A型血係溫柔細心嘅代表？
A型血天生就有溫柔嘅性格？一齊嚟睇下邊5個韓星係A型血啦！
Hello，大家好，我哋係由韓國人話你知每日最新韓國資訊嘅Creatrip。
香港嘅大家鍾意睇星座，而韓國人就比較信血型。雖然冇科學上嘅證明，但根據一般嘅血型分析，擁有「A型」血型嘅人都係一個好謹慎嘅人。但小心謹慎只係佢哋嘅表面性格，其實A型血嘅人係細心照顧其他人，同埋天生就有溫柔嘅性格。
一齊嚟吓韓國娛樂圈入面有邊5位韓星係「A型」血㗎啦！
A型血係溫柔細心嘅代表？
1. ITZY 禮志
喺女團ITZY入面擔當舞蹈，展現咗強勢魅力嘅禮志。佢作為ITZY嘅隊長，雖然喺做隊長嘅時候充滿咗型格嘅魅力，但實際上佢係擁有稚嫩感性嘅一個女仔。今年8月，ITZY嘅官方YouTube Channel上面Upload咗一條叫《Letters to MIDZY》嘅片。
當時，禮志向鏡頭表達咗做隊長嘅苦衷，仲眼濕濕咁話平時自己嘅性格唔會好隨便咁講啲唔好嘅說話，所以做隊長嘅時候感受到好大嘅負擔同埋責任感。
2. BTS Jimin
BTS嘅Jimin絕對係一個擁有柔軟感性嘅人。今年9月BTS喺韓國歌手入面第一次登上美國Billboard "Hot 100"排行榜冠軍寶座。當時Jimin表示佢由凌晨4點到朝早7點大喊咗一場，Fans知道之後都覺得好心痛。雖然Jimin成日都面帶微笑，但係Fans都非常之清楚佢嘅內心比任何人都脆弱。
3. IU
可能係因為細細個就開始娛樂圈嘅工作，IU成日都想表現出佢堅強嘅一面。IU唔止唱歌叻，仲做埋演員拍戲，但佢其實都係一個感情脆弱嘅人嚟！A型血嘅IU喺唱自己嘅歌嗰陣，成日都會因為感情嘅涌動而喊。
4. BLACKPINK Jisoo
BLACKPINK嘅Jisoo不愧隊入面嘅大姐姐，無時無刻都會照顧住另外3位成員。平時從來都唔會喺鏡頭前面流眼淚嘅「四次元」Jisoo，同Fans喺埋一齊嘅時候就會表露好真心嘅「多謝」。雖然Jisoo喺隊入面係最大，但其實佢喺屋企係最細嘅妹妹嚟㗎！
5. 金宣虎
最近出演KBS2《兩天一夜》同埋tvN《Start Up》，俘獲咗唔少女心嘅演員金宣虎嘅血型都係A型㗎！金宣虎喺《兩天一夜》入面聽到心理諮詢專家話佢好似對自己嘅本質部分好苦惱，佢聽到之後就默默咁流眼淚。
平時只係會喺鏡頭前面展現開心活潑形象嘅金宣虎，佢喺呢個時候先講出佢自己內心對演技生活嘅苦惱，所以先會流眼淚。
睇完之後大家又覺得準唔準呢？比起睇星座韓國人真係比較相信睇血型。大家身邊A型血嘅朋友又係喺以上呢啲性格呢？歡迎留言話俾小編知！
如果有更多想知嘅內容，都可以隨時留言或者dm話俾我哋知：）
Instagram：creatrip.hk