韓國外賣文化
聽講韓國嘅配送速度係全亞洲最快？韓國嘅外賣文化點解會咁受歡迎？一齊睇下原因啦！
Hello，大家好，我哋係由韓國人每日提供最新韓國退行資訊嘅Creatrip。
曾經聽講過韓國嘅外賣配送速度係全亞洲最快，如果大家嚟到韓國，一定會比呢度嘅方便程度嚇驚。今次等小編同大家介紹一下韓國嘅外賣文化，發展史，同埋點解會咁受歡迎啦！
韓國外賣文化
1. 外賣文化嘅歷史
brunch.co.kr
外賣已經成為韓國每日使用最多嘅服務之一，韓國總共用咗20萬億韓幣去營運。韓國光州呢個地方係第一次有外賣服務嘅地方， 崔英根喺1925年編寫嘅《海東竹枝》提到：「光州嘅老百姓好識煮飯， 會用白菜、豆蘑菇、牛排、海蔘、鮑魚等去煲湯，然後打包好，送去鄉下。 」
到而家發展到所有有韓國電話號碼嘅人都可以叫外賣，而最大嘅外賣app就係 「배민」同埋「요기요」。近年coupang 都發展埋外送服務開設coupang eats，唔單止可以叫快餐，所有飯、燉湯、漢堡包甚至係雪糕或者係刨冰都可以叫。
2. 點解韓國咁流行外賣文化
1. 韓國人鍾意食宵夜
韓國人好鍾意收工之後睇戲，或者喺開OT嘅時候都會鍾意叫宵夜，有時會叫炸雞、Pizza、豬腳或者油炸食品咁樣，為咗滿足呢啲客群，好多舖頭都會開24小時嚟迎合呢啲人㗎！
2. 外賣服務好方便
隨住智能手機發展得越嚟越好，就出現咗好多外賣App，佢哋都得到好多韓國人嘅支持，因為只要喺App到click兩三個制，或者打個電話，再等半個鐘就有得食！每一個app都會有曬菜單，價格同埋評論俾你參考，你可以參考完之後再落order！
韓國有好多人一個人住
喺韓國其實有好多人都一個人住，由以前1995年只有164萬戶一人家庭，到依家585萬戶嘅關係，增加咗大約3.5倍。唔少獨居嘅人都唔想煮飯，所以成日喺屋企叫外賣，所以外賣文化都越嚟越受歡迎。
3. 外賣人員無形壓力
hankyung.com
唔少外賣員都會揸住架電單車去到唔同嘅地方送貨，而且搵停車位都冇咩問題，但因為佢哋成日衝紅燈，所以好多人都唔鍾意佢哋。其實韓國嘅交通事故好多都同呢啲外賣員有關，根據2020年頭4個月嘅統計，韓國有5000單嘅交通事故都係因為電單車撞死人，比上年同期增加咗7%。因為疫情關係，好多人都減少咗出街食飯，所以叫外賣嘅人多咗，所以都算係簡接影響咗。
hankookilbo.com
딜리버리히어로코리아
因為電單車嘅事故增加咗，唔少外賣供應商都開始為外賣人員提供交通安全法培訓項目。通過唔同嘅訓練，希望呢啲事故會慢慢減少。
如果有更多想知嘅內容，都可以隨時留言或者dm話俾我哋知：）
Instagram：creatrip.hk