Hello，大家好，我哋係由韓國人話你知每日最新韓國資訊嘅Creatrip。
＃韓國文化 ＃韓劇
＃2020下半年 #大熱韓劇
講到2020上半年嘅韓劇，都唔少代表作令人著迷，個個睇完愛的迫降、夫妻的世界等等嘅劇集都引嚟唔少人討論，仲會去劇入面嘅地方踩點添！
唔知大家有冇發現2020年嘅下半年都已經過咗一半，但到依家都冇一套劇好似上半年討論度咁高嘅劇，究竟係因為咩原因呢？
✨馬上Follow我哋IG
instagram.com/creatrip.hk
2020年熱播韓劇
2020年上半年可以話係韓國有線台韓劇嘅主場，年頭嘅《愛的迫降》討論度超高，遠遠超越咗《請回答1988》、《鬼怪》呢啲超高人氣嘅韓劇創下新壯舉，成為tvN歷史上最高收視率嘅韓劇。
喺《愛的迫降》呢套劇裡面，玄彬同埋孫藝珍既曖昧又真摯嘅互動，加上故事嘅設定係南北韓版本嘅羅密歐與茱麗葉咁。
呢套劇唔單止只係喺韓國熱播，都吸引咗世界各地嘅人關注，話題同埋後續效應亦可以講喺韓劇歷史上最經典嘅作品之一。
而同樣喺差唔多時間嘅《梨泰院Class》都係另外一套討論度超高嘅作品。
呢套劇係改變自同名嘅漫畫，朴敘俊同新人金多美簡直擦出無數火花，當時朴敘俊嘅栗子頭吸引咗唔少韓國oppa去剪呢個髮型添。
《梨泰院Class》結局之後播出嘅 「夫妻的世界」，主要以禁忌同埋搞外遇為主題，深得全國國民嘅心，收視率仲一路飆升。
呢套劇嘅大結局仲攞咗無線台韓劇收視率嘅第一名紀錄，仲擊敗咗《天空之城》添！
另外，《機智醫生生活》同埋《浪漫醫生金師傅2》都係2020年上半年嘅大熱劇，不過好似去到呢兩套劇之後就開始有啲變化，下半年上映嘅劇機會每一套嘅討論度都唔高。
究竟點解會咁嘅呢？
日前播完李準基嘅《青春紀錄》同埋依家播緊嘅《青春紀錄》雖然收視率唔算差，都有一定討論度，但成績就冇《愛的迫降》、《夫妻的世界》呢啲咁熱門！
收視率等於一切？
韓劇嘅收視率去向其實係非常明顯，首播嘅收視係睇邊個主演，中段嘅收視率係靠角色嘅魅力可唔可以維持到，而後期係靠故事情節夠唔夠爆破。
其實播出嘅時間都好影響收視，如果係星期五、六播出嘅劇會比星期一、二播出嘅好。
不過都有特別例子嘅，例如金秀賢、徐睿知主演「雖然是精神病但沒關係」係weekend播出，但因為係非主流嘅關係，所以收視都未如理想。
朴寶劍、朴素丹主演嘅「青春紀錄」，首播嘅收視都唔差，有全國6.362%，都算係高收視率。
其實李敏鎬、金高銀主演嘅《The King：永遠的君主》可能係因為劇情影響，雖然一開頭收視超高，但慢慢跌咗落去。
正正因為咁，其實可以睇得出一套劇成唔成功都唔可以只係睇收視率，時間、劇情、演員同埋宣傳配合都好重要。
韓國ott平台急速上升
可能有人認為，套劇一出收視率就高，就代表成功。
不過喺疫情下其實大部分人都留喺屋企，照道理睇電視嘅時間會增加，但其實咁樣嘅話收視率仲可唔可信呢？
早前，wise公開咗近一年韓國人喺netflix嘅消費金額。
睇番上個月（9月）嘅結果，Netflix嘅韓國用戶多達336萬人，唔少韓劇都會喺Netfliex同步上映。
而家Netflix喺韓國有好大嘅OTT佔有率，電視台對韓劇收視嘅評分唔再係以數據為主，爭唔爭取到海外版權、有冇得喺OTT上架，都係標準之一。
疫情影響韓劇題材？
其實因為疫情嘅關係，2020年下半年嘅韓劇喺選角色、拍攝上都好有限制，所以近期嘅韓劇都以愛情劇為主。
亦因為疫情，好多劇都冇得去外國取景，有啲場抵達封咗又冇得拍攝，所以要拍到好嘅劇都真係有難度。
有相關嘅人士透露，比起其他劇，青春愛情劇嘅製作費平，亦唔需要咁多演員，但因為任務關係都侷限喺家庭、職場或者學校為主，所以劇情都會比較悶。
加上2020年下班半年主要都係呢啲劇為主，可能觀眾都覺得冇咩新意，所以導致收視麻麻。
唔知大家又覺唔覺得2020下半年冇咩特別嘅劇呢？
如果大家覺得有特別吸引嘅，都可以留言同小編分享你哋最鍾意邊套，或者分享一下你哋嘅睇法！
✨馬上Follow我哋IG
instagram.com/creatrip.hk
其他延伸閱讀 | |
 韓國最佳螢幕情侶 |  韓劇文化剖析 |
