 小腸 (곱창)
豬：有好強嘅特殊氣味，好多旅客都未必接受到。
牛：牛小腸比豬小腸更加難去除腥味，不過仍然有唔少韓國人鍾意食。
佢哋通常會配一啲平較重口味嘅蔬菜一齊食，例如芝麻葉同洋葱。
8. 皺胃 (막창)
豬：由於脂肪豐富所以好香口，通常會同辣椒醬或者鹽一齊食！
牛：同豬相反幾乎冇脂肪，而且卡路里係豬嘅1/4，清淡嘅味道，不過比豬貴啲。
其實韓國人比起只食五花肉，其實佢哋仲好鍾意食唔同部位嘅肉，下次大家嚟又會唔會想試吓呢？
如果有更多想知嘅內容，都可以隨時留言或者dm話俾我哋知：）
Instagram：creatrip.hk