探索北韓國旗「人共旗」

大家知唔知「人共旗」係咩？！北韓曾經同南韓嘅國旗一樣？喺南韓絕對唔可以舉起北韓國旗！

Yujin Kim

4 years ago

Hello，大家好，我哋呢度係由韓國人話你知每日最新韓國資訊嘅Creatrip。

＃北韓國旗＃朝鮮
＃朝鮮人民共和國

唔知大家對北韓嘅認知有幾多？

知唔知韓國以前係一個叫朝鮮，屬於「非南韓實質統治嘅北韓地帶」呢？

不過今日小編並唔係想詳細同大家介紹南韓，而係想同大家睇睇北韓國旗「人共旗（인공기）」。

🤞🏻 Creatrip Youtube上線囉

✨馬上Follow我哋IG
instagram.com/creatrip.hk

🎈韓國代購

北韓國旗嘅由來同歷史

太極旗與金日成(左)／金正恩(右)

喺韓國脫離日本殖民獨立嘅1945年至1948年07月24日為止，太極旗係韓國南北兩地嘅國旗。

而喺1948年大韓民國成立沿用太極旗，而北韓建立嘅朝鮮民主主義人民共和國政府領導人金日成提出要重新製作國旗，所以就透過蘇維埃聯邦嘅提議製作咗「人共旗」。

北韓曾經懸掛過太極旗(上圖右)

北韓降下太極旗，改掛人共旗

由蘇維埃聯邦派至北韓嘅僑胞朴一（박일）協助北韓製作國旗。

根據佢嘅講法，北韓早喺1947年就開始主張「太極旗不符合北韓嘅新民主主義」，開始製作屬於北韓旗幟。

北韓國旗人共旗樣式

雖然我哋叫超朝鮮半島38度線為北韓或者朝鮮，但實際上應該稱之為「朝鮮民主主義人民共和國」。

比較特別嘅係，「人共旗」除咗只係喺南韓用之外，就同中華民國國旗為青天白日旗、日本國旗為日章旗一樣，有除咗國旗之外嘅名。

而人共旗就比北韓人稱之為「藍紅色共和國旗旗（람홍색공화국기）」或者係「紅藍五角星旗」，上面會有藍色、紅色同埋五角星。

而北韓人通常叫國旗做「共和國旗」，佢哋自稱自己國家嘅時候都會以「共和國」為主。

人共旗構造

北韓國旗「人共旗」上面同埋下面都有藍色，中間就係一條紅色線，同埋用咗好幼嘅白線區隔開咗，而白色圓圈中間就有紅色星星。

藍色意味對主權同埋和平充滿希望；而紅色象徵共產主義、革命同埋主體思想。

白色嘅圓圈意味著光明同埋陰陽思想；而紅色星星就係共產主義同埋北韓軍隊的象徵（藍白紅嘅比例為6:2:17）。

喺南韓揮舞北韓國旗

聽講韓國冇將「人工旗」當為正式嘅國旗。

因為喺韓國嘅法律當中，將北韓分類喺「無端佔有領土嘅國家同埋非法團體」，所以喺近十幾年，韓國都發生過喺出版物上面刊載人共旗而違反咗《國家安全法》而被起訴。

2018平昌冬奧上揮舞北韓國旗遭扣押嘅男仔

雖然而家好似已經幾乎冇呢種現像，但小編就覺得都係想同大家分享呢件事。

喺南韓用北韓國旗其實係一件相當敏感同埋嚴重嘅事。

換句話講，如果喺北韓揮動太極旗都會受到相當嚴厲嘅處分。

不過，其實都有有特例：例如喺60至80年代嘅韓國反共教育中就允許媒體刊載北韓嘅人共旗，因為當時要教育大家識別北韓嘅象徵。

例如70年代嘅人氣卡通《抓住間諜嘅都而將軍（간첩 잡는 똘이 장군）》，都係將北韓描繪成負面嘅紅豬形象，試圖令小朋友對北韓產生否定嘅認知。

若果喺大型國際場合中，北韓嘅人共旗自然都會允許透過相關人員升起。

例如2018年嘅平昌冬季奧運、2002年嘅釜山亞運會、2003大邱世運、2014年嘅仁川亞運等等，北韓國旗都有喺場內升旗。

不過，2014仁川亞運當時，唔只喺場內，路上面都掛咗好多參賽國國旗，包括北韓嘅人共旗。

雖然可以理解主辦單位嘅想法，但喺韓國街道見到北韓國旗真係有好大爭議，最後主辦單位都將所有國旗撤除。

另外，如果係為咗國民知情權，就可以喺新聞、電影、韓劇同埋書籍裡面提到有關北韓嘅嘢。

大家都應該對韓劇《愛的迫降》有印象？

呢套劇當中幾乎冇出現任何北韓嘅國旗，比較敏感嘅話面都有打格仔咁播出！

《愛的迫降》利正赫脫北時遺落嘅勳章

另一個爭議就係2018年11月，韓國教育電視臺EBS推出咗一套人物公仔系列。

當時唔只做咗川普、習近評同埋文在寅嘅公仔，都做咗相當可愛嘅Q版金正恩，平壤地標嘅飯店仲插咗人共旗而受到唔少人抗議。

韓半島旗？

唔知大家有冇見過呢個印有朝鮮半島嘅旗幟？

除咗南韓用嘅太極旗同埋北韓用嘅人工旗之外，喺奧運開幕會同埋南北韓組隊參加組織賽事之前都會用「韓半島旗（한반도기기）」。

呢個唔喺正式嘅國旗，喺作為南北韓「一統」嘅象徵。

韓半島旗喺最早1989年嘅時候，為咗北京亞運會，南北兩韓組成單一隊伍，用咗「單一旗幟」型態表示整體「KOREA」嘅產物。

當時南韓主張白底加上綠色韓國半島嘅圖案，用KOREA作為標記。

而北韓就主張用白底，加入土黃色朝鮮半島同埋KORYO（高麗）嘅圖案。

經過相量，南北統一隊嘅名都以KOREA出發，而韓半島旗幟就係白底、朝鮮半島就用藍色，而且唔加入任何文字。

韓半島旗、太極旗、人共旗共存嘅畫面

之後1991年日本千葉世界乒乓球錦標賽、雪梨奧運、年南北首腦會談、平昌冬季奧運會等等，喺南韓同埋朝鮮嘅共同活動當中都係用咗呢啲代表性嘅韓半島旗！