5款好食又健康嘅韓國零食
想食零食又怕肥？減緊肥嘅時候可以食啲咩零食？盤點韓國5款好味又健康嘅零食！
Hello，大家好，我哋係由韓國人話你知每日最新韓國資訊嘅Creatrip。
#韓國零食 #健康零食
#低卡路里
相信大部份人都好鍾意食零食，但係零食俾人哋嘅感覺通常都係唔健康嘅！
有時做嘢或者無聊嘅時候都會口痕想食零食，不過唔小心食多咗嘅話就會增加咗脂肪。
喺韓國就有5款非常之低卡路里嘅零食，全部都好受韓國女仔歡迎㗎 ！一齊嚟睇吓啦！
✨馬上Follow我哋IG
instagram.com/creatrip.hk
5款好食又健康嘅韓國零食
1. 蒟蒻啫喱 
喺韓國嘅便利店同埋超市入面都可以見到有好多款唔同嘅蒟蒻啫喱。
而呢啲蒟蒻啫喱一般每包只係有2至6卡路里。
佢哋仲有好香甜嘅水蜜桃、蘋果、西柚、青提子等等嘅水果味，而且每一包嘅價錢都唔貴！
2. 紫菜
如果想食鹹嘅嘢，就可以揀食紫菜。
相信大家都知韓國嘅紫菜都好出名，嚟旅行嘅時候都一定要買嚟做手信。
一包紫菜只係得30卡路里，想食零食嘅時候食一包一啲都唔會過分！
紫菜除咗熱量低之外，仲有好多鎂同埋鈣等等嘅營養。
紫菜仲可以強化身體新陳代謝入面嘅碘，所以唔少韓國人都鍾意就咁紫菜撈飯食㗎！
3. 希臘乳酪
韓國嘅女仔都會因為佢嘅味道同埋健康，而愛上咗希臘乳酪。
乳酪可以幫助消化，對身體有益嘅營養都好多，好適合鍾意食甜品但係又想健康嘅人。
喺韓國，一杯80克左右嘅希臘乳酪只係得65-100卡路里，裡面仲含有豐富嘅骨膠原蛋白添！
4. 蕃薯製品
相信大家都知道，蕃薯係有助於減肥，亦都係減緊肥嘅人嘅主食。
韓國都有好多唔同嘅零食係用蕃薯整出嚟，而且卡路里都唔高，好健康㗎！
就連雪條都有推出蕃薯口味！呢一款蕃薯雪條非常之受韓國女仔歡迎。
因為每一條雪條只係得60卡路里！
5. 果仁
各款嘅果仁都係韓國人減肥嘅時候會食嘅小食。
果仁唔單止好食，仲含有豐富嘅蛋白質同埋纖維。
加上韓國都出咗好多唔同款式嘅果仁，所以可以完全滿足到唔同人嘅需要。
以上呢五款低卡路里又低熱量嘅零食，可以令到大家唔使驚脂肪，盡情咁樣食！
大家有興趣都不妨試吓跟韓國人咁樣食零食！
可以滿足到想食零食嘅心，又唔會覺得好唔健康。
但係除咗食之外，都需要做返適當嘅運動，先至可以塑造到健康嘅身體。
✨馬上Follow我哋IG
instagram.com/creatrip.hk
| 其他延伸閱讀 | |
 大韓收購韓亞 |  冬季感染案急升兩倍 |