Hello，大家好，我哋係由韓國人話你知每日最新韓國資訊嘅Creatrip。
＃韓國疫情結束
＃幾時先會好？
疫情爆發至今，似乎好似冇結束嘅一日。
大家喺2020年嘅2月底開始等，都已經經過咗春天嘅櫻花、夏天同埋秋天嘅楓葉，等到韓國而家已經入冬啦，疫情都仲未有好轉。
世界各國都估計疫情將會係下一年嘅年底先會好返，究竟到時如果香港同韓國都解封，大家嚟韓國玩嘅時候會面臨左啲乜嘢情況呢？大家一齊睇吓啦！
✨馬上Follow我哋IG
instagram.com/creatrip.hk
疫情後嘅韓國...
1. 機票價格漲價
疫情過咗之後如果由香港嚟韓國唔需要隔離嘅話，相信大家第一件事一定會即刻買機票出國啦？
不過經過疫情嘅長期摧殘，航空公司都蝕咗唔少錢，所以其實將來航空公司一定會捉緊機會報復性咁樣加價！
不過其實呢一個推論都相當合理，畢竟航空公司係疫情呢段期間都蝕咗唔少錢，所以相信平價機票應該都會係幾年後先會再出現！
2. 熟悉嘅商圈、倒閉嘅店鋪
疫情開始之後，韓國唔少舖頭都暫時休息或者係執笠，尤其係觀光客成日去嘅明洞商圈。
其他好似係弘大、江南、東大門等等雖然冇明洞影響咁大，但普遍嘅營業時間都縮短咗好多！
等到疫情過後大家嚟韓國嘅時候，大家可能都要習慣一下新改寫嘅商業版圖，而且解封都唔係全世界同時嘅，即係可能都要喺解封後嘅一段長時間旅遊業先會可以復甦。
、
3. 消失嘅餐廳
除咗商圈嘅舖頭唔見咗之外其實有好多餐廳都冇再營業。
因為疫情期間每一檯唔可以坐好多人，又或者唔接受堂食等等，都令到餐廳造成好大嘅生意上打擊！
而且韓國以前係有好多街頭小食，就算第日解封之後呢一啲街頭小食都未必會咁快再出現！
4. 報復性的消費、營業模式
疫情結束之後，韓國一定會出現相當程度嘅消費同埋營業嘅新模式。
畢竟經歷過咁長時間嘅緊繃壓力，鍾意去玩同埋乳酪嘅韓國人一定會係解封之後大玩特玩，除咗韓國人會去海外旅遊定係去韓國旅遊嘅人都一定會人潮滿滿！
報復性嘅外國人旅遊模式，加上報復性嘅韓國人國內旅行，諗一諗都有啲驚！
到時候商家唯一嘅應對方法可能就係可以透過將隔離都彌補疫情上面嘅損失金額，韓國物價短期內應該會有顯著上升嘅趨勢！
5. 韓幣暴跌？上漲？
嚟到韓國嘅時候，好多人都會關心韓國匯率會出現啲咩變化，其實會上漲定係下跌大家都唔會知道。
不過按照小編嘅分析就覺得係疫情期間，世界各國為咗拯救出口貿易貨幣都會貶值。
之前韓國喺拯救出口GDP數據嘅時候，曾經韓幣係暴跌到相都可怕嘅地步。
到而家因為疫情嘅影響，世界各地嘅投資都減少左股票市場亦都下滑韓幣比起之前係有稍微上升，但韓國都會為咗維持出口貿易，阻止韓幣上漲。
疫情嚴重嘅關係，其實熱錢太多喺亞洲流動，大多全球疫情解封之後，因為疫情唔敢投入歐美嘅熱錢，就將會大量注入歐美股市，到時韓國操作都極有可能會透過韓幣貶值嚟拯救出口貿易。
6. 過時嘅旅遊資訊？
假設疫情係2021年嘅下半年恢復，旅遊復甦係2022年，咁樣網絡上面大部份嘅韓國攻略都只會停留喺2020年初，甚至係2019年，長達三年嘅空白期，對於大家來講應該好唔方便！
不過小編都會持續喺疫情期間做好防疫措施之餘，努力咁樣更新韓國相關嘅功能，所以大家都唔需要擔心，解封嘅嗰一刻我哋就會有最新嘅資訊提供俾大家！
7. 韓國會唔會學識吸取教訓？
疫情之後唔知係韓國應該要記低呢一個咁慘痛嘅教訓，世界各地嘅人都係。
雖然韓國係早期對口罩政策都有比其他國家嘅速度快，但係針對疫情嘅變化，韓國都有不斷咁樣改變政策，都對韓國疫情有不斷增長嘅影響。
因為疫情嘅影響，大家都應該等到好唔耐煩？其實都真係冇人願意咁樣，但只要等世界嘅疫情結束，大家就可以安心去旅行，我哋都唯有誠心期盼疫情早日結束，大家多多保重！
✨馬上Follow我哋IG
instagram.com/creatrip.hk
| 其他延伸閱讀 | |
 韓國生產疫苗進展 |  韓國演唱會出現確診者 |
