來源：노컷뉴스
Hello，大家好，我哋係由韓國人話你知每日最新資訊嘅Creatrip。
＃釜山＃防疫階段
＃修能考試＃第三階段
釜山市代理市長係11月30號喺新聞發布會上面表示，雖然目前防疫當局對新冠肺炎疫情嘅正式應對方式為「社會距離第二階段」。
不過，釜山市嘅感染個案持續上升，修能考試（類似香港DSE）都就到，所以將會由12月1號到12月3號為止將防疫階級提升到第三階段。
✨馬上Follow我哋IG
instagram.com/creatrip.hk
釜山防疫級別上調到最高
來源：연합뉴스
社會距離第三階段嘅前提係嗰個地區新增800至1000個感染個案先會進行。
不過，釜山市政府認為喺學校、宗教設施、體育設施之中已經出現咗51個確診嘅群聚感染，係相當嚴重嘅情況，加上學生就嚟面臨大考所以到就提升階段嘅決定。
來源：뉴시스
喺釜山市嘅第三階段之中，除咗必要設施之外，所有設施全部都禁止群聚，政府設施無論係喺室內定係室外，一律都停止營運。
同時，釜山市而家係禁止10人以上嘅聚會同埋活動， 而KTX同埋高速巴士等等嘅大眾交通工具都係維持喺50%嘅座位發售，學校亦都全面改為網上教學，宗教都全面禁止聚會同埋用餐。
雖然釜山政府認為修能考試就嚟到，但前所未見嘅第三階段措施幾乎同封城冇分別，令釜山嘅市民都好不安。
有人亦都質疑究竟首爾圈都係維持喺第二階段，咁究竟釜山點解要進入第三階段呢？
其實釜山市政府都有考量到地方自治團體嘅自主性，希望可以加強負責人對呢方面嘅防備。
來源：연합뉴스
據了解，喺防疫1.5階段之中，大部份都只會係限制設施嘅人數。
而第二階段擴大限制嘅時候，咖啡廳就會禁止堂食，而餐廳都係喺九點之後禁止堂食，卡拉OK等等嘅娛樂場所都禁止營運，亦都禁止100人以上嘅聚會同埋活動。
來源：경향신문
與此同時，由於韓國每一日嘅平均新增患者都接近四百幾人以上，民間同埋政府團體都針對緊呢一啲措施作出相關嘅討論。
國務總理丁世軍喺發佈會都表示首都圈嘅社會防疫階段依舊係會維持喺第二階段，並呼籲市民相信政府決策。
✨馬上Follow我哋IG
instagram.com/creatrip.hk
其他延伸閱讀 | |
 歌謠界再爆確診者 |  韓國修能考試 |
