Hello，大家好，我哋係由韓國人話你知每日最新韓國資訊嘅Creatrip。
由2020年一月開始，韓國就開始畀新型冠狀肺炎威脅，到而家已經超過10個月有多，對於韓國旅遊業造成超級大影響。
大家都應該好耐冇嚟韓國，今日等小編實拍一下原本好多旅客會去嘅弘大、三清洞、明洞比大家睇，等大家可以懷念一下曾經大家都好鍾意你嘅地方啦！
✨馬上Follow我哋IG
instagram.com/creatrip.hk
首爾觀光地現況
1. 弘大商圈
而家
以前喺疫情未爆發之前，弘大簡直係一年365日每日24個鐘都逼滿人。
不過自從一月有咗肺炎開始，弘大嘅街頭就變得冷清清，完全係冇曬生氣:(
而家
以前
就連最舒服嘅弘大林蔭道，事隔一年而家都變成咁，唔知出年嘅弘大會唔會變返以前咁樣呢？
講到弘大，大家一定會諗起好熱鬧嘅購物街，以前好多人好多舖頭。
而家就算係星期六日放假都冇乜人，亦有唔少舖頭因為頂唔住冇生意都執咗唔再經營落去。
早前，所有夜店都因為疫情嘅影響而暫停營業。
雖然而家有開返，但係因為好多夜店都考慮到驚疫情會嚴重落去，所以都選擇冇了期停業。
而家
大家記唔記得呢度？
呢間係弘大大型嘅文具店1300K，而家因為疫情影響都執咗。
影響最大嘅莫過於係弘大商圈嘅「停車場街」附近嘅舖頭。
因為呢度附近嘅普通好多都係做成棟商場嘅生意，但因為而家冇遊客，所以都做唔住啦！
以前好熱鬧嘅弘大停車場街，唔知幾時先可以變返以前咁樣呢？
見到呢個畫面，小編都覺得好心酸......
2. 三清洞
景福宮三清洞都係唔少觀光客嚟韓國一定會嚟嘅地方。
除咗體驗著韓服之外，好多人都會喺度散步、喺度睇韓屋嘅地方。
以前想嚟呢度影相嘅時候，通常都要好早起身一早嚟，嚟到之後重要避開啲人先可以影到相。
不過依家就算weekend嚟都冇咩人啦......
以前好熱鬧好靚嘅三清洞街，經過疫情嘅洗禮，變到一片死寂咁:(
而家遊客唔可以嚟韓國，三清洞同埋景福宮附近嘅韓服店都做唔到落去，而地產商都開始招租。
不過喺疫市下，邊個會敢依家開舖啊:(
希望呢啲嘅老字號店舖可以喺疫情下重新回歸三清洞啦 ><
3. 明洞
唔洗小編多講，大家都可以想像到受到最大影響嘅地方就係明洞，只係喺四月嘅時候，就有好多舖頭執咗。
而過咗十個月，明洞都冇咩舖頭係中營業緊，幾乎有7成嘅舖頭都係冇開嘅。
一啲明洞嘅小型超市都變成咁:(
好多大型品牌店都敵不過疫情，加入咗倒閉潮。
雖然大企業唔會完全成個品牌唔做，不過都頂唔住咁貴租啦:(
以上就係疫情下嘅韓國觀光地，唔知大家睇到有咩感想呢？
小編真係睇到咁，就諗返起當年熱鬧嘅街頭，都覺得好唏噓><
希望疫情可以快啲過去變返以前熱熱鬧鬧嘅韓國啦！
✨馬上Follow我哋IG
instagram.com/creatrip.hk
| 其他延伸閱讀 | |
 弘大Selpix |  韓妹愛用菲林相機 |
