logo

夢到呢啲情景即係有機會出Pool?

就到情人節想出pool?只要夢到呢6個夢境出pool可能性極高?

황요산
14 days ago

Hello,大家好,我哋係由韓國人每日提供最新韓國旅行資訊嘅Creatrip


就到聖誕節,唔想自己一個人孤伶伶咁過,係唔係想搵返個伴?所以小編整咗一啲韓國人話,只要夢到呢啲情境,就有可能有機會出pool!唔好理機會大唔大先,至少夢到已經係成功嘅開始,時不宜遲即刻睇下有咩夢啦。



夢到呢啲情景即係有機會出Pool?

1. 夢到月亮

韓國解夢 月亮


韓國有個講法係,如果夢到月亮,即係同另一半或緣份有關。好多韓國人認為夢到月亮,即係有暗示另一半好快會出現。不過如果大家係有另一半,月亮越光即係代表好快會結婚或者可能係有咗BB。



2. 夢到去人哋婚禮

韓國解夢  韓國婚禮


夢到去人婚禮當然都係一件開心事,同時暗示緊可能好快有好事發生。如果係單身嘅你,夢到呢個情景,即係話大家可以好快有另一半,同時可能會同呢個人行一世。同時亦可以解釋最近可能一啲困難嘅事,都可以好易解決。



3. 咬住花嘅夢

韓國解夢 花


韓國有個解釋係只要夢到花,好多時都一定係好夢。特別係如果夢到自己咬住花,即係暗示緊嚟緊會認識到好多唔同嘅人。同時如果係單身嘅你,即係好快會有一個可以同你行一世嘅人出現。



4. 夢到鞋

韓國解夢 鞋夢

鞋喺夢有個解釋係另一半或緣份咁解。無論係買到新鞋、定係著緊鞋,又或者收到鞋都係一樣有咁嘅意思。



5. 偷寶石嘅夢

韓國解夢偷寶石


喺夢中寶石係指願望同重要嘅人咁解,如果夢到自己去偷寶石,即係好快你嘅願意就會實現,特別係單身嘅你,即係好快有另一半會出現。



6. 夢到火

韓國解夢 火


好多時可能會覺得火咁危險一定唔係好夢,不過現實同夢中,有好多時都係相反,喺夢中見到火即係代表好快會有另一半,同埋可以解釋將會喺事業上有好事發生。


雖然唔知係唔係真,不過韓國人話想出pool,都會想夢呢啲,就到情人節又想搵到另一半嘅話,不妨都可以試下!




如果有更多想知嘅內容,都可以隨時留言或者dm話俾我哋知:)

 Instagram:creatrip.hk

 Facebook:Creatrip 帶你認識韓國每一面

 韓國代購

熱門文章

熱門文章