豬肉湯飯嘅由來-韓國（Creatrip）

Hello，大家好，我哋係由韓國人話你知每日最新韓國資訊嘅Creatrip。

＃豬肉湯飯＃由來
＃釜山＃歷史發展
＃血腸湯飯＃發展

講到豬肉湯飯大家都會知道佢係嚟自釜山，而事實都係咁，亦係去釜山必食之一。

不過大家知唔知道其實豬肉湯飯嘅前身唔係喺釜山，而大家又知唔知道點解佢會變成釜山嘅經典美食？

就等小編一齊都大家拆解下啦！

韓國第一碗豬肉湯飯

釜山豬肉湯飯，濃鬱的肉湯與新鮮蔬菜佐以豬肉薄片，呈現一碗豐富的美味湯飯。

好多人都話豬肉湯飯係嚟自釜山，呢句話叫啱咗一半。

正確啲講，豬肉湯飯最一開始係喺全羅北道群山市（군산）出現，呢度嘅豬肉湯飯係以豬頭、豬內臟、豬瘦肉等等配飯嚟食嘅！

群山豬肉湯飯最早嘅時候被稱為「血腸湯（순댓국）」，係到70年代之後，先變成「豬肉湯飯（돼지국밥）」。

歷史悠久的豬肉湯飯，配以嫩滑的豬肉與滿滿香味的米飯，經典的釜山風味。

直到1970年，豬肉湯飯其實一直都被稱為「甕器胡同」、「血腸湯胡同」等等，之後群山特有嘅湯飯文化慢慢式微，就轉咗由釜山接棒。

當年真正傳統嘅血腸湯，除咗有白菜泡菜、醃蘿蔔之外，都會用新鮮韭菜醃製而成嘅小菜。

如果客人有要求，都會送上血腸、牛耳、牛皺胃、肉片等等，而且湯汁偏濃同辣，同依家大家食到嘅豬肉湯飯好唔同。

講到釜山嘅豬肉湯飯由來，其實都有非常多講法。

最多人講嘅就係喺韓戰當中，有一班人喺釜山避難，用豬肉內臟同其他部分熬煮出嚟然後配飯食，所以豬肉湯飯就喺咁樣誕生啦！

特製豬肉湯飯，採用當地食材，融合獨特的調味，獨具地域特色的佳餚。

其實而家嘅豬肉湯飯製作方法都算複雜，先將豬嘅腳骨同埋豬肉洗咗血水，再喺熱鍋到加入熱水，然後放入蔥、洋蔥、胡椒、料酒、水一齊煮六個鐘。

另外，食豬肉湯飯嘅時候除咗配飯，都會加入煮麻粉、蝦醬、粗鹽、韭菜、辣椒、呢啲調味料，令個湯更加濃郁。

細膩刀工切片的豬肉，配上各類韓式小菜與調料，為豬肉湯飯增添無限風味。

大家食豬肉湯飯嘅時候，唔少餐廳都係畀一碗豬肉湯再配白飯，等你可以倒入個碗到食。

不過呢樣嘢同歷史有關嘅，以前住喺慶尚道一帶嘅貴族覺得呢個食法好似同庶民一樣，所以之後就將飯同埋湯分開食，叫做「分離湯飯」。

釜山當地豬肉湯飯，顏色濁的豬骨湯搭配切好的豬肉和蒜蓉蘸醬，美味可口。

當年北朝鮮軍隊攻打北方，難民往南逃生嘅時候，主要分佈喺密陽、釜山、大邱呢三個地方。

正正因為咁，豬肉湯飯都集中咗喺呢三個地方，形成咗唔同口味同樣貌。

好似釜山咁，釜山豬肉湯飯係以豬骨熬到湯頭顏色混濁，食起上嚟啖啖骨肉香，最多人鍾意。

口味獨特的豬肉湯飯，加入了粗鹽、韭菜和辣椒等調料，風味獨具匠心。

密陽嘅湯飯就係用「牛骨」熬湯，雖然都係豬肉湯飯，但也有好多人會當佢係牛肉湯飯。

至於大邱嘅湯飯就係以內臟為主，豬肉嘅部分就比較少。

蘿蔔泡菜與血腸湯，共同組成了純正的韓國家庭味道，富有情感的家常菜。

血腸（순대 / Sun-Dae）呢個字嘅由來，都係嚟自滿族被稱為米腸嘅「Senggi-Duha」演化而成，喺滿語裡面，Senggi代表「血」，而Duha代表「腸子」，就演變咗今日「血腸」呢個名啦！

豬肉湯飯的歷史溯源，以及不同時期的風味演變，從傳統到現代的美食之旅。

唔知呢啲小知識有冇令大家對韓國美食嘅起源有多啲了解呢？

下次嚟韓國嘅時候，不妨都試曬所有睇下自己最鍾意邊款啦！

其他延伸閱讀
韓國部隊鍋由來	韓國拉麵推薦款