韓劇中令人心動嘅咀戲Top9

Hello，大家好，我哋係由韓國人每日提供最新韓國旅行資訊嘅Creatrip。

相信唔少人都係受到韓劇影響而開始鍾意韓國，尤其係韓劇入面嘅Oppa一舉一動，同女主角嘅互動完全係令人睇到心心眼。

今日小編盤點咗由2010年到2020年之間嘅經典韓劇中，令人心動嘅接吻戲TOP 9，唔知當中大家又睇過幾多套呢？而大家心目中嘅又有冇上榜？咁就要繼續睇落去啦！

韓劇中令人心動嘅咀戲Top9
1. 衣櫃之吻 <金秘書為何那樣>

• 播出年份: 2018
• 主演: 朴敘俊、朴敏英
• 播出頻道: tvN

第一個要同大家介紹嘅就係2018熱門韓劇<金秘書為何那樣>嘅衣櫃之吻啦！超級自戀副會長朴敘俊，以及佢完美秘書朴敏英，呢幕衣櫃之吻真係令人睇到融化 下面附上小片段俾大家回味一下

2. 確認之吻 <請回答1997>

• 播出年份: 2012
• 主演:徐仁國、鄭恩地
• 播出頻道: tvN

韓劇<請回答>系列絕對係經典中嘅經典，每一季都討論度極高，每次成為眾人焦點。其中以<請回答1997>中嘅呢幕確認之吻，應該唔少人都印象深刻。劇中男女主角本身係青梅竹馬，而徐仁國一句：「我想要確認」之後就錫咗恩地，小編睇到都好怕羞🥰

3. 晚安之吻 <奇怪的搭檔>

• 播出年份: 2017
• 主演: 池昌旭、南志鉉
• 播出頻道: SBS

劇中飾演夢想成為檢察官嘅池昌旭，以及夢想成為律師嘅南志鉉，兩人由相遇到戀愛過程都好有趣。呢幕喺屋企超sweet嘅晚安之吻，真係令人忍唔住睇完又睇😳只係呢個片段就有4千3百萬嘅點閱，真係深得韓國人心，未睇過嘅朋友都可以睇下

4. 重逢之吻 <愛的迫降>

• 播出年份: 2019
• 主演: 玄彬、 孫藝真
• 播出頻道: tvN
  
  
  
  

上年2月完播嘅<愛的迫降>當中嘅「重逢之吻」真係超具有話題性。兩人喺瑞士再次相遇後深情擁抱，唔少觀眾睇完都覺得好感動。瑞士美景搭配浪漫又感動嘅相遇，大家又有冇不斷loop呢？

5. 壁咚之吻<又，吳海英>

• 播出年份: 2016
• 主演: Eric、徐玄振
• 播出頻道: tvN

韓劇<又！吳海英>中嘅咀戲，可以話係韓劇之中嘅傳說，深受韓國人喜愛。兩個人好激動咁打完交之後，男主角將女主角壓喺牆上嘅呢一吻，真係唔係人人都可以模仿到。喺播放花絮嘅時候，徐玄振表示：「呢場戲完全冇NG過，一次就完成，而且係超完美。」

6. 炒年糕之吻 <三流之路>

• 播出年份: 2017
• 主演: 朴敘俊、金智媛
• 播出頻道: KBS

呢部非常貼近現實嘅韓劇<三流之路>，小編真係睇完又再睇。呢幕佢哋食完炒年糕嘈完交之後，朴敘俊將金智媛一手拉過嚟錫，小編睇到真係超心心眼。

7. 離別之吻 <鬼怪>

• 播出年份: 2016
• 主演: 孔劉、金高銀、李東旭、劉寅娜
• 播出頻道: tvN

應該唔少人都同小編一樣，一邊睇呢場離別之吻一邊喊。以為只係暫時離別之吻，冇諗過係永別之吻。兩位演員精湛嘅演技，令人忍唔住都跟住金高銀一齊喊，推薦大家可以一齊重溫經典呢一幕

8. 脖子之吻

• 播出年份: 2020
• 主演: 李敏鎬、金高恩
• 播出頻道: SBS
  

呢幕堪稱《永遠的君主》嘅名場面！原本兩人傾緊正經事，因為李敏鎬對住金高銀搬出大韓帝國法律係要斬首，而金高銀就講笑咁講：「斬啊你斬啊」，然後伸長條頸，之後李敏鎬就直接錫落去。呢個會唔會太甜蜜........

9. 階梯之吻 <河伯的新娘2017>

• 播出年份: 2017
• 主演: 南柱赫, 申世景
• 播出頻道: tvN

最後要介紹嘅就係<河伯的新娘>呢幕由一樓錫到二樓再到梳化，長達53秒嘅階梯之吻。呢集除咗有呢種激動長吻，當中仲有唔少浪漫之吻，真係會令人忍唔住大叫唔好再錫啦！ 呢幕都成為好多人心目中嘅第一名

今日小編整理咗韓劇令人心動嘅吻戲TOP 9俾大家，唔知各位心中嘅第一名又係邊一套呢？

以上TOP9都係透過話題性以及觀看次數等等票選出嚟，如果有覺得超經典但冇上榜都歡迎留言話俾我哋知。

如果有更多想知嘅內容，都可以隨時留言或者dm話俾我哋知：）

Instagram：creatrip.hk

Facebook：Creatrip 帶你認識韓國每一面

韓國代購