韓國5套Webtoon推薦
疫情留喺屋企覺得好悶？小編推薦大家睇韓國5套Webtoon！總有一套啱你心水！
Hello，大家好，我哋係由韓國人每日提供最新韓國旅行資訊嘅Creatrip。
相信大家因為疫情可能都唔可以同圍走，更加多咗時間睇手機同休息。不過如果太悶除咗睇Netflix，有冇諗過睇下韓國Webtoon呢？今日小編私心推介5套Webtoon畀大家睇，唔知當中會唔會有套啱大家心水呢？
韓國5套Webtoon推薦
1. 乖乖女的戀愛指南
故事嘅女主角攸秀係一個A0嘅母胎單身大學生，為咗接近暖男學長「在賢」，決定加入一個自己一啲興趣都冇嘅程式設計學會。冇諗過喺嗰度遇到一個第一眼就超唔夾嘅「小傲嬌」佑元學長，仲發現咗佢嘅秘密…
小編私心推介羅佑元！如果你鍾意女神降臨嘅韓書竣，你就一定會鍾意羅佑元依種又貼心又傲嬌嘅男仔。
外表睇落好cool、乜都唔在乎嘅「小傲嬌」佑元學長，成日都做啲令到少女心爆發嘅行動，被廣大粉絲譽為：「最想要嘅男友理想型」！呢套漫畫係韓國網友最想翻拍成真人版嘅漫畫嚟㗎！大家快啲睇呢套漫畫，睇下你係在賢派定佑元派！
2. 今天也請多指教
熱門韓國漫畫《犬系戀人》嘅作者推出咗《今生也請多指教》。因為劇情講同以往唔同嘅「前世今生」故事概念，講述女主角擁有所有嘅「前世記憶」，到而家已經過第18世，覺得人生又漫長又無聊，但佢就係喺18世遇到佢鍾意嘅人。
令佢決定咗無論自己下世、下下世投胎成點都好，都要同「佢」一齊度過，劇情好浪漫！所以亦受到好多韓國網友嘅討論！
3. 迎死tagram
必追嘅驚悚網漫《迎死tagram》，第2季雖然已經出咗，但小編都想介紹返第1季先。
《迎死tagram》描述殺人犯透過打卡同Hashtag隨時隨地都可以睇到大家唧生活日常，而引起一連串KOL嘅離奇失蹤事件…
佢係以一部「恐怖嘅連續殺人案，加害者可能係自己...」為題材嘅必追驚悚網漫，喺推出咗之後引起好多「科技帶嚟嘅人身安全疑慮」反思。
4. 少女的世界 第二季
少女的世界第1季巳經大受歡迎，仲翻拍捚真人版，而家有第2季梗係要追埋啦！聽講有新男主角加入，唔知女主角娜麗有冇感情線呢？
少女的世界係講4位女高中生嘅友情同愛情故事，個性單純嘅美女同班同學「仙智」、細細個就識不過冇咗聯絡嘅「柔娜」金髮美女「美來」，每個都係才貌兼備、 十全十美嘅大美女，而平凡嘅「娜麗」就好似一隻醜小鴨喺一堆天鵝之間！ 如果想知佢哋有啲咩故事就去Webtoon睇啦！
5. 女神降臨
最近大紅嘅女神降臨係小編最私心推薦嘅一套！除咗講大學生活，大學生戀愛，亦會講演藝圈嘅黑暗面，討論社會議題，家庭教育，覺得呢套係一套又有深度又有趣嘅漫畫。
女神任朱靜私底下係一個素顏醜女，鍾意睇驚悚漫畫同聽重金屬音樂，同平時完全唔同嘅性格反差萌好可愛！再加上佢同2位男主角嘅愛情故事好激烈，小編睇到100幾集都仲未知道係李修豪定韓書竣會贏！12月9號就會有首播，大家又會唔會期待呢？
如果有更多想知嘅內容，都可以隨時留言或者dm話俾我哋知：）
Instagram：creatrip.hk