韓國網購小Tips

Hello，大家好，我哋係由韓國人話你知每日最新資訊嘅Creatrip。

唔知大家平時多唔多網購嘅呢？小編本身喺香港唔算多，但自從嚟咗韓國之後，網購已經成為日常。因為韓國網購速度快，有時今日買，聽日就到，如果喺買衫，基本3-5日就會收到。不過今日小編想同大家講一個秘密係關於，喺韓國網購買衫有咩要注意！

韓國網購Tips

1. Model影相時上身衫攝褲

dejou

大家可能都會覺得，韓國人style不嬲都係攝衫咁襯冇咩特別。不過，如果睇相一直都係見Model攝住褲咁影，而冇show過整件衫出嚟嘅話，即係代表件衫長度有啲尷尬。如果唔攝件衫可能會太長，咁樣顯得雙腳會好短，不過只要攝少少，整體個感覺都會好睇啲。

2. 只有影坐底嘅相

merongshop

如果大家喺韓國網上買衫嘅時候，見到Model一直都只係坐底，而冇企喺身影相嘅話，大家就要小心。因為有可能只要企起身，個版型會唔好睇，亦有可能長短有啲尷尬。

3. Model成日撬埋雙手/成日摸頭髮（頭痛pose）

gogosing

唔知大家平時影相識唔識擺pose嘅呢？可能好多人第一時間都會舉起手「V」字型咁影，如果想特別啲，可能都有好多經兼「頭痛pose」、「肚痛pose」、「牙痛pose」等等。

如果大家喺韓國網上買衫嘅話，大家一定要好好記住「頭痛pose」。因為咁即係代表手肘長度偏長，如果膊頭偏闊嘅朋友，可能就要小心啲。

4. 多叉腰/隻手放喺肚嘅pose

66girls

大家可能會覺得，呢個pose好簡單，冇咩特別。事實上model會咁做，係因為件衫太長，對於韓國人鍾意著oversize，可能會覺得可以理解。不過，如果大家唔鍾意著oversize嘅衫就要留意。

5. 冇正式坐底影嘅相

티스토리

大家可能會諗「啱啱小編又話唔好買只有影坐底嘅相，而家又話小心冇坐底嘅相。」咁樣大家可能會覺得好亂，但其實小編嘅意思係想話好似上圖咁，如果見到model只係半挨半坐嘅話，咁就可以知道件衫/裙有幾短。只要一坐底，就好大機會會走光，所以就連韓國人見到都話要小心，盡量唔好買。

唔知大家平時網購有冇中過伏呢？唔想中伏就要記住以上呢幾點啦！好多時韓國人買衫嗰陣都會睇佢嚟做秘訣！

如果有更多想知嘅內容，都可以隨時留言或者dm話俾我哋知：）

 Instagram：creatrip.hk

 Facebook：Creatrip 帶你認識韓國每一面

 韓國代購