韓國人點解鍾意改名？
原來改名喺韓國係咁流行？50個韓國人就有一個人會改名！你哋又知唔知點解？
Hello，大家好，我哋係由韓國人話你知每日最新韓國資訊嘅Creatrip。
＃韓國人 ＃韓國文化
＃韓國人改名 ＃韓國人信念
唔知作為香港人嘅大家有冇試過改名呢？
以小編所知香港人都係唔太會改名，但大家知唔知原來每50個人之中就又一個韓國人會改名，仲有啲人係會改兩次添啊！
等小編同大家一齊睇下究竟韓國人點解會有改名嘅念頭啦！
✨馬上Follow我哋IG
instagram.com/creatrip.hk
點解韓國人會想改名？
講起改名，其實喺2005年之前，韓國人就算想改名都好難做到，因為冇法律效力。
不過，到咗2005年嘅時候，韓國法院宣報咗如果你係冇任何嘅犯罪意圖，就可以合法地改名。
韓國法院規定，每個人都有權滿足自己，所以都可以允許全韓國人改名，同埋擁有法律認可。
其實改名難唔難呢？
雖然唔算好難，但係都需要通過一系列嘅程序證明你冇犯罪紀錄先可以改名！
至於韓國人點解會想改名呢？
原來就係因為想改運，佢哋覺得父母幫佢哋改嘅名唔係佢哋最鍾意嘅，又或者係未必可以為未來帶 嚟好運，所以就想改名啦！
Cr. trazy
如果想改名，但啲韓國人又唔知改咩名嘅話，佢哋就會去請教一啲算命師。
特別係喺大學附近可以搵到好多算命嘅舖頭，裡面嘅師傅都會比啲建議你，等你可以改完名之後更加旺你嘅學業、事業或者財運。
你以為可能都係上咗年紀嘅人先會咁做？
其實唔係㗎，根據韓國法院嘅數據顯示，43%會改名嘅人都係20幾歲嘅年輕人，所以其實改名喺韓國嚟講都算普及。
另外一個改名嘅原因就係因為遇上人生嘅轉捩點，唔少人可能喺迷茫嘅時候唔知點，就覺得改名就可以為佢哋帶嚟新嘅機遇，所以都會想改名！
不過都有一啲人純碎會覺得自己個名唔好聽而改名，都係其中一個迷信嘅表現！
韓國人喺改名嘅時候，主要都會改佢哋嘅漢字名居多，因為通常漢字嘅名係會有一個意思喺度，想改名嘅願意都係想改埋呢個名背後嘅意思。
而為咗方便起見，有啲韓國人唔想搞好多手續改名，就直接喺介紹自己嘅時候唔講中文名，而係講自己嘅英文名畀人聽，就覺得自己好似改咗名一樣！
大家又有冇諗過原來咁多韓國人係會因為以上呢啲原因而改名嘅呢？
✨馬上Follow我哋IG
instagram.com/creatrip.hk
| 其他延伸閱讀 | |
 韓國睇相文化 |  韓國算命文化 |