Hello，大家好，我哋係由韓國人每日提供最新韓國旅行資訊嘅Creatrip。
韓國人茶餘飯後嘅活動莫過於去酒吧飲酒，除咗享受氣氛之外，仲想同一班朋友一齊玩酒Game，一齊開心下！講到酒Game，真係好超級多款，大家又識玩邊幾款呢？等小編介紹幾款俾大家，等大家以後同三五知己飲酒嘅時候都可以多個節目啦！
韓國後生仔鍾意玩咩酒Game?
1. 傻瓜遊戲
처음처럼
第一個遊戲就係傻瓜遊戲，玩法其實相當簡單！玩家要一邊叫順序叫號碼1-5，當叫緊嘅時候，手指同口講緊嘅號碼要唔一樣，如果一樣嘅話即係輸！如果輸咗嘅話就會被懲罰，就要飲罰酒！
2. 眼色遊戲
Blog
呢個遊戲規則好簡單，相信大家睇綜藝嘅時候都一定有睇過，因為劉在鍚真係好鍾意玩呢個game。當其中一個人叫數字一嘅話遊戲就會正式開始，玩家就要觀察其他人嘅眼色一個一個叫出每一個數字，叫到最後一個數字嘅人就係輸！如果喺遊戲過程當中，有兩個人同時叫出同一個數字嘅話咁就兩個都要受罰啦！
3. 酒樽蓋遊戲
처음처럼
呢個遊戲算係韓國最多人玩嘅酒Game！當你開咗支燒酒之後，你會發現蓋上面有一條嘢會突咗出嚟，一隻手要攞住個蓋，輪流俾唔同嘅玩家彈個鋁環，好多時喺遊戲開始前會講定，彈嬴唔使飲，又或者可能係彈中嘅左右兩邊飲。
4. 估數字遊戲
처음처럼
唔講唔知，原來燒酒樽蓋上面係有數字，玩法就係其中一個人睇完其他人去估，通常都係1-50， 直到估到個號碼為止。
처음처럼
5. Bunny Bunny (바니바니)
처음처럼
Bunny Bunny都係一個好經典嘅酒game！首先隨機揀一位玩家然後佢就要指住其中一個人做圖上嘅手勢，然後叫幾次BunnyBunny，然後你側邊嘅人就要叫蘿蔔蘿蔔 (당근당근)，俾人指住嗰個人就要做下一個叫Bunny Bunny嘅人，邊個做錯手勢嘅話就要接受懲罰！
6. 3-6-9 (삼-육-구)
Youtube/Learn Korean in Korean
呢個遊戲完全唔需要道具！首先隨機叫一位玩家叫1開始，然後下一個玩家就要順序講出數字，講到有3、6、9嘅時候就要用拍手代替，如果唔記得拍手嘅話就要飲罰酒啦！
7. 潛水艇遊戲 (잠수함 게임)
처음처럼
呢個遊戲需要一支酒同一個啤酒杯同燒酒杯，先倒酒落去個大杯到，倒到去1/2杯嘅位置然後將第二隻細嘅燒酒杯放喺裡面。
처음처럼
之後每人要輪流倒啲酒落細嘅杯，邊個搞到燒酒杯沈底嘅話就為之輸啦！
以上咁多就係韓國人鍾意玩嘅酒Game，大家下次同朋友飲酒嘅時候不妨都可以試下玩呢啲遊戲啊！
如果有更多想知嘅內容，都可以隨時留言或者dm話俾我哋知：）
Instagram：creatrip.hk
