望遠「藥草園」介紹-首爾/韓國（Creatrip）

Hello，大家好，我哋係由韓國人話你知每日最新韓國資訊嘅Creatrip。

＃望遠咖啡廳＃韓藥
＃特色咖啡廳＃藥草園

講起望遠洞唔知大家會諗到咩呢？

除咗望遠市場嘅美食之外，其實附近仲有一啲隱世美食同埋cafe。

今次小編就同大家介紹一間以「韓藥房」聞名嘅cafe，呢度除咗係一個cafe之外，仲係藥局嚟添，一齊睇下有咩咁特別啦！

望遠咖啡廳「藥草園」

약초원

韓國首爾望遠洞的草藥園咖啡廳地圖顯示，從望遠站2號出口步行可以到達，並標示沿途的地標，如CU便利店和7-11。

要去呢間cafe其實唔難，只要喺望遠站2號出嚟一路直行，經過CU後嘅下一個街口，7-11隔離就係藥草園啦！

同一般cafe唔同嘅係，望遠「藥草園」係由韓醫經營韓藥店嘅一間cafe。

呢度主要賣嘅飲品主要係以傳統茶為主，如果想飲冰涼或者甜嘢嘅朋友可能就唔太適合啦！

不過，如果你係想養生啲嘅話，呢度簡直就係perfect啊！

韓國草藥園咖啡廳的外觀，磚紅色的建築搭配大型玻璃窗户，顯示出咖啡廳温馨而時尚的氣氛。

呢間cafe最特別嘅一點係同藥店一齊營運，經營呢間cafe嘅藥劑師真係有韓醫師執照牌㗎！

如果你有需要買感冒藥、消化藥呢啲嘅話都可以喺「藥草園」呢度買到，好方便。

草藥園咖啡廳的室內一角，展示牆上懸掛著韓醫師執業執照，顯示咖啡廳的中醫風格和專業性。

喺藥草園裡面有種非常之自然同埋清香嘅味道，而且舖頭入面嘅氣氛都相當之舒服。

最特別嘅喺呢度係有寵物友善空間添，所以有寵物嘅大家都可以帶埋佢一齊嚟啦！！

草藥園咖啡廳出售的特色雙和湯，裝在特製袋中，非常便利，可以在家加熱後飲用。

於草藥園咖啡廳內部的展示區域，提供各種韓醫藥材與草茶的包裝和相關資料，讓顧客輕鬆瞭解每款飲品的效用。

呢度有賣韓國嘅雙和湯、五味子茶、水正果呢啲傳統飲品，都會好似真正嘅藥方一樣，都係包住喺個袋入面！

如果唔想喺度飲嘅話都可以直接買外賣返去，然後放入微波爐叮一叮就飲得。

一杯草藥園咖啡廳的傳統雙和茶，擺放在咖啡桌上，旁邊放著介紹茶飲的資料卡，體現了茶飲的細緻和用心。

小編最鍾意嘅就係呢度嘅雙和茶同埋水正果。

雙和茶係加入做九種藥材，同埋蜂蜜煮成嘅傳統茶，飲完之後仲可以驅寒，秋冬飲真係唔錯！

而水正果就係用桂皮、生薑同埋有機白糖一齊煮成嘅果汁，飲起嚟非常清甜爽口！

草藥園咖啡廳的烤蘋果，蘋果切片搭配甜蕃薯和奶油，擺盤精緻，提供顧客一個健康和美味的選擇。

原本嘅雙和湯係帶苦味嘅，但藥草園為了迎合年輕人嘅口味，特別加入咗蜂蜜同埋提子，甜甜哋真係容易啲入口！

在裝飾典雅的託盤上展示的草藥園咖啡廳特飲，彩色水果茶與草藥茶併排擺設，提供鮮豔和美味的視覺享受。

喺食物方面，小編仲揀咗蕃薯！

一般嘅cafe都真係唔會見到賣蕃薯，但因為呢度係草藥cafe，所以都唔太出奇！

藥草園最特別嘅地方就係會根據時節去更改甜品嘅款式。

一到冬天嘅時候，喺呢款烤蕃薯嘅裡面仲會放滿cream同埋新鮮嘅水果，真係超級好食啊！

韓國望遠洞獨具特色的一人火鍋餐廳，桌上擺有紅白肉片，搭配各式蔬菜和湯底，展現美味與多樣的火鍋食材。

用韓藥做主題嘅cafe真係夠曬特別，大家記得mark低佢疫情過咗之後就可以再嚟打卡啦！

其他延伸閱讀
望遠一人火鍋店	望遠Luff coffee