韓國緊急報案方法
喺韓國出咗事想報警嘅話應該點做？韓國報案嘅方法你又知唔知？
Hello，大家好，我哋係由韓國人每日提供最新韓國旅行資訊嘅Creatrip。
長期滯留或去外國旅行有時會遇到意想不到嘅情況，特別係遇到危急嘅意外，就需要報警求助。不過每個國家嘅做法都唔一樣，今日小編就想俾大家瞭解一下，喺韓國報案嘅程序同埋方法！
韓國緊急報案方法
申報方法
Interpol
如果喺韓國居住或者旅行期間遇到危險嘅情況，大家絕對唔需要驚！小編會話俾大家知向警察舉報嘅過程，到底要點做！警察會受理邊啲案件呢？對身體同財產造成嚴重威脅，殺人、暴行或猥褻等不當行為，或者任何嚴重嘅問題都可以通過韓國警察熱線進行舉報。
點先聯絡到韓國警察？
onetvasia
韓國警察熱線有2個，緊急事件有分112同182，因為比較好記，112係廣為人知嘅號碼，除咗呢兩個號碼之外，舉報網絡犯罪仲有118號，打112同182嘅時候，唔使入地區號碼，直接打就得。如果用公眾電話亭，就需要㩒寫住「긴급전화」（緊急電話）嘅掣，然後打112號。
向韓國警察申報嘅程序
1.需要翻譯
signupp
如果唔識韓文就可能會遇上困難，爲咗詳細咁同警察交代同溝通，首先要向佢哋提出申請翻譯嘅要求。韓國警察廳有識多種語言嘅翻譯人員。
2. 話俾警察知現場嘅位置
Koreadramaland
事故經過好重要，萬一發生緊急情況或者事故，報案中心會聯絡最近嘅警察去支援。大家打112嘅時候，系統唔需要得到批准，就可以有信號，確認你嘅所在位置。不過漫遊嘅手機就未支援呢個功能，所以外國人喺呢一方面就比較麻煩。不過所有人都可以按照手機嘅地圖，同警察通話嘅時候，可以清楚咁交代到所在嘅位置。
3.描述案件詳情
Koreadramfashion
相關人員收到電話之後，佢哋需要知道係幾時、邊度、同埋所有人係點樣參與呢一事件嘅具體資料。另外如果知道個人信息、車輛登記編號、事故人數、事故者特徵等，都要話俾警察知。當你同警察匯報好所有詳細資料之後，電話會喺3分鐘之內收到一個確認嘅短訊，證明你報案成功。
重要資訊
1. 爲咗向警察正確咁傳達信息，要慢慢咁講。
2. 喺警察收集證據之前，要按程序同職員合作。
3. 雖然對話內容會被記錄低，但舉報人都唔應該將對話內容公開。
其他報案方法
google play
1.文字舉報
如果唔方便講電話，可以透過sned message向112進行舉報，如果唔係send韓文，係其他語言，可能需要時間翻譯，警察未必會即時行動。
2. 用報案APP
打唔到電話嘅時候，可以用手機APP舉報，但因為係韓文界面，用起上嚟可能會比較複雜。
3. Safty e-Report
呢個Safty e-Report係俾一啲非緊急嘅案件用，例如交通燈故障等等，大家可以影完相之後upload上「안전신문고」(安全性申報)嘅APP入面。
Koreajoongangdaily
如果大家嚟韓國旅行冇電話號碼，都可以向著住制服嘅警察或者觀光警察請求幫助。如果需要更加多詳細信息嘅話，亦都可以去韓國警察廳網站上面睇，唔知又幫唔幫到大家呢！？
如果有更多想知嘅內容，都可以隨時留言或者dm話俾我哋知：）
Instagram：creatrip.hk